സൗദിയിലേക്കുള്ള സന്ദര്ശകര്ക്ക് ഇനി ആരോഗ്യ ഇന്ഷുറന്സ് നിര്ബന്ധം
റിയാദ്: അടുത്ത മാസം ആദ്യ മുതല് സൗദിയില് സന്ദര്ശക വിസയിലെത്തുന്നവര്ക്ക് നിര്ബന്ധ ആരോഗ്യ ഇന്ഷുറന്സ് പദ്ധതി നിലവില് വരുത്തുന്നു. സൗദിയിലേക്ക് ബിസിനസ്, ഫാമിലി വിസിറ്റിംഗ് വിസയില് പോകുന്നവര് ആരോഗ്യ ഇന്ഷുറന്സ് എടുത്തിരിക്കണമെന്നാണ് അധിക്രതര് അറിയിച്ചിരിക്കുന്നത്.
ആദ്യ ഘട്ടത്തില് സേവനങ്ങള് നല്കുന്നതിനായി ഏഴോളം കമ്പനികളെ സര്ക്കാര് തെരഞ്ഞെടുത്തിട്ടുണ്ട്. ഡിസംബറില് നിയമം പ്രാബല്യത്തില് വരും. ഹജ്ജ്, ഉംറ തീര്ഥാടാകരെ നിബന്ധനയില് നിന്ന് ഒഴിവാക്കിയിട്ടുണ്ട്. കുറഞ്ഞ പോളിസി നിരക്ക് പ്രഖ്യാപിച്ചിട്ടില്ലെങ്കിലും പരമാവധി ഒരു ലക്ഷം റിയാലിന്റെ പോളിസിയാണ് സര്ക്കാര് നിര്ദേശിച്ചിരിക്കുന്നത്.
സൗദി സര്ക്കാര് അംഗീകരിച്ച സ്ഥാപനങ്ങളില് നിന്ന് മാത്രമേ ഇന്ഷുറന്സ് പോളിസി എടുക്കാന് പാടുള്ളൂ. സന്ദര്ശകര്ക്കും അവരുടെ കുടുംബാംഗങ്ങള്ക്കും ആശ്രിതര്ക്കും ഇന്ഷുറന്സ് എടുക്കണം.