ഗോകുലം ഗ്രൂപ്പ് യുഎഇയില് 800 കോടിയുടെ നിക്ഷേപം നടത്തുന്നു
ദുബായ്: പ്രമുഖ ബിസിനസ് ഗ്രൂപ്പായ ശ്രീ ഗോകുലം, അല് മദീനയുമായി ചേര്ന്ന് യുഎഇയില് 800 കോടിയുടെ നിക്ഷേപം നടത്തുന്നു. ഹൈപ്പര് മാര്ക്കറ്റുകള്, ഹോട്ടലുകള്, എന്നിവയിലാണ് നിക്ഷേപം നടത്തുന്നതെന്ന് അല് മദീന ഗ്രൂപ്പ് പ്രതിനിധി പാറക്കല് റഷീദ് പറഞ്ഞു. ദുബായ് ആസ്ഥാനമായി പ്രവര്ത്തിയ്ക്കുന്ന റീടെയില് നെറ്റ് വര്ക്കാണ് അല് മദീന.
യുഎഇയിലും കോടികളുടെ നിക്ഷേപം നടത്തൊനൊരുങ്ങുന്ന ഗോകുലം ഗ്രൂപ്പ് സ്റ്റഡി വേള്ഡ് ഗ്രൂപ്പുമായി ചേര്ന്ന് വിദ്യാഭ്യാസ സ്ഥാപനങ്ങളും നിര്മ്മിയ്ക്കാനൊരുങ്ങുകയാണ്. അല് കുവോസില് ഒരു ഹൈപ്പര് മാര്ക്കറ്റും അബുദായില് 1.2 ലക്ഷം സ്ക്വയര്ഫീറ്റില് മറ്റൊരു ഹൈപ്പര്മാര്ക്കറ്റും നിര്മ്മിയ്ക്കുന്നുണ്ട്.
ദുബായ്ക്കും അബുദാബിയ്ക്കും പുറമെ മറ്റ് എമിറേറ്റുകളില് കൂടി ബിനസ് വ്യാപിപ്പിയ്ക്കാനും ഗോകുലം ഗ്രൂപ്പ് പദ്ധതിയിടുന്നു. മലയാളികള് ഉള്പ്പടെ ഒട്ടേറെപ്പേര്ക്ക് തൊഴില് നല്കാനും തങ്ങള്ക്ക് കഴിയുമെന്ന് ഗോകുലം ഗ്രൂപ്പ് മേധാവി ഗോകുലം ഗോപാലന് പറഞ്ഞു.