യു.എ.ഇ തീരം പ്രവര്‍ത്തകര്‍ നേപ്പാളിലേക്ക് സഹായം എത്തിച്ചു

ദുബായ്: യു.എ.ഇ ലെ പ്രമുഖ സോഷ്യല്‍ ചാരിറ്റി സംഘടനയായ തീരത്തിന്റെ പ്രവര്‍ത്തകര്‍ നേപ്പാള്‍ ദുരിതാശ്വാസ സഹായം യു.എ.ഇ റെഡ് ക്രസന്റിനു കൈമാറി.

ദുബായ് ഗര്‍ഹൂദിലെ യു.എ.ഇ റെഡ് ക്രസന്റ് ഓഫീസില്‍ , ഭക്ഷ്യ ധാന്യങ്ങളും, മരുന്നും, ബ്ലാങ്കറ്റും ,വസ്ത്രങ്ങളും അടങ്ങുന്ന സഹായ വസ്തുക്കള്‍ അസിസ്റ്റന്റ് ഡയരക്ടര്‍ ശ്രീ. ഇബ്രാഹിം അല്‍ ഹമാദി ഏറ്റുവാങ്ങി. ഡോ: ഹരിറാം, ബാബുരാജ് രാഘവന്‍, പാരിജാത പ്രദീപ് എന്നിവര്‍ ചേര്‍ന്ന് യു.എ.ഇ റെഡ് ക്രസന്റ് അഡ്മിന്‍ മാനേജര്‍ ശ്രീ . മൊഹമ്മദ് കമാലില്‍ നിന്നും സര്‍ടിഫിക്കറ്റ് ഏറ്റുവാങ്ങി. തീരം പ്രവര്‍ത്തകരായ നരേഷ് കോവില്‍ , ഷാജി കുറുപ്പത്ത് , വിനോദ് , ഡോ:ശ്രീജ ഹരിറാം , സിജി നരേഷ് എന്നിവരും ചടങ്ങില്‍ പങ്കെടുത്തു.

നേപ്പാള്‍ ദുരിതാശ്വാസ ഫണ്ടിലേക്ക് ഇപ്പോഴും നിരവധി സംഘടനകളും വ്യക്തികളും സഹായം എത്തിച്ച് കൊണ്ടിരിക്കുകയാണ്.

English summary

UAE 'Theeram' social charity foundation help the victims of the Nepal earthquake