കാര്യങ്ങൾ അതിവേഗം അറിയാൻ
For Daily Alerts
പ്രവാസി പ്രശ്നങ്ങളെക്കുറിച്ച് സെമിനാര്
കൊച്ചി: വിദേശ മലയാളികള് നേരിടുന്ന പ്രശ്നങ്ങളെക്കുറിച്ച് കൊച്ചിയില് നടക്കുന്ന ഫൊക്കാന സമ്മേളനത്തില് സെമിനാര് നടന്നു. ആഗസ്ത് 11 ശനിയാഴ്ച രാവിലെ നടന്ന സെമിനാര് പ്രവാസികാര്യമന്ത്രി എം.എം. ഹസ്സന് ഉദ്ഘാടനം ചെയ്തു.
ഇരട്ട പൗരത്വം, വോട്ടര് പട്ടികയില് പേരു ചേര്ക്കല്, വിദേശത്തു നിന്ന് തിരിച്ചെത്തിയവരുടെ പുനരധിവാസം തുടങ്ങിയ വിഷയങ്ങള് സെമിനാറില് ചര്ച്ച ചെയ്തു.
കേരളത്തില് സ്വകാര്യവിദ്യാഭ്യാസസ്ഥാപനങ്ങള് തുടങ്ങാന് വിദേശമലയാളികളുടെ സഹായസഹകരണങ്ങള് പ്രതീക്ഷിക്കുന്നുവെന്ന് മന്ത്രി പറഞ്ഞു. വിദേശമലയാളികളുടെ സഹായത്തോടെ കേരളത്തെ സാമ്പത്തിക പ്രതിസന്ധിയില് നിന്ന് കരകയറ്റുകയും വ്യവസായവികസനം നടത്തുകയും ചെയ്യുകയാണ് സര്ക്കാരിന്റെ ലക്ഷ്യമെന്നും അദ്ദേഹം വ്യക്തമാക്കി.
ജലസേചന മന്ത്രി ടി.എം. ജേക്കബ് ചടങ്ങില് അധ്യക്ഷത വഹിച്ചു.
Story first published: Saturday, August 11, 2001, 5:30 [IST]