Click it and Unblock the Notifications
Just In
Don't Miss
-
സിബിന് ഏറ്റവും കൂടുതല് ഭയക്കുന്നത് ഇയാളെ; ജിന്റോയോ ജാസ്മിനോ ഒന്നുമല്ല; പൂട്ടാന് നോക്കി, പാളിപ്പോയി -
ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ് -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
ഷാര്‍ജയില്‍ പെണ്‍വാണിഭസംഘത്തിന്‍റെ പിടിയില്‍ അകപ്പെട്ട മലപ്പുറം സ്വദേശിനി രക്ഷപ്പെട്ടു
ഷാര്‍ജ: പെണ്‍വാണിഭ സംഘത്തിന്റെ പിടിയില്‍ നിന്ന് മലയാളി യുവതി രക്ഷപ്പെട്ടു. മലപ്പുറം സ്വദേശിനിയാണ് ചതിയ്ക്കപ്പെട്ട് സെക്‌സ് റാക്കറ്റിന്റെ പിടിയില്‍ അകപ്പെട്ടത്. ഒരു പരിചയക്കാരന്റെ സഹായത്തോടെയാണ് സ്ത്രീ സംഘത്തില്‍ നിന്നും രക്ഷപ്പെട്ടത്. ഇപ്പോള്‍ ദുബായില്‍ ഒരു കുടുംബത്തോടൊപ്പം കഴിയുകയാണ് സ്ത്രീ. പാസ്‌പോര്‍ട്ട് പെണ്‍വാണിഭ സംഘത്തിന്റെ കൈയ്യിലായതിനാല്‍ നാട്ടിലേയ്ക്ക് പോകാനും മാര്‍ഗങ്ങളില്ല.
പ്രസവാനന്തര ശുശ്രൂഷ ജോലിയുടെ പേരിലാണ് നാട്ടിലുള്ള ഒരു സ്ത്രീ യുവതിയെ ദുബായിലെത്തിച്ചത്. ഭര്‍ത്താവ് ഉപേക്ഷിച്ച് പോയ യുവതിയ്ക്ക് മൂന്ന് കുട്ടികളാണുള്ളത്. മുന്‍പ് ഗള്‍ഫില്‍ ജോലി ചെയ്തിരുന്നതിനാല്‍ ഇവര്‍ക്ക് പുതിയ വിസയില്‍ സംശയമൊന്നും തോന്നിയില്ല. ജോലിയുടെ സത്യാവസ്ഥയെക്കുറിച്ച് ഉറപ്പ് വരുത്തുകയും ചെയ്തു.
വീസയ്ക്കായി 7000 ദിര്‍ഹമാണ് ആവശ്യപ്പെട്ടിരുന്നത്. ഈ തുക ശമ്പളത്തില്‍ നിന്നും ഈടാക്കുമെന്നും പറഞ്ഞിരുന്നു. രണ്ട് അപരിചിതര്‍ക്കൊപ്പമാണ് ഇവര്‍ ഷാര്‍ജയില്‍ എത്തിയത്. തുടര്‍ന്ന് അവിടെ നിന്നും മറ്റൊരു ഫ്ളാറ്റിലേയ്ക്ക് എത്തിയപ്പോഴാണ് താന്‍ ചതിയില്‍ അകപ്പെട്ട വിവരം യുവതി അറിയുന്നത്.
പെണ്‍വാണിഭത്തിന് വഴങ്ങാത്തതിനാല്‍ യുവതിയെ ദേഹോപദ്രവം ഏല്‍പ്പിയ്ക്കുകയും തലമുടി മുറിയ്ക്കുകയും ചെയ്തു. ഒരു പരിചയക്കാരന്റെ സഹായത്തോടെയാണ് ഇവര്‍ രക്ഷപ്പെട്ടത്. പാസ്‌പോര്‍ട്ട് പെണ്‍വാണിഭ സംഘത്തിന്റെ കൈയ്യിലാണ്. തിരികെ വേണമെങ്കില്‍ 7000 ദിര്‍ഹം നല്‍കണം. തന്നെപ്പോലെ ഒട്ടേറെ സ്ത്രീകള്‍ സംഘത്തിന്റെ പിടിയില്‍ അകപ്പെട്ടതായും യുവതി പറയുന്നു.
