ഓണ്ലൈന് ഡേറ്റിങ് സൈറ്റ് ഹാക്ക് ചെയ്തു; നഗ്ന ചിത്രങ്ങളും രഹസ്യങ്ങളും പുറത്ത്
ഓണ്ലൈന് ഡേറ്റിങില് വര്ഷങ്ങളായി നിലവിലിരിക്കുന്ന വെബാസൈറ്റ് 'അഡല്ട്ട്ഫ്രണ്ട്ഫൈന്ഡര്' അജ്ഞാതര് ഹാക്ക് ചെയ്തു. സൈറ്റില് രജിസ്റ്റര് ചെയ്ത ഏതാണ് 64 മില്യണ് മെമ്പര്മാരുടെ പ്രധാന രഹസ്യങ്ങളെല്ലാം ഹാക്കര്മാര് പുറത്തുവിടുകയും ചെയ്തു. നഗ്ന ചിത്രങ്ങള്, വീഡിയോകള്, മെമ്പര്മാരുടെ പേഴ്സണല് വിവരങ്ങള്, മറ്റു രഹസ്യങ്ങള് എല്ലാം പുറത്തുവിട്ടവയില് ഉള്പ്പെടും.
ഹാക്ക് ചെയ്യപ്പെട്ട കാര്യം സൈറ്റ് അധികൃതര് സ്ഥിതീകരിച്ചിട്ടുണ്ട്. എന്നാല് വന് സെക്യൂരിറ്റിയിലാണ് രഹസ്യങ്ങള് സൂക്ഷിച്ചിരിക്കുന്നതെന്നും ഹാക്കര്മാര്ക്ക് അവ കവര്ന്നെടുക്കുക എളുപ്പമല്ലെന്നും സൈറ്റ് വിശദീകരിച്ചു. ഹാക്ക് ചെയ്യപ്പെട്ട വിവരം ഐടി സെക്യൂരിറ്റി വിദഗ്ധനാണ് കണ്ടെത്തിയത്. മാസങ്ങള്ക്കു മുന്പേ ഡാറ്റാ മോഷണം നടന്നെന്നും റിപ്പോര്ട്ടുണ്ട്.
കാലിഫോര്ണിയ ആസ്ഥാനമായുള്ള ഒരു കമ്പനിയുടെ വെബ്സൈറ്റാണ് ഇത്. മെമ്പര്മാര്ക്ക് ഡേറ്റിങ്ങില് ഏര്പ്പെടാനും, സെക്സ് പങ്കാളിയെ കണ്ടെത്താനും പ്രധാന സ്ഥലങ്ങളില് കൂടിച്ചേരാനുമെല്ലാം സൈറ്റ് അവസരമൊരുക്കുന്നുണ്ട്. പോണ് സൈറ്റുകള്ക്ക് സമാനമായി ഓണ്ലൈന് സെക്സും കമ്പനി വാഗ്ദാനം ചെയ്യുന്നു.
സൈറ്റില് മെമ്പര്മാര് ആകുന്നവര്ക്ക് പ്രത്യേക യൂസര് ഐഡിയും പാസ് വേര്ഡും നല്കി ലോഗിന് ചെയ്യാം. ഇതില് നല്കുന്ന വിവരങ്ങള് തികച്ചും രഹസ്യമായിരിക്കുമെന്നാണ് സൈറ്റിന്റെ വാഗ്ദാനം. കമ്പനി ഹാക്ക് ചെയ്തതിനെതിരെ സൈബര് ഇന്വെസ്റ്റിഗേഷന് ടീമിന് പരാതി നല്കുമെന്ന് അധികൃതര് അറിയിച്ചിട്ടുണ്ട്. ഡാറ്റകള് സുരക്ഷിതമാക്കാനുള്ള നടപടി തുടങ്ങിയെന്നും അവര് അറിയിച്ചു.