ഫൊക്കാന കണ്‍വെന്‍ഷന്‍: സംഘാടകസമിതി രൂപീകരിച്ചു

ഷിക്കാഗോ: 2002 ജൂലായ് മൂന്നു മുതല്‍ ഏഴു വരെ ഷിക്കാഗോയില്‍ നടക്കുന്ന ഫൊക്കാന കണ്‍വെന്‍ഷന്‍ സംഘാടക സമിതിയുടെ കണ്‍വീനറായി ജോസ് കണിയാലിയെ ഫൊക്കാന ദേശീയ നേതൃ സമ്മേളനം തിരഞ്ഞെടുത്തു.

ഷിക്കാഗോയില്‍ നിന്നു പ്രസിദ്ധീകരിക്കുന്ന കേരള എക്സ്പ്രസ് പത്രത്തിന്റെ എക്സിക്യൂട്ടീവ് എഡിറ്ററാണ് ജോസ്.

ഷിക്കാഗോ മലയാളി അസോസിയേഷന്‍ പ്രസിഡന്റ് ജയചന്ദ്രന്‍, കേരള അസോസിയേഷന്‍ പ്രസിഡന്റ് പ്രസാദ് ജോര്‍ജ്ജ്, ഇല്ലിനോയി മലയാളി അസോസിയേഷന്‍ പ്രസിഡന്റ് പോള്‍ പറമ്പി എന്നിവരെ സംഘാടക സമിതിയുടെ സഹകണ്‍വീനര്‍മാരായും തിരഞ്ഞെടുത്തിട്ടുണ്ട്.

ഫൊക്കാന പ്രസിഡന്റ് ഡോ.എം.അനിരുദ്ധന്‍ അധ്യക്ഷനായിരുന്നു. ജനറല്‍ സെക്രട്ടറി ഐ.വര്‍ഗീസ്, മറിയാമ്മ പിള്ള, ജോര്‍ജ്ജ് കോശി, കളത്തില്‍ പാപ്പച്ചന്‍, മാത്യു കൊക്കൂറ, ജോണ്‍ ടൈറ്റസ് മന്മഥന്‍ നായര്‍, നൈനാന്‍ ചാണ്ടി, പോള്‍ കറുകപ്പള്ളില്‍, ടി.എസ്.ചാക്കോ, പോള്‍ പഴയാറ്റില്‍, വര്‍ഗീസ് ഉലഹന്നാന്‍, ഗോപിനാഥന്‍ നായര്‍, അലക്സ് തോമസ്, ചാക്കോ ജേക്കബ്, ഷാന്‍ദാസ്, ജോജോ വട്ടാടിക്കുന്നേല്‍, ജയിംസ് വര്‍ഗീസ്, സുന്ദര്‍ റാം, പ്രഭാ പുരയില്‍, ഗീതാ ജോര്‍ജ്ജ് എന്നിവര്‍ സംസാരിച്ചു.