ഗോള്ഡ് ഹോം ഫോര് ഈദ് വിജയികള് ഞായറാഴ്ച നാട്ടിലെത്തും
അജ്മാന്: യു എ യിലെ പ്രമുഖ മലയാളം റേഡിയോ സ്റ്റേഷന് ആയ ഗോള്ഡ് 101.3 എഫ് എമ്മിന്റെ 'ഗോള്ഡ് ഹോം ഫോര് ഈദ് ' എന്ന പരിപാടിയിലൂടെ തിരഞ്ഞെടുക്കപ്പെട്ട ശ്രോതാക്കളുടെ സംഘം നാട്ടില് ഈദ് ആഘോഷിക്കുന്നതിന് ഞായറാഴ്ച്ച (ജൂണ് 25 ) യാത്ര തിരിക്കും.
മൂന്ന് ആഴ്ചകളിലായി വിവിധ ഷോകളിലൂടെ ലഭിച്ച സന്ദേശങ്ങളില് നിന്നാണ് അര്ഹതപ്പെട്ടവരെ കണ്ടെത്തിയത്. പല കാരണങ്ങളാല് പെരുന്നാളിന് നാട്ടില് പോകാന് സാധിക്കാതിരുന്ന ശ്രോതാക്കള്ക്ക് സൗജന്യ വിമാന ടിക്കറ്റ് ആണ് ഗോള്ഡ് എഫ് എം സമ്മാനമായി നല്കുന്നത്.
ഗോള്ഡ് എഫ് എമ്മിന്റെ ജീവകാരുണ്യ പ്രവര്ത്തനങ്ങളുടെ ഭാഗമായി തുടര്ച്ചയായ മൂന്നാം വര്ഷമാണ് ഗോള്ഡ് ഹോം ഫോര് ഈദ് എന്ന പരിപാടി ഒരുക്കിയത്. ഗോള്ഡ് എഫ് എം ആര് ജെ മാരായ വൈശാഖ്, ദീപ എന്നിവര് സംഘത്തെ അനുഗമിക്കും. ഞായറാഴ്ച്ച നാട്ടിലേക്ക് പോകുന്ന സംഘം കുടുംബത്തോടൊപ്പം പെരുന്നാള് ആഘോഷിച്ച ശേഷം വെള്ളിയാഴ്ച്ച തിരിച്ചെത്തും.