കരിപ്പൂര്‍-ബദൽ സംവിധാനം ഏർപ്പെടുത്തണം: കോഴിക്കോട് ജില്ല പ്രവാസി (യു എ ഇ)

ദുബായ് : കോഴിക്കോട് എയർപോർട്ട് റണ്‍വെ അറ്റകുറ്റ പണികൾക്കായി ദീർഘ നാളത്തേക്ക് അടച്ചിടുന്നത് പ്രവാസി മലയാളികളെ വിശേഷിച്ചു മലബാറിൽ നിന്നുള്ള യാത്രക്കാരെ ഏറെ ബാധിക്കുമെന്നതിനാൽ , അനുബന്ധമായ സംവിധാനങ്ങൾ ഏർപ്പെടുത്തണമെന്ന് കോഴിക്കോട് ജില്ല പ്രവാസി (യു എ ഇ) അധികൃതരോട് അഭ്യര്‍ത്ഥിച്ചു.

യാത്രക്കാരുടെ സുരക്ഷിതത്വത്തിന് വേണ്ടി റണ്‍വെ വിപുലീകരിക്കുന്നത് ശ്ലാഘനീയമാണ്. എന്നാൽ അത് നിലവിലുള്ള യാത്ര സൗകര്യത്തെ ബാധിക്കാത്ത തരത്തില്‍ സമയബന്ധിതമായി പൂർത്തിയാക്കണമെന്നും യോഗം ആവശ്യപ്പെട്ടു.

റണ്‍വെ ഭാഗികമായി അടക്കുന്നത് മൂലം, വലിയ വിമാനങ്ങൾക്ക് ലാന്റിഗ് ബുദ്ധിമുട്ടാകുന്ന പക്ഷം, ഇത്തരം വിമാനങ്ങൾ സർവീസ് നടത്തുന്ന സമീപ എയർപോർട്ട്കളിൽ നിന്നും കോഴിക്കോട്ടേക്കുള്ള യാത്രക്കാർക്ക് റോഡു മാര്‍ഗ്ഗം ബദൽ സംവിധാനങ്ങൾ ഒരുക്കാൻ അധികൃതർ മുൻകൈയ്യെടുക്കണമെന്നും യോഗം ആവശ്യപ്പെട്ടു. സ്കൂൾ അവധിയും , ആഘോഷങ്ങളും നടക്കുന്ന വേളയിൽ എയർപോർട്ട് റണ്‍വേ പ്രവൃത്തികൾക്കായി അടച്ചിടുന്നത് പുന പരിശോധിക്കണമെന്നും യോഗം അധികൃതരോട് ആവശ്യപ്പെട്ടു.

പ്രസിടണ്ട് രാജന് കൊളാവിപാലം അധ്യക്ഷത വഹിച്ചു . മോഹന് എസ വെങ്കിട്ട് , അഡ്വ .മുഹമ്മദ്‌ സാജിദ്, ജമീല് ലത്തീഫ്, പദ്മനാഭൻ നമ്പ്യാർ , മുഹമ്മദ്‌ അലി , മുരളി കൃഷ്ണ, മുഹമ്മദ്‌ ബഷീര്, ഷിരോജ്, ഫൈസൽ നാലുകുടി, ദീപ സൂരജ്, റാബിയ ഹുസൈൻ സംസാരിച്ചു.

English summary

Karipur Airport closure, alternative things want to implement, says kozhikode jilla pravasi