Click it and Unblock the Notifications
പാര്‍ട്ടിയും മദ്യവും?
ശ്രീശാന്തിന് ദിവസവും പാര്‍ട്ടി വേണം എന്ന തരത്തിലാണ് ദില്ലി പോലീസിനെ ഉദ്ധരിച്ച് അക്കാലത്ത് വാര്‍ത്തകള്‍ പരന്നത്. മുംബൈയിലെ ട്രൈഡന്റ് ഹോട്ടലില്‍ അറസ്റ്റ് ചെയ്യുമ്പോള്‍ ശ്രീശാന്ത് മദ്യപിച്ചിരുന്നത്രെ.
മുഖ്യമന്ത്രിയോ ഏത് മുഖ്യമന്ത്രി?
പോലീസ് ശ്രീശാന്തിനെതിരെ ഉയര്‍ത്തിയ ആരോപണങ്ങള്‍ അപ്പാടെ തള്ളി കോടതി. അറസ്റ്റ് ചെയ്യാനെത്തിയ പോലീസുകാരുടെ നേര്‍ക്ക് മൊബൈല്‍ ഫോണ്‍ എറിഞ്ഞ്, ശ്രീശാന്ത് മുഖ്യമന്ത്രിയെ വിളിക്കാന്‍ ആവശ്യപ്പെട്ടതായാണ് വാര്‍ത്തകള്‍ വന്നത്.
ഒത്തുകളിക്കഥ ഇങ്ങനെ
കിംഗ്‌സ് ഇലവന്‍ പഞ്ചാബിനെതിരെ നടന്ന കളിയിലായിരുന്നത്രെ ശ്രീശാന്ത് ഒത്തുകളിച്ചത്. ഓവറില്‍ 14 റണ്‍സ് വഴങ്ങണം എന്നായിരുന്നത്രെ ശ്രീയോട് ആവശ്യപ്പെട്ടത്. എന്നാല്‍ ഒരു റണ്‍സ് കുറച്ച് 13 റണ്‍സാണ് ശ്രീശാന്ത് വഴങ്ങിയത്. അത് മൂലം ശ്രീശാന്തിന് 30 ലക്ഷം രൂപ നഷ്ടം വന്നെന്നും റിപ്പോര്‍ട്ടുകളുണ്ടായിരുന്നു.
ഗോസിപ്പ് കോളങ്ങളില്‍ പേര്
ഇഷ്ടം പോലെ വിവാദങ്ങള്‍ ശ്രീശാന്തിന്റെ പേരില്‍ ഉണ്ടായിരുന്നു. നടിമാര്‍ക്കൊപ്പമുള്ള പ്രണയകഥകളിലും ശ്രീയുടെ പേര് കേട്ടു. ശ്രീശാന്ത് അറസ്റ്റിലായപ്പോള്‍ തന്റെ പേര് കൂടി അനാവശ്യമായി ചര്‍ച്ചയാകുന്നു എന്ന് പറഞ്ഞ് നടി റായി ലക്ഷ്മി രംഗത്ത് വന്നിരുന്നു.
എവിടുന്നു വന്നു ഈ മറാത്തി നടി?
ഐ പി എല്‍ ഒത്തുകളിക്കേസുമായി ബന്ധപ്പെട്ട് ഒരു മറാത്തി നടിയും അറസ്റ്റിലായതായി ആദ്യകാലത്ത് റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ പിന്നീട് ഇവരെക്കുറിച്ച് വിവരമൊന്നും ഇല്ലാതായി.
നേരിട്ട് ഒന്നും ചെയ്തില്ല?
വാതുവെപ്പുകാരുമായി ശ്രീശാന്ത് നേരിട്ട് ബന്ധപ്പെട്ടതായി തെളിയിക്കാന്‍ ദില്ലി പോലീസിന് കഴിഞ്ഞിരുന്നില്ല. ബന്ധു കൂടിയായ ജിജു ജനാര്‍ദ്ദനന്‍ വഴിയായിരുന്നത്രെ ഒത്തുകളി. അഡ്വാന്‍സായി പത്ത് ലക്ഷം രൂപ ശ്രീ വാങ്ങിയെന്ന് പോലും ആരോപണം ഉണ്ടായി.
ദ്രാവിഡിനോട് വഴക്കിട്ടു?
ഒത്തുകളി കേസില്‍ അറസ്റ്റിലാകുന്നതിന് മുമ്പേ തന്നെ ശ്രീശാന്തിനെ രാജസ്ഥാന്‍ ടീമില്‍ നിന്നും പുറത്താക്കിയിരുന്നു എന്നായിരുന്നു അന്നത്തെ വാര്‍ത്തകള്‍. ശ്രീശാന്ത് ദ്രാവിഡിനോട് കയര്‍ത്തു എന്നും പറഞ്ഞുകേട്ടു
എല്ലാം തെറ്റായിരുന്നു
ശ്രീശാന്തിനെതിരെ അന്ന് പറഞ്ഞുകേട്ട ആരോപണങ്ങളും അഭ്യൂഹങ്ങളും എല്ലാം തെറ്റായിരുന്നു. കോടതി കുറ്റവിമുക്തനാക്കിയ ശ്രീശാന്ത് ഇന്ത്യന്‍ ടീമിലേക്ക് തിരിച്ചെത്തുന്നത് കാത്തിരിക്കുകയാണ് ആരാധകര്‍ ഇപ്പോള്‍
