കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഫൊക്കാനോ കണ്‍വെന്‍ഷന്‍ കൊച്ചിയില്‍

  • By Staff
Google Oneindia Malayalam News

കൊച്ചി: വടക്കേ അമേരിക്കയിലെ മലയാളി സംഘടനകളുടെ ഫെഡറേഷനായ ഫൊക്കാനയുടെ ( ഫെഡറേഷന്‍ ഓഫ് കേരളാ അസോസിയേഷന്‍സ് ഇന്‍ നോര്‍ത്ത് അമേരിക്ക)അന്താരാഷ്ട്ര സമ്മേളനം കൊച്ചിയില്‍ നടക്കും. ആഗസ്ത് 10 വെള്ളിയാഴ്ചയാണ് സമ്മേളനം തുടങ്ങുക. ആഗസ്ത് 12 ഞായറാഴ്ച സമാപിക്കും.

രണ്ടു വര്‍ഷത്തിലൊരിക്കല്‍ നടത്തുന്ന അന്താരാഷ്ട്ര സമ്മേളനം ഇതാദ്യമായാണ് വടക്കന്‍ അമേരിക്കയ്ക്കു പുറത്തു നടത്തുന്നതെന്ന് ഫൊക്കാന പ്രസിഡന്റ് ഡോ. എം. അനിരുദ്ധന്‍ ആഗസ്ത് ഒമ്പത് വ്യാഴാഴ്ച വാര്‍ത്താസമ്മേളനത്തില്‍ പറഞ്ഞു. 600 പ്രതിനിധികള്‍ സമ്മേളനത്തില്‍ പങ്കെടുക്കാന്‍ പേര്‍ രജിസ്റര്‍ ചെയ്തിട്ടുണ്ടെന്നും അദ്ദേഹം പറഞ്ഞു.

കേരളത്തിലെ വിദ്യാഭ്യാസ- ആരോഗ്യ മേഖലകളുടെ വികസനത്തില്‍ സജീവമായി ഫൊക്കാനയും പങ്കെടുക്കുമെന്ന് അദ്ദേഹം അഭിപ്രായപ്പെട്ടു. ഫൊക്കാനയുടെ ഗ്രാമസംഗമം, നഗരസംഗമം എന്നീ പദ്ധതികളിലൂടെ വിദേശമലയാളികള്‍ അവരുടെ ജന്മനാട്ടിലെ സ്കൂളുകള്‍ക്ക് കമ്പ്യൂട്ടറുകള്‍ സംഭാവനചെയ്യും. സംസ്ഥാനത്തിന്റെ ഉള്‍നാടുകളിലുള്ള സര്‍ക്കാര്‍ ആശുപത്രികളില്‍ ആധുനിക രോഗനിര്‍ണ്ണയ ഉപകരണങ്ങളും ഫൊക്കാന നല്കും. അമേരിക്കയിലെ സന്നദ്ധസംഘടനയായ മെഡ് സെന്ററുമായി സഹകരിച്ചായിരിക്കും ഈ പദ്ധതി നടപ്പാക്കുക. പക്ഷെ ഈ പദ്ധതികളുടെയെല്ലാം വിജയം സംസ്ഥാനസര്‍ക്കാരിന്റെ സഹകരണത്തെ ആശ്രയിച്ചായിരിക്കുമെന്നും ഡോ. അനിരുദ്ധന്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X