കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ദില്ലിയില്‍ യുവതിയെ പോലീസുകാരന്‍ ബലാത്സംഗം ചെയ്തു

Google Oneindia Malayalam News

ദില്ലി: ആരു ഭരിച്ചാലും ദില്ലിയുടെ സ്ഥിതി ഇങ്ങനെയൊക്കെ തന്നെയായിരിക്കും എന്നാണ് തലസ്ഥാന നഗരത്തില്‍ നിന്നും പുറത്തുവരുന്ന ഈ വാര്‍ത്ത തെളിയിക്കുന്നത്. സ്ത്രീസുരക്ഷയ്ക്ക് പ്രതിജ്ഞാബദ്ധര്‍ എന്ന് പറഞ്ഞ് അരവിന്ദ് കെജ്രിവാളിന്റെ ആം ആദ്മി പാര്‍ട്ടി അധികാരത്തിലെത്തി ഒരു മാസം തികയും മുമ്പേ ദില്ലിയില്‍ വീണ്ടും പീഡനം.

സ്ത്രീസുരക്ഷയ്ക്ക് കാവല്‍ നില്‍ക്കേണ്ട പോലീസ് ഉദ്യോഗസ്ഥനാണ് യുവതിയെ ബലാത്സംഗം ചെയ്തത് എന്നത് സംഭവത്തിന്റെ തീവ്രത വര്‍ദ്ധിപ്പിക്കുന്നു. ചൊവ്വാഴ്ചയാണ് ദില്ലി പോലീസിലെ ഹെഡ് കോണ്‍സ്റ്റബിളായ ദേവി സിംഗ് 30 കാരിയെ പീഡിപ്പിച്ചത്. വടക്കന്‍ ദില്ലിയിലെ രോഹിണിയിലാണ് സിംഗിന് ഡ്യൂട്ടി.

people-against-delhi-rape

യുവതിയുടെ പരാതിയെത്തുടര്‍ന്ന് ദേവി സിംഗിനെതിരെ പോലീസ് ബലാത്സംഗക്കുറ്റത്തിന് കേസെടുത്തു. പടിഞ്ഞാറന്‍ ദില്ലിയിലെ ആലിപൂര്‍ പോലീസ് സ്‌റ്റേഷനിലാണ് യുവതി പരാതിയുമായി എത്തിയത്. ദില്ലിയിലെ നരേല പ്രദേശത്തെ വീട്ടില്‍ വെച്ചാണ് സിംഗ് തന്നെ ബലാത്സംഗം ചെയ്തത് എന്ന് ഇവര്‍ പോലീസിനോട് പറഞ്ഞു. സിംഗിന്റെ ബന്ധുവാണ് പരാതിക്കാരിയായ യുവതി.

2012 ഡിസംബറില്‍ പാരാമെഡിക്കല്‍ വിദ്യാര്‍ഥിനി ബസ്സില്‍ കൂട്ടബലാത്സംഗം ചെയ്യപ്പെടുകയും പിന്നീട് കൊല്ലപ്പെടുകയും ചെയ്ത സംഭവം ദില്ലിയെ ഞെട്ടിച്ചിരുന്നു. ഇതുമായി ബന്ധപ്പെട്ട പ്രക്ഷോഭങ്ങള്‍ നയിച്ചാണ് അരവിന്ദ് കെജ്രിവാളും കൂട്ടരും മുഖ്യധാരയിലേക്ക് വന്നത്. ഇപ്പോള്‍ കെജ്രിവാള്‍ ദില്ലി ഭരിക്കുകയാണ്. സ്ത്രീസുരക്ഷ ഉറപ്പുവരുത്താന്‍ വേണ്ടി ആം ആദ്മി പാര്‍ട്ടിയും കെജ്രിവാളും എന്ത് ചെയ്യുമെന്ന് കാത്തിരിക്കുകയാണ് ദില്ലി.

English summary
A woman in her 30's was raped by a Delhi Police head constable, police said Thursday. Devi Singh, posted with the disaster team of Delhi Police in north Delhi's Rohini, is still on the run.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X