'തിരിച്ചെത്തുന്ന പ്രവാസികള്ക്ക് ജോലി നല്കണം'
തിരുവനന്തപുരം: വിദേശത്തു നിന്ന് ജോലി മതിയാക്കി മടങ്ങിയെത്തുന്ന മലയാളികള്ക്ക് അര്ഹമായ തൊഴില് നല്കാനുള്ള സംവിധാനമുണ്ടാക്കണമെന്ന് കേരള മുസ്ലിം കള്ച്ചറല് സെന്റര് സംസ്ഥാന സര്ക്കാരിനോട് ആവശ്യപ്പെട്ടു. സെന്റര് പ്രതിനിധികള് മുഖ്യമന്ത്രി എ.കെ.ആന്റണിക്ക് നല്കിയ നിവേദനത്തിലാണ് ഇക്കാര്യം ആവശ്യപ്പെട്ടത്.
മടങ്ങിയെത്തുന്ന വിദേശ മലയാളികള്ക്ക് പെന്ഷനും മറ്റും നല്കുന്നതിനായി പ്രവാസി ക്ഷേമനിധി രൂപീകരിക്കണമെന്നും നിവേദനത്തില് പറയുന്നു. വിദേശമലയാളികളുടെ നിക്ഷേപം ഉപയോഗിച്ച് സംസ്ഥാനത്ത് സംരംഭങ്ങള് ആരംഭിക്കുക എന്നതാണ് മറ്റൊരു ആവശ്യം.
വിദേശമലയാളികളുടെ ക്ഷേമ,പുനരധിവാസ പ്രവര്ത്തനങ്ങള്ക്ക് പ്രധാനപരിഗണന നല്കുമെന്ന് മുഖ്യമന്ത്രി എ.കെ.ആന്റണി സെന്റര് പ്രതിനിധികള്ക്ക് ഉറപ്പുനല്കി. പ്രവാസികളുടെ പ്രശ്നങ്ങള് പരിഹരിക്കാന് ആവുന്നതൊക്കെ ചെയ്യുമെന്ന് അദ്ദേഹം പറഞ്ഞു.