ഫൊക്കാന സമ്മേളനം കൊച്ചിയില്‍ തുടങ്ങി

കൊച്ചി: വടക്കേ അമേരിക്കയിലെ മലയാളി സംഘടനകളുടെ ഫെഡറേഷനായ ഫൊക്കാനയുടെ ( ഫെഡറേഷന്‍ ഓഫ് കേരളാ അസോസിയേഷന്‍സ് ഇന്‍ നോര്‍ത്ത് അമേരിക്ക)അന്താരാഷ്ട്ര സമ്മേളനം കൊച്ചിയില്‍ ആരംഭിച്ചു. മൂന്ന് ദിവസം നീണ്ടുനില്‍ക്കുന്ന സമ്മേളനത്തിന്റെ ഉദ്ഘാടനം ആഗസ്ത് 10 വെള്ളിയാഴ്ച വൈകുന്നേരം കേന്ദ്രമന്ത്രി ഒ.രാജഗോപാല്‍ നിര്‍വഹിച്ചുേ.

താജ്മലബാര്‍ ഹോട്ടലില്‍ നടന്ന ഉദ്ഘാടനച്ചടങ്ങില്‍ ഫൊക്കാന പ്രസിഡന്റ് ഡോ. എം. അനിരുദ്ധന്‍, മന്ത്രി കെ.എം.മാണി, മുന്‍ നിയമസഭാ സ്പീക്കര്‍ എം.വിജയകുമാര്‍ എന്നിവര്‍ പങ്കെടുത്തു. കേരളത്തില്‍ ആദ്യമായാണ് ഫൊക്കാനാ സമ്മേളനം നടക്കുന്നത്.

രാവിലെ നടന്ന സുഹൃത്സംഗമ സമ്മേളനം ഡോ. എം. അനിരുദ്ധന്‍ ഭദ്രദീപം കൊളുത്തി ഉദ്ഘാടനം ചെയ്തു. ഡോ.പുതുശേരി രാമചന്ദ്രന്‍ മുഖ്യപ്രഭാഷണം നടത്തി. ജോര്‍ജ് ഈഡന്‍ എംപി, തോമസ് ജേക്കബ്, വി.കെ.മാധവന്‍കുട്ടി, കെ.എം.റോയി, ഫൊക്കാനാ ട്രസ്റ് ബോര്‍ഡ് അംഗം മാത്യു കൊക്കുറ, ജനറല്‍ സെക്രട്ടറി ഐ.വര്‍ഗീസ്, ജോയിന്റ് സെക്രട്ടറി ടോമി കാെേക്കാട്, അലക്സ് തോമസ് എന്നിവര്‍ പ്രസംഗിച്ചു.

തുടര്‍ന്നുള്ള രണ്ട് ദിവസങ്ങളില്‍ സെമിനാറുകളടക്കമുള്ള വിവിധ പരിപാടികള്‍ നടക്കും. ഞായറാഴ്ച നടക്കുന്ന സമാപന സമ്മേളനം മുഖ്യമന്ത്രി എ.കെ.ആന്റണി ഉദ്ഘാടനം ചെയ്യും.