Click it and Unblock the Notifications
ഡബിള്‍സ് പങ്കാളി കൂടിയായ മറ്റെക് സാന്‍ഡ്‌സാണ് സാനിയയെ പിന്തള്ളി റാങ്കിങില്‍ ഒന്നാമതെത്തിയത്. ഒന്നാം റാങ്കിലെത്തിയ സാന്‍ഡ്‌സിനെ സാനിയ അഭിനന്ദിച്ചു.
ബ്രിസ്ബണ്‍ ചാംപ്യന്‍ഷിപ്പിന്റെ ഫൈനലില്‍ രണ്ടാം സീഡുകളായ റഷ്യന്‍ ജോടി എകതറീന മകറോവ- എലേന വെസ്‌നിന സഖ്യത്തെയാണ് സാനിയ സഖ്യം നേരിട്ടുള്ള സെറ്റുകള്‍ക്കു തകര്‍ത്തത്. സ്‌കോര്‍: 6-2, 6-3.
തുടര്‍ച്ചയായി രണ്ടാം തവണയാണ് സാനിയ ഈ ടൂര്‍ണമെന്റില്‍ ജേതാവാകുന്നത്. കഴിഞ്ഞ വര്‍ഷം സ്വിറ്റ്‌സര്‍ലന്‍ഡ് സൂപ്പര്‍ താരം മാര്‍ട്ടിന ഹിംഗിസിനൊപ്പം സാനിയ ഇവിടെ കിരീടം കരസ്ഥമാക്കിയിരുന്നു.
91 ആഴ്ചകള്‍ ഒന്നാംറാങ്കില്‍ തുടര്‍ന്ന ശേഷമാണ് സാനിയക്കു താഴേക്ക് ഇറങ്ങേണ്ടിവരുന്നത്. 2015 ഏപ്രില്‍ 13നാണ് സാനിയ ഡബിള്‍സ് റാങ്കിങില്‍ തലപ്പത്തെത്തുന്നത്.
