എട്ടാംക്ളാസുകാരിയെ ഹോസ്റ്റല് വാര്ഡന് പീഡിപ്പിച്ചു
ഗുണ്ടൂര്: എട്ടാം ക്ളാസുകാരിയെ ഹോസ്റ്റല് വാര്ഡന് ബലാത്സംഗം ചെയ്തു. ആന്ധ്രപ്രദേശിലെ ഗുണ്ടൂര് ജില്ലയിലാണ് സംഭവം.ജയരാജ് എന്നയാളാണ് പെണ്കുട്ടിയെ ബലാത്സംഗം ചെയ്തത്. വൈദികന് കൂടിയാണ് പ്രതി.
പാലപ്പട്ടി ഗ്രാമത്തിലെ സെന്റ് മാര്ക്സ് ചില്ഡ്രന്സ് ഹോമിലാണ് സംഭവം. ഹോസ്റ്റലില് 13 പെണ്കുട്ടികളും 17 ആണ്കുട്ടികളുമാണ് താമസിയ്ക്കുന്നത്. ഇവര് അടുത്തുള്ള സര്ക്കാര് സ്കൂളിലെ വിദ്യാര്ഥികളാണ് ഹോസ്റ്റലിലെ അന്തേവാസികളാണ്.
ബലാത്സംഗത്തെത്തുടര്ന്ന് അസുഖം ബാധിച്ച പെണ്കുട്ടി സ്കൂളില് പോകാന് വിസമ്മതിയ്ക്കുകയായിരുന്നു. തുടര്ന്ന് കാര്യമറിഞ്ഞ രക്ഷകര്ത്താക്കള് പൊലീസില് പരാതി നല്കി. ഈ മാസം രണ്ട് തവണ പ്രതി പെണ്കുട്ടിയെ ലൈംഗികമായി ഉപദ്രവിച്ചിട്ടുണ്ടെന്നും പരാതിയില് പറയുന്നു. പരാതി നല്കിയതറിഞ്ഞ് വാര്ഡന് മുങ്ങി. ജയരാജിനായി പൊലീസ് തിരച്ചില് നടത്തുന്നുണ്ട്.