ഗള്‍ഫില്‍ ആലുക്കാസിന്റെ ഓണാഘോഷം

കൊച്ചി: ഗള്‍ഫ് മലയാളികള്‍ക്കായി ആലുക്കാസ് ഓണാഘോഷമൊരുക്കുന്നു. ആഗസ്ത് 31ന് മസ്കറ്റിലും സെപ്തംബര്‍ ആദ്യവാരം ബഹ്റിന്‍, ദോഹ, ദുബായ് എന്നിവിടങ്ങളിലുമാണ് ഓണാഘോഷം.

മസ്കറ്റില്‍ ഹോട്ടല്‍ ഷെറാട്ടണിലും ബഹ്റിനില്‍ ഹോളിഡേ ഇന്നിലും ദോഹയില്‍ ദോഹ സിനിമയിലും ദുബായില്‍ വേള്‍ഡ് ട്രേഡ് സെന്ററിലുമാണ് ആഘോഷവേദി.

ബിജുമേനോന്‍, സുകന്യ, ജഗദീഷ്, കല്പന, എം.ജി. ശ്രീകുമാര്‍, രാധിക തിലക് എന്നിവര്‍ പരിപാടികളില്‍ പങ്കെടുക്കും. ആക്സിസ് ഇന്റര്‍നാഷണലാണ് സംഘാടകര്‍. മുംബൈയിലെ പോപ് ചിക് അവതരിപ്പിക്കുന്ന നൃത്തപരിപാടിയും ഇതോടൊപ്പം ഉണ്ടായിരിക്കും. കേരളീയ വിഭവങ്ങളുമായി ഭക്ഷ്യമേളയും ഒരുക്കുന്നുണ്ട്. അതിഥികള്‍ക്ക് സൗജന്യമായി പായസം വിതരണം ചെയ്യും. സമ്മാനപദ്ധതിയുമുണ്ട്.

പരിപാടിക്കെത്തുന്ന എല്ലാ സ്ത്രീകള്‍ക്കും സൗജന്യമായി ആലുക്കാസ് ഓണക്കോടി നല്‍കും. 200 ദിര്‍ഹം, 100 ദിര്‍ഹം, 40 ദിര്‍ഹം, എന്നിങ്ങനെയാണ് ടിക്കറ്റ് നിരക്ക്. പരിപാടി കാണാന്‍ ഏറ്റവും നന്നായി അണിഞ്ഞൊരുങ്ങിയെത്തുന്ന സ്ത്രീക്ക് നെക്ലസ് സെറ്റും സമ്മാനമായി ലഭിക്കും.