Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഉപരോധം: ഖത്തറിനെ അപകീര്‍ത്തിപ്പെടുത്താന്‍ അമേരിക്കന്‍ പരസ്യ കമ്പനിക്ക് സൗദി 1.5 ലക്ഷം ഡോളര്‍ നല്‍കി!
ഖത്തറിനെ അപകീര്‍ത്തിപ്പെടുത്താന്‍ അമേരിക്കന്‍ പരസ്യ കമ്പനിക്ക് സൗദി 1.5 ലക്ഷം ഡോളര്‍ നല്‍കിയെന്ന് ആരോപണം.
ദോഹ : അറബ് നാടുകള്‍ ഏര്‍പ്പെടുത്തിയ ഉപരോധത്തിന് പിന്തുണയാര്‍ജിക്കുന്നതിനും ലോകരാഷ്ട്രങ്ങളുടെ മുമ്പില്‍ ഖത്തറിനെ പരമാവധി അപകീര്‍ത്തിപ്പെടുത്തുന്നതിനുമായി സൗദി ഭരണകൂടം അമേരിക്കന്‍ പരസ്യക്കമ്പനിയുമായി കരാര്‍ ഒപ്പിട്ടതായി വെളിപ്പെടുത്തല്‍. അമേരിക്കയിലെ പ്രമുഖ ലോബിയിംഗ് സ്ഥാപനമായ പൊഡെസ്റ്റ ഗ്രൂപ്പിനാണ് സൗദി അമേരിക്കന്‍ പബ്ലിക് അഫയേഴ്‌സ് കമ്മിറ്റി മൂന്നു മാസത്തെ കരാര്‍ നല്‍കിയിരിക്കുന്നത്. ഒന്നര ലക്ഷം ഡോളറാണ് കരാര്‍ തുക.
ഖത്തറിനെതിരേ സൗദിയുള്‍പ്പെടെയുള്ള രാജ്യങ്ങള്‍ ഏര്‍പ്പെടുത്തിയ ഉപരോധത്തിന് കൂടുതല്‍ പിന്തുണയാര്‍ജ്ജിക്കുകയെന്ന ലക്ഷ്യത്തോടെയാണിത്. ഭീകരവാദത്തിന് ഖത്തര്‍ പിന്തുണയും പണവും നല്‍കുന്നുവെന്ന ആരോപണത്തിന് പിന്തുണയാര്‍ജിക്കുക, ഖത്തര്‍ ഭീകരവാദത്തിനുള്ള പിന്തുണ അവസാനിപ്പിക്കണമെന്ന യു.എസ് പ്രസിഡന്റ് ട്രംപിന്റെ പ്രസ്താവന പരമാവധി പ്രയോജനപ്പെടുത്തുക, മധ്യപൗരസ്ത്യ ദേശത്തെ സുപ്രധാന ശക്തിയായി സൗദിയെ ഉയര്‍ത്തിക്കാട്ടുക തുടങ്ങിയ ജോലികളാണ് കമ്പനിക്ക് നല്‍കിയിരിക്കുന്നത്.
അമേരിക്കന്‍ നയരൂപീകരണ കേന്ദ്രങ്ങള്‍, മാധ്യമങ്ങള്‍, ബുദ്ധിജീവികള്‍, ബിസിനസ് നേതാക്കള്‍ തുടങ്ങിയവരിലാണ് ഈ സന്ദേശമെത്തിക്കേണ്ടത്. ഇതിനായി ഓണ്‍ലൈന്‍ മാധ്യമങ്ങള്‍ ഉള്‍പ്പെടെയുള്ളവയില്‍ ആകര്‍ഷണീയമായ പരസ്യങ്ങളും റിപ്പോര്‍ട്ടുകളും നല്‍കും. സപ്തംബറില്‍ നടക്കുന്ന യു.എന്‍ ജനറല്‍ അസംബ്ലിയോടനുബന്ധിച്ച് ഇത്തരം ഖത്തര്‍ വിരുദ്ധ പ്രചാരണങ്ങള്‍ ശക്തിപ്പെടുത്താനും കമ്പനി ഉദ്ദേശിക്കുന്നുണ്ട്.
