യുഎഇയില് നിയമനത്തിന് പ്രത്യേക സമിതി
ദുബായ്: യുഎഇയിലെ സര്ക്കാര് ഓഫീസുകളിലും സ്വകാര്യകമ്പനികളിലും നിയമനങ്ങള് നടത്താന് പ്രത്യേക സമിതിയെ നിയോഗിക്കുന്നു. മറ്റ് രാജ്യങ്ങളില് നിന്നുള്ള തൊഴിലാളികള്ക്ക് അനിയന്ത്രിതമായി വിസ നല്കുന്നത് തടയാനാണ് ഈ നീക്കം.
യുഎഇയില് ഇപ്പോള് തൊഴില് തേടിയെത്തുന്നവര് ആവശ്യത്തില് കൂടുതലാണെന്നാണ് ആഭ്യന്തരവകുപ്പിന്റെ നിഗമനം. വിസയില് പറയുന്ന ജോലികളല്ല പലരും ചെയ്യുന്നത്. ആവശ്യത്തില് കൂടുതല് വാണിജ്യസ്ഥാപനങ്ങളും യുഎഇയില് ഉണ്ടാകുന്നുണ്ട്.
അനിയന്ത്രിതമായി മറു രാജ്യക്കാര് യുഎഇയിലെത്തുന്നത് രാജ്യത്തിന്റെ ജനസംഖ്യാ അനുപാതത്തെയും സംസ്കാരത്തെയും ബാധിക്കുമെന്ന കണ്ടെത്തലുകളുടെ കൂടി അടിസ്ഥാനത്തിലാണ് നിയമനങ്ങള്ക്കായി പ്രത്യേക സമിതിയെ നിയോഗിക്കുന്ന കാര്യം ആലോചിക്കുന്നത്.
കൃത്യമായ രേഖകളില്ലാതെ രാജ്യത്ത് താമസിക്കുന്നവര്ക്ക് പിഴയൊന്നുമൊടുക്കാതെ യുഎഇ വിട്ടുപോകാന് ഒരവസരം കൂടി നല്കുമെന്ന് വക്താവ് അറിയിച്ചു.