സ്വവര്ഗ്ഗരതിക്കാര്ക്ക് വധശിക്ഷ... ഐസിസുകാര് കൊന്നതിങ്ങനെ
ബാഗ്ദാദ്: ഐസിസ് മാസങ്ങള്ക്ക് മുമ്പ് പുറത്തിറക്കിയ നിയമശാനസനത്തില് ഏറ്റവും വലിയ കുറ്റങ്ങളായി വിശേഷിപ്പിച്ചിരുന്നത് മത നിന്ദയേയും സ്വവര്ഗ്ഗ രതിയേയും ആണ്. ബലാത്സംഗം ഐസിസ് തീവ്രവാദികള്ക്ക് ഒരു കുറ്റമേ അല്ല. യസീദി പെണ്കുട്ടികളെ ഏറെ ബലാത്സംഗം ചെയ്യുന്നവരാണല്ലോ ഇവര്.
എന്നാല് ഇപ്പോള് അതല്ല വാര്ത്ത. സ്വവര്ഗ്ഗ രതിയുടേയും മതനിന്ദയുടേയും പേരില് അവര് നടത്തിയ കൊലപാതകത്തിന്റെ വീഡിയോ ദൃശ്യങ്ങള് പുറത്ത് വിട്ടു. മൂന്ന് പേരെയാണ് ഐസിസുകാര് കഴുത്തറുത്ത് കൊന്നത്.
സ്വവര്ഗ്ഗ രതിയില് ഏര്പ്പെട്ടതിനാണ് രണ്ട് പേരുടെ തലയറുത്തത്. ഒരാളെ മതനിന്ദയുടെ പേരിലാണ് വധിച്ചത്. വടക്കന് ഇറാഖില് വച്ചാണ് ശിക്ഷ നടപ്പാക്കിയത്. ഇതിന്റെ ചിത്രങ്ങള് സോഷ്യല് മീഡിയയിലൂടെ പുറത്ത് വിട്ടിട്ടുണ്ട്.
ശിക്ഷ നടപ്പാക്കുന്നതിന് തൊട്ടുമുമ്പുള്ള ചിത്രങ്ങളാണ് പുറത്ത് വിട്ടിട്ടുള്ളത്. ആള്ക്കൂട്ടത്തിന് മുന്നില് വച്ചാണ് ശിക്ഷ നടപ്പാക്കിയതെന്ന് വ്യക്തമാക്കുന്ന ചിത്രങ്ങളാണിതെന്ന് വാര്ത്താ ഏജന്സികള് റിപ്പോര്ട്ട് ചെയ്യുന്നു.
സ്വവര്ഗരതിക്ക് കൊല ചെയ്യപ്പെട്ട രണ്ട് പേരും ഒരുമിച്ചാണത്രെ താമസിച്ചിരുന്നത്. ഐസിസ് സ്വാധീനം ഉറപ്പിച്ചതിന് ശേഷം നിരവധി പേരെ ഇത്തരത്തില് സ്വവര്ഗ്ഗരതിയുടെ പേരില് തലയറുത്ത് കൊന്നിട്ടുണ്ട് .