തൃശൂരില്‍ 4 പേര്‍ക്ക് കൂടി കൊറോണ: അഞ്ചു വയസുകാരനും റഷ്യയില്‍ നിന്നെത്തിയ വ്യക്തിക്കും രോഗം

തൃശൂര്‍: ജില്ലയില്‍ നാല് പേര്‍ക്ക് കൂടി ഇന്ന് കോവിഡ് 19 സ്ഥിരീകരിച്ചു. മുംബൈയില്‍ നിന്നെത്തിയ രണ്ടുപേര്‍ക്കും റഷ്യയില്‍ നിന്നെത്തിയ ഒരാള്‍ക്കുമാണ് രോഗബാധ. ജൂണ്‍ 1 ന് റഷ്യയില്‍ നിന്നെത്തിയ മുരിയാട് സ്വദേശി (35), മെയ് 27 ന് മുംബൈയില്‍ നിന്നെത്തിയ ഇരിങ്ങാലക്കുട സ്വദേശിനി (26), 27 ന് മുംബൈയില്‍ നിന്നെത്തിയ വലപ്പാട് സ്വദേശി (35) എന്നിവര്‍ക്കാണ് രോഗം സ്ഥിരീകരിച്ചത്. തൃശൂര്‍ മെഡിക്കല്‍ കോളേജില്‍ ചികിത്സയിലുള്ള പാലക്കാട് സ്വദേശിയായ 5 വയസ്സുള്ള കുട്ടിയ്ക്കും രോഗം സ്ഥിരീകരിച്ചു.

ഇതുവരെ ആകെ ജില്ലയില്‍ 86 കോവിഡ് 19 പോസിറ്റീവ് കേസുകളാണ് റിപ്പോര്‍ട്ട് ചെയ്തിട്ടുള്ളത്. വ്യാഴാഴ്ച രണ്ട് പേര്‍ രോഗമുക്തരായി. വീടുകളില്‍ 13410 പേരും ആശുപത്രികളില്‍ 88 പേരും ഉള്‍പ്പെടെ ആകെ 13498 പേരാണ് നിരീക്ഷണത്തില്‍ കഴിയുന്നത്. ഇന്ന് 5 പേരെ ആശുപത്രിയില്‍ പുതുതായി പ്രവേശിപ്പിച്ചിട്ടുണ്ട്. നിരീക്ഷണത്തില്‍ കഴിഞ്ഞിരുന്ന 2 പേര്‍ ആശുപത്രി വിട്ടു. നിരീക്ഷണത്തില്‍ കഴിയുന്നവരുടെ പട്ടികയില്‍ 928 പേരെയാണ് പുതുതായി ചേര്‍ത്തിട്ടുള്ളത്.

ബിജെപി എംഎല്‍എമാര്‍ സിദ്ധരാമയ്യയെ കണ്ടു; യെഡിയൂരപ്പയ്ക്ക് ഉള്‍ക്കിടിലം!! കര്‍ണാടകത്തില്‍ കോണ്‍ഗ്രസ്?

വ്യാഴാഴ്ച 137 സാമ്പിളുകളാണ് പരിശോധനക്കയച്ചത്. ഇതുവരെ ആകെ 3167 സാമ്പിളുകളാണ് പരിശോധനക്ക് അയച്ചിട്ടുള്ളത്. ഇതില്‍ 2517 സാമ്പിളുകളുടെ പരിശോധനാ ഫലം വന്നിട്ടുണ്ട്. ഇനി 650 സാമ്പിളുകളുടെ പരിശോധനാ ഫലം ലഭിക്കുവാനുണ്ട്. സെന്റിനല്‍ സര്‍വൈലന്‍സിന്റെ ഭാഗമായി നിരീക്ഷണത്തില്‍ ഉള്ളവരുടെ സാമ്പിളുകള്‍ പരിശോധിക്കുന്നത് കൂടാതെ സമൂഹത്തിന്റെ വിവിധ മേഖലകളിലുള്ള 1049 ആളുകളുടെ സാമ്പിളുകള്‍ ഇതുവരെ കൂടുതലായി പരിശോധനക്ക് അയച്ചിട്ടുണ്ട്.

ഗുജറാത്തില്‍ കോണ്‍ഗ്രസിന് കനത്ത തിരിച്ചടി; എംഎല്‍എമാര്‍ രാജിവച്ചു, രാജ്യസഭാ തിരഞ്ഞെടുപ്പിന് മുമ്പ്

സംസ്ഥാനത്ത് ഇന്ന് 94 പേര്‍ക്കാണ് കൊറോണ രോഗം സ്ഥിരീകരിച്ചത്. 47 പേര്‍ വിദേശത്ത് നിന്ന് വന്നവരാണ്. മൂന്ന് പേര്‍ മരിച്ചു. ഇതോടെ ആകെ മരണം 14 ആയി. കേരളത്തില്‍ ആദ്യമായിട്ടാണ് ഇത്രയും പേര്‍ക്ക ഒരു ദിവസം കൊറോണ രോഗം സ്ഥിരീകരിക്കുന്നത്.

മനേകാ ഗാന്ധിയോടാണ്... നിങ്ങളുടെ ജില്ലയും മലപ്പുറവും ഒന്ന് പരിശോധിക്കാം... മനുഷ്യത്വമുണ്ടെങ്കില്‍...