കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കലയുടെ പ്രവര്‍ത്തനം മാതൃകാപരം

  • By Staff
Google Oneindia Malayalam News

കുവൈത്ത്: കുവൈറ്റ് ആസ്ഥാനമായി പ്രവര്‍ത്തിക്കുന്ന കേരള ആര്‍ട്ട് ലവേഴ്സ് അസോസിയേഷന്‍(കല) കഴിഞ്ഞ 22 വര്‍ഷമായി നടത്തുന്ന പ്രവര്‍ത്തനങ്ങള്‍ മാതൃകാപരമാണെന്ന് എന്‍.എന്‍.കൃഷ്ണദാസ് എംപി പറഞ്ഞു.

സാല്‍മിയ ഇന്ത്യന്‍ സ്കൂള്‍ ഓഡിറ്റോറിയത്തില്‍ കലയുടെ 22ാം വാര്‍ഷികാഘോഷങ്ങള്‍ ഉദ്ഘാടനം ചെയ്യുകയായിരുന്നു അദ്ദേഹം.

കേരളത്തില്‍ പോലും കുട്ടികള്‍ക്ക് മലയാളം അന്യമായിക്കൊണ്ടിരിക്കുന്ന ഇക്കാലത്ത് കുവൈത്തില്‍ മലയാളികളായ കുട്ടികളുടെ ഇടയില്‍ മാതൃഭാഷയെക്കുറിച്ച് അവബോധമുണ്ടാക്കാന്‍ കല മുന്‍കൈയെടുത്ത് സൗജന്യ മാതൃഭാഷാ പഠന പദ്ധതി നടത്തുന്നത് പ്രശംസനീയമാണെന്നും കൃഷ്ണദാസ് പറഞ്ഞു.

കുട്ടികളിലെ കലാവാസനകളെ പ്രോത്സാഹിപ്പിക്കാന്‍ കലയുടെ നേതൃത്വത്തില്‍ രൂപീകരിച്ച ബാലവേദി കൈരളി ചാനലിന്റെ ദില്ലി ബ്യൂറോ ചീഫ് ജോണ്‍ ബ്രിട്ടാസ് നിര്‍വഹിച്ചു.

കല പ്രസിഡന്റ് ചന്ദ്രമോഹന്‍ പനങ്ങാടിന്റെ അധ്യക്ഷതയില്‍ ചേര്‍ന്ന യോഗത്തില്‍ യുഎംഒ ചെയര്‍മാന്‍ ഡോ.ടി.പി.മേനോന്‍, ഷാര്‍ലറ്റ് ആല്‍ബര്‍ട്ട്, ടി.ജെ.മാത്യു എന്നിവരും സംബന്ധിച്ചു. കലയുടെ പുതിയതായി തിരഞ്ഞെടുക്കപ്പെട്ട ഭാരവാഹികളെ ചടങ്ങില്‍ പരിചയപ്പെടുത്തി.

ആര്‍.രമേശന്‍ സ്വാഗതവും ദിവാകരന്‍ വാര്യര്‍ നന്ദിയും പറഞ്ഞു.

ചിത്രങ്ങള്‍:

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X