കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ദുബായില്‍ ഇന്ത്യാ ഫെസ്റിവല്‍ തുടങ്ങി

  • By Staff
Google Oneindia Malayalam News

ദുബായ് : ഇന്ത്യയുടെ സാംസ്കാരിക വൈവിധ്യം പ്രതിഫലിപ്പിക്കുന്ന ഇന്ത്യാ വീക്ക് ഫെസ്റിവലിന് സപ്തംബര്‍ 21 വ്യാഴാഴ്ച തുടക്കമായി. ഇന്ത്യയുടെ സ്വാതന്ത്യ്രത്തിന്റെ അമ്പതാം വാര്‍ഷികത്തോടനുബന്ധിച്ചാണ് ഈ സാംസ്കാരികോത്സവം സംഘടിപ്പിച്ചിരിക്കുന്നത്.

അബുദാബി ധനകാര്യ-വ്യാപാര മന്ത്രി ഷേക്ക് ഫഹീം ബിന്‍ സുല്‍ത്താന്‍ അല്‍ ക്വാസിമിയും അബുദാബിയിലെ ഇന്ത്യന്‍ സ്ഥാനപതി കെ.സി. സിംഗും ചേര്‍ന്ന് ഉത്സവം ഉദ്ഘാടനം ചെയ്തു. ഇന്ത്യയും അബുദാബിയും തമ്മിലുള്ള ദീര്‍ഘനാളത്തെ ബന്ധം കൂടുതല്‍ ശക്തമായതായി ഷേക്ക് ഫഹീം അഭിപ്രായപ്പെട്ടു.

ഇന്ത്യയും അബുദാബിയും തമ്മിലുള്ള സാംസ്കാരിക ബന്ധം ഊട്ടിയുറപ്പിക്കുകയാണ് ഫെസ്റിവലിന്റെ ലക്ഷ്യമെന്ന് കെ.സി. സിംഗ് പറഞ്ഞു.

ഇന്ത്യ-അബുദാബി ബന്ധം വെളിവാക്കുന്ന ഫോട്ടോ പ്രദര്‍ശനത്തോടെയാണ് ഫെസ്റിവലിന് തുടക്കമായത്. വിവിധ ഇന്ത്യന്‍ ഭാഷകളിലെ പുരസ്കാരത്തിനര്‍ഹമായ ഡോക്യുമെന്ററികള്‍ ഫെസ്റിവലിന്റെ ഭാഗമായി പ്രദര്‍ശപ്പിക്കും. മുസാഫിര്‍ അലിയുടെ പ്രശസ്തമായ ഉമ്രാവു ജാനും പ്രദര്‍ശനത്തിനുണ്ടാവും.

അപകടത്തില്‍പ്പെട്ടതു കാരണം മുസാഫിര്‍ അലിക്ക് ഫെസ്റിവലിന് എത്തിച്ചേരാനായിട്ടില്ല. അദ്ദേഹം ഉടനെ എത്തിച്ചേരുമെന്ന് പ്രതീക്ഷിക്കുന്നതായി കെ.സി. സിംഗ് പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X