കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

'മടങ്ങിയെത്തുന്ന പ്രവാസികള്‍ക്കായി പദ്ധതികള്‍'

  • By Staff
Google Oneindia Malayalam News

തിരുവനന്തപുരം: വിദേശത്തു നിന്നും മടങ്ങിയെത്തുന്ന മലയാളികള്‍ക്കായി പല ക്ഷേമപദ്ധതികളും നടപ്പിലാക്കുന്ന കാര്യം സര്‍ക്കാരിന്റെ പരിഗണനയിലുണ്ടെന്ന് പ്രവാസികാര്യമന്ത്രി എം.എം.ഹസ്സന്‍ അറിയിച്ചു.

പൊതുമരാമത്ത് വകുപ്പിന്റെ അധീനതയിലുള്ള റോഡരികിലെ പുറംപോക്കില്‍ ഹോട്ടലുകള്‍ സ്ഥാപിക്കാന്‍ അനുമതി നല്‍കുക എന്നത് സര്‍ക്കാരിന്റെ പരിഗണനയിലുള്ള ഒരു പദ്ധതിയാണെന്നും ഹസ്സന്‍ പറഞ്ഞു. ജൂലായ് 21 ശനിയാഴ്ച പ്രവാസി ക്ഷേമ സഹകരണ സംഘം ഉദ്ഘാടനം ചെയ്യുകയായിരുന്നു മന്ത്രി.

വിദേശത്തു നിന്ന് മടങ്ങിയെത്തുന്ന മലയാളികളുടെയും അന്യസംസ്ഥാനങ്ങളുള്‍പ്പെടെ പുറംനാട്ടില്‍ കഴിയുന്ന മലയാളികളുടെയും ക്ഷേമത്തിനായി പദ്ധതികള്‍ നടപ്പിലാക്കുകയാണ് ലക്ഷ്യം. കേന്ദ്രസര്‍ക്കാരിന്റെ സഹകരണം ഇക്കാര്യത്തില്‍ തേടും.

വിദേശത്തു നിന്ന് തിരിച്ചെത്തിയ മലയാളികളുടെ സംഘടനകള്‍ ഇതുസംബന്ധിച്ച് ചില നിര്‍ദേശങ്ങള്‍ സര്‍ക്കാരിന് മുന്നില്‍ വെച്ചിട്ടുണ്ട്. അവരുമായി ആഗസ്തില്‍ ചര്‍ച്ച നടത്തും.

വിദേശത്ത് നിന്ന് തിരിച്ചെത്തിയ മലയാളികള്‍ക്ക് പല സംഘടനകളുള്ളത് ക്ഷേമപദ്ധതികള്‍ നടപ്പിലാക്കുന്നതിനെ പ്രതികൂലമായി ബാധിക്കുമെന്നും ഹസ്സന്‍ സൂചിപ്പിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X