യുഎഇയിലെ തൊഴില് സാഹചര്യം പഠിക്കാന് കേരളസംഘം
ദുബായ്: യുഎഇയില് ജോലി ചെയ്യുന്ന മലയാളികളുടെ അവസ്ഥ നേരില്ക്കണ്ട് വിലയിരുത്താന് കേരളത്തില് നിന്നുള്ള സംഘം ദുബായിലെത്തി.
കേരള സര്വകലാശാല ധനതത്വശാസ്ത്രവിഭാഗം പ്രൊഫസര് ബി.എ. പ്രകാശ്, തിരുവനന്തപുരത്തെ വികസനഗവേഷണ കേന്ദ്രത്തിലെ (സിഡിഎസ്) ഗവേഷകനായ എസ്. ഇരുദയ രാജന് എന്നിവരാണ് സംഘത്തിലുള്ളത്. യുഎഇയിലെ ഇന്ത്യന് അസോസിയേഷനും മറ്റു സംഘടനകളുമായി ചര്ച്ച സംഘം നടത്തും. കൂടാതെ യുഎഇ തൊഴില്-സമൂഹ മന്ത്രാലയവുമായും സംഘം സംഭാഷണം നടത്തുന്നുണ്ട്.
ഗള്ഫില് നിന്ന് കേരളത്തിലേക്ക് തിരിച്ചെത്തുന്നവരുടെ എണ്ണം ക്രമാതീതമായി വര്ദ്ധിക്കുന്നതിന്റെ പശ്ചാത്തലത്തിലാണ് സംഘം പഠനം നടത്തുന്നത്. മലയാളികള് നേരിടുന്ന പ്രശ്നങ്ങളെക്കുറിച്ചുള്ള വിവരം ശേഖരിക്കുകയാണ് സംഘത്തിന്റെ പ്രധാനലക്ഷ്യം. വിശദമായ പഠനത്തിനു ശേഷം സംഘം റിപ്പോര്ട്ട് കേരളസര്ക്കാരിന് സമര്പ്പിക്കും.
ഗള്ഫ് മേഖലയില് ജോലി ചെയ്യുന്ന ഒമ്പതു ലക്ഷത്തോളം ഇന്ത്യക്കാരില് 50-60 ശതമാനത്തോളം മലയാളികളാണെന്നാണ് കണക്ക്.