മലയാളിക്ക് അമേരിക്കന് പുരസ്കാരം
ന്യൂ ഹാംപ്ഷയര്: തിരുവനന്തപുരം ചിറയിന്കീഴ് സ്വദേശി രാജേഷ്നായര്ക്ക് ന്യൂ ഹാംപ്ഷയര് ഹൈ ടെക്നോളജി കൗണ്സിലിന്റെ ഈ വര്ഷത്തെ മികച്ച തൊഴില് സംരംഭക പുരസ്കാരം.
ന്യൂ ഹാംപ്ഷയറിലെ ഡിഗ്രി കണ്ട്രോള്സിന്റെ പ്രസിഡന്റായ രാജേഷിനൊപ്പം അതേ കമ്പനിയിലെ വൈസ് പ്രസിഡന്റ് ഡേവിഡ് ഗാഗ്നണ്, ന്യൂ ഹാംപ്ഷയറിലെ ജ്യോഗ്രഫിക് ഡാറ്റാ ടെക്നോളജിയുടെ പ്രസിഡന്റ് മൈക്കല് ജെ ജര്ജിംഗ് എന്നിവര്ക്കും പുരസ്കാരം ലഭിക്കും.
30 ലക്ഷം ഡോളര് മൂലധനമുള്ള ഡിഗ്രി കണ്ട്രോള്സ് 1997ല് രാജേഷും ഡേവിഡ് ഗാഗ്നണും ചേര്ന്നാണ് തുടങ്ങിയത്. ആണവരംഗത്തെ അത്യാധുനിക സംവിധാനങ്ങള് നിര്മിക്കുകയും ഈ രംഗത്തെ വന് കമ്പനികള്ക്ക് അവ കൈമാറുകയും ചെയ്യുക എന്നതാണ് ഡിഗ്രി കണ്ട്രോള്സിന്റെ പ്രധാന ബിസിനസ്.വിവരസാങ്കേതിക രംഗത്തെ പ്രമുഖ കമ്പനികളാണ് നൂറോളം പേര് ജോലി ചെയ്യുന്ന ഡിഗ്രി കണ്ട്രോള്സിന്റെ പ്രധാന ഇടപാടുകാര്.
ഡോ. മുരളീധരന് നായരുടെ മകനായ രാജേഷ് തിരുവനന്തപുരം യൂണിവേഴ്സിറ്റി കോളേജില് നിന്നും ഊര്ജതന്ത്രത്തില് ബിരുദം നേടിയ ശേഷം ബാംഗ്ളൂര് ഐഐഎസില് നിന്നും ഇലക്ട്രോണിക്സില് ബിഇയും ബിരുദാനന്തര ഡിപ്ലോമയും നേടി. മാനുഫാക്ചറിംഗ് എഞ്ചിനിയറിംഗില് നിന്നും എംഎസ് നേടിയത് അമേരിക്കയില് നിന്നാണ്. ആറ് പേറ്റന്റുകള് രാജേഷ് നേടിയിട്ടുണ്ട്.