38ാമത് ഫെഡറേഷന് കപ്പ് ഫുട്ബോളില് തന്റെ ടീമായ ബംഗളൂരു എഫ്സിയെ ചാംപ്യന്മാരാക്കിയാണ് വിനീത് ഏജീസിന്റെ പിരിച്ചുവിടലൊന്നും തന്നെ മാനസികമായി തളര്ത്തിയിട്ടില്ലെന്നു തെളിയിച്ചത്.
ഇന്ത്യന് ഫുട്ബോളിലെ തന്നെ അതികായന്മാരായ മോഹന് ബഗാനെയാണ് ബംഗളൂരു 2-0നു തകര്ത്തെറിഞ്ഞത്. ഇരട്ടഗോളുമായി വിനീത് ടീമിന്റെ ഹീറോയാവുകയും ചെയ്തു.ഈ വിജയത്തോടെ അടുത്ത വര്ഷത്തെ എഎഫ്സി കപ്പിന് ബംഗളൂരു യോഗ്യത നേടി.
വ്യാഴാഴ്ചയാണ് വിനീതിനെ ജോലിയില് നിന്നു പുറത്താക്കിയത്. മതിയായ ഹാജര് ഇല്ലാത്തതിനെ തുടര്ന്നാണ് താരത്തെ പിരിച്ചുവിടുന്നതെന്നും ഏജീസ് ഓഫീസ് വ്യക്തമാക്കിയിരുന്നു.
വിനീതിനു പിന്തുണയുമായി കേന്ദ്ര കായികമന്ത്രി വിജയ് ഗോയല് രംഗത്തുവന്നിരുന്നു. ഇതേക്കുറിച്ച് അന്വേഷിക്കുമെന്നും അദ്ദേഹം വ്യക്താക്കിയിരുന്നു. നന്നായി കളിച്ചു രാജ്യത്തിനു നേട്ടങ്ങള് സമ്മാനിക്കുകയാണ് താരങ്ങളെ സംബന്ധിച്ചു പ്രധാനമെന്നും മന്ത്രി ചൂണ്ടിക്കാട്ടി.
ജോലി നഷ്ടപ്പെട്ട വിനീതിന് സംസ്ഥാന സര്ക്കാര് ജോലി നല്കുമെന്ന് മന്ത്രി എസി മൊയ്തീന് അറിയിച്ചിരുന്നു. വിനീതിനെ തിരിച്ചെടുക്കണമെന്ന് കേന്ദത്തോട് ആവശ്യപ്പെട്ടിട്ടുണ്ടെന്നും അതു നടന്നില്ലെങ്കില് കേരളം ജോലി നല്കുമെന്നുമാണ് മന്ത്രി പറഞ്ഞത്.