Click it and Unblock the Notifications
ധവാന്‍ ഫോമൗട്ട്
ഓപ്പണര്‍ ശിഖര്‍ ധവാന്‍ തീരെ ഫോമിലല്ല. ടീമിലെടുക്കുന്നതേ കഷ്ടം. പക്ഷേ വേറെ വഴിയില്ല. 2, 1, 8 എന്നിങ്ങനെയാണ് ധവാന്റെ ഈ പരമ്പരയിലെ സ്‌കോറുകള്‍
രോഹിതില്ലാതെ പറ്റില്ല
മറ്റൊരു ഓപ്പണര്‍ രോഹിത് ശര്‍മ പരിക്കേറ്റ് ടീമിന് പുറത്താണ്. ഓസ്‌ട്രേലിയയ്‌ക്കെതിരെ സെഞ്ചുറിയോടെ ഫോമിലെത്തിയ ശേഷമാണ് രോഹിതിന് പരിക്കേറ്റത്. രോഹിതിന്റെ പരിക്ക് ലോകകപ്പ് വരെ നീളുമെന്നാണ് പുതിയ റിപ്പോര്‍ട്ടുകള്‍
കോലി മൂന്നാമനോ നാലാമനോ
സ്റ്റാര്‍ ബാറ്റ്‌സ്മാന്‍ വിരാട് കോലിയെ നാലാം നമ്പറില്‍ ഇറക്കിയ തന്ത്രം ഇതുവരെ വിജയിച്ചില്ല. കോലിക്ക് താളം പോയതോടെ ബാറ്റിംഗ് നിര ഒന്നാകെ പാളി. 9, 4, 3 എന്നിങ്ങനെയാണ് കോലി ഈ പരമ്പരയില്‍ സ്‌കോര്‍ ചെയ്തത്.
വേണം ഒരു ബൗളിംഗ് ടീം
ബൗളിംഗിനെക്കുറിച്ച് ഇന്ത്യയുടെ വേവലാതികള്‍ തീരുന്നേയില്ല. ബൗളിംഗ് കോമ്പിനേഷന്‍ ആരൊക്കെ വേണമെന്ന് ആര്‍ക്കും ഒരു നിശ്ചയവുമില്ലാത്ത സ്ഥിതിയാണ്. ആര്‍ക്കും കളിക്കാം. ആരും ഒഴിവാക്കപ്പെടാം.
തളര്‍ന്നുപോയോ
തുടര്‍ച്ചയായ മത്സരങ്ങളാണോ തോല്‍വികളാണോ എന്നറിയില്ല, ആകപ്പാടെ തളര്‍ന്ന ശരീരഭാഷയാണ് കളിക്കാര്‍ക്ക്. ഊര്‍ജ്വസ്വലത ഇല്ല. ക്ഷീണം കൂടുകയേ ഉള്ളൂ, ലോകകപ്പും പിന്നാലെ ഐ പി എല്ലുമാണ് വരുന്നത്.
പരിക്കും പ്രശ്‌നമാണ്
രോഹിത് മാത്രമല്ല, ഭുവനേശ്വര്‍ കുമാര്‍, ഇഷാന്ത് ശര്‍മ, രവീന്ദ്ര ജഡേജ എന്നിവരും പരിക്കിലാണ്. ടീമില്‍ സ്ഥാനം ഉറപ്പുള്ള കളിക്കാര്‍ പരിക്ക് മൂലം പുറത്തുപോകുന്നത് ടീമിന്റെ ബാലന്‍സ് തകര്‍ക്കുന്നു
