എസി പ്രവര്ത്തിപ്പിച്ച് വാഹനങ്ങളില് കിടന്നുറങ്ങുന്നവര് പോലീസ് പുറത്തിറക്കിയ ഈ വീഡിയോ കാണുക!!!
അബുദാബി: വാഹനങ്ങള് വഴിയരികിലോ പാര്ക്കിങ് സ്ഥലങ്ങളിലോ മാറ്റി നിര്ത്തി ഗ്ലാസുകള് അടച്ച് വാഹനത്തിന്റെ എസി പ്രവര്ത്തിപ്പിച്ച് വാഹനങ്ങളില് കിടന്നുറങ്ങുന്നത് മരണത്തിലേക്കുള്ള വഴിയായിരിക്കാമെന്ന് അബുദാബി പോലീസ് വീണ്ടും വീണ്ടും ഓര്മ്മപ്പെടുത്തുന്നു.
ഇതുമായി ബന്ധപ്പെട്ട ബോധവത്കരണത്തിന്റെ ഭാഗമായി പുറത്തിറക്കിയ വീഡിയോ ആയിരക്കണക്കിനാളുകളാണ് ഇതുവരെ കണ്ടിരിക്കുന്നത്. ഇത്തരത്തില് നിരവധി അപകടങ്ങള് നിരന്തരം റിപ്പോര്ട്ട് ചെയ്യുന്നതിന്റെ പാശ്ചാതലത്തിലാണ് പോലീസ് വീണ്ടും ഇത്തരത്തില് ബോധവത്കരണ പരിപാടിയുമായി മുന്നിട്ടിറങ്ങിയിരിക്കുന്നത്.
വാഹനത്തിന്റെ എഞ്ചിന് പ്രവര്ത്തിക്കുകയും യഥാസമയം എസി പ്രവര്ത്തനത്തില് അപാകതകള് സംഭവിക്കുകയും ചെയ്യുമ്പോള് വാഹനത്തിന്റെ അകത്ത് വിഷ വാതകം പരക്കാന് കാരണമാവുകയും ഇത് ശ്വസിക്കുന്നത് വഴി ഉറക്കത്തിലൂടെ ആളുകള് മരണത്തിന് കീഴടങ്ങുന്നതുമാണ് മിക്ക അപകടങ്ങളിലും കണ്ട് വരുന്നത്. കഴിഞ്ഞ വര്ഷം ദുബായില് മലയാളി യുവാവിന്റെ മരണവും ഇത്തരത്തില് സംഭവിച്ചതാണെന്ന് പോലീസ് കണ്ടെത്തിയിരുന്നു.