Click it and Unblock the Notifications
Just In
Don't Miss
-
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ജോലിത്തിരക്കിനിടെ ആശ്വാസം എന്ന നിലയില്‍ ചെയ്തതാണ്; വൈറല്‍ വീഡിയോയിലെ ഡോക്ടര്‍മാര്‍ പറയുന്നു...
കല്‍പ്പറ്റ: കടുവ എന്ന സിനിമയിലെ പാലാപ്പള്ളി എന്നു തുടങ്ങുന്ന ഗാനത്തിന് ചുവടുവച്ച് വൈറലായ രണ്ടു ഡോക്ടര്‍മാരെ തിരയുകയാണ് സോഷ്യല്‍ മീഡിയ. വയനാട് നല്ലൂര്‍നാട് സര്‍ക്കാര്‍ ട്രൈബല്‍ ആശുപത്രിയിലെ സൂപ്രണ്ട് ഡോ. സാവന്‍ സാറാ മാത്യുവും എന്‍എച്ച്എം മെഡിക്കല്‍ ഓഫീസര്‍ ഡോ. സഫീജ് അലിയുമാണ് സൂപ്പര്‍ ഡാന്‍സ് കളിച്ച് വൈറലായത്. ആരോഗ്യ മന്ത്രി വീണ ജോര്‍ജ് ഉള്‍പ്പെടെയുള്ളവര്‍ പങ്കുവച്ചതോടെ വീഡിയോ അതിവേഗം വൈറലായി. ഇത്രയും വൈറലാകുമെന്ന് പ്രതീക്ഷിച്ചില്ലെന്ന് ഡോക്ടര്‍ സാവന്‍ സാറ പറയുന്നു.
ജോലിത്തിരക്കിനിടയില്‍ അല്‍പ്പം ആശ്വാസം എന്ന നിലയിലാണ് നൃത്ത വീഡിയോ ചെയ്തത്. രണ്ടു ദിവസം ജോലി കഴിഞ്ഞുള്ള വേളയില്‍ പരിശീലനം ചെയ്തിരുന്നു. കൂടാതെ ഒറ്റയ്ക്ക് വീട്ടില്‍വച്ചും കളിച്ചുനോക്കി. ഇന്‍സ്റ്റഗ്രാം റീല്‍സ് ആയി ചെയ്തതാണ്. പിന്നീടാണ് കൈവിട്ടുപോയി എന്ന് അറിഞ്ഞത്. ആരോഗ്യ മന്ത്രി ഷെയര്‍ ചെയ്തപ്പോള്‍ ശരിക്കും ഞെട്ടി. സന്തോഷമുണ്ട്. കഴിഞ്ഞ നവംബറില്‍ മന്ത്രി വീണ ജോര്‍ജ് വയനാട്ടില്‍ വന്നിരുന്നു. മന്ത്രിയുടെ പിന്തുണ ഞങ്ങളുടെ ടീമിനും പ്രചോദനം നല്‍കുന്നുവെന്നും സാവന്‍ സാറ കൂട്ടിച്ചേര്‍ത്തു.
കോളജ് കാലത്ത് കളിച്ചിരുന്നുവെന്ന് തന്റെ ഡാന്‍സ് പരിചയം സൂചിപ്പിച്ച് ഡോ. സഫീജ് അലി പറയുന്നു. ഇപ്പോള്‍ റീല്‍സ് വന്നതോടെയാണ് പുതിയ ആശയം ഉദിച്ചത്. മാളവിക, അന്ന എന്നിവരുടെ പാലാപ്പള്ളി റീല്‍സ് കണ്ടിരുന്നു. അതില്‍ നിന്നാണ് പ്രചോദനം. ആ വീഡിയോ കണ്ടപ്പോള്‍ ഡോ. സാവന്‍ സാറയെ കാണിച്ചു. ഡോക്ടര്‍ക്കും താല്‍പ്പര്യമായി. പിന്നീട് പ്രാക്ടീസ് ചെയ്തു. ആശുപത്രി ജീവനക്കാരായ റുബീന ഉള്‍പ്പെടെയുള്ളവരാണ് കൂടുതല്‍ പിന്തുണ നല്‍കിയത്. അവരാണ് മൊബൈലില്‍ വീഡിയോ ചിത്രീകരിച്ചതും എഡിറ്റ് ചെയ്തു തന്നതും- സഫീജ് അലി പറയുന്നു.
ഇപ്പോള്‍ രോഗികളും മറ്റു ഡോക്ടര്‍മാരും സഹപാഠികളുമെല്ലാം വിളിക്കുന്നുണ്ടെന്ന് സാവന്‍ സാറ പറയുന്നു. ജോലിത്തിരക്കിനിടെ യാത്ര പോകാനൊന്നും സാധിക്കില്ല. പാട്ടുപാട്ടുകയോ ഡാന്‍സ് കളിക്കുകയോ ഒക്കെയാണ് സാധ്യമായത്. അറിയാവുന്നത് അല്‍പ്പം തുള്ളാനാണ്. അതാണ് കണ്ടതെന്ന് സഫീജ് അലി കൂട്ടിച്ചേര്‍ക്കുന്നു.
ട്രൈബല്‍ ജന വിഭാഗങ്ങള്‍ക്ക് ഉള്‍പ്പെടെ ഏറെ ആശ്വാസമാണ് നല്ലൂര്‍നാട് കാന്‍സര്‍ ചികിത്സാ കേന്ദ്രം. സംസ്ഥാനത്ത് തന്നെ ഏറ്റവും നന്നായി ഒപി കീമോതെറാപ്പി നല്‍കുന്ന ആശുപത്രികളില്‍ ഒന്നാണിതെന്ന് മന്ത്രി വീണ ജോര്‍ജ് കഴിഞ്ഞ ദിവസം ഫേസ്ബുക്ക് കുറിപ്പില്‍ സൂചിപ്പിച്ചിരുന്നു. ഈ മാസം തന്നെ നല്ലൂര്‍നാട് കാന്‍സര്‍ ആശുപത്രിയില്‍ കിടത്തി ചികിത്സ ആരംഭിക്കുമെന്നും മന്ത്രി കൂട്ടിച്ചേര്‍ത്തു.
Recommended Video
