• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കരിപ്പൂരില്‍ ആഭ്യന്തരസര്‍വീസ് കുറയ്ക്കുന്നു

  • By Staff

കരിപ്പൂര്‍: കരിപ്പൂര്‍ വിമാനത്താവളത്തില്‍ നിന്നുള്ള ആഭ്യന്തരവിമാനസര്‍വീസുകളുടെ എണ്ണം കുറയ്ക്കുന്നു. ഇന്ത്യന്‍ എയര്‍ലൈന്‍സ് ഫിബ്രവരി 25 മുതലാണ് പ്രതിവാരസര്‍വീസുകളില്‍ പത്തെണ്ണം റദ്ദാക്കുന്നത്.

കോഴിക്കോട്- മുംബൈ റൂട്ടില്‍ മൂന്നും മുംബൈ-കോഴിക്കോട് റൂട്ടില്‍ മൂന്നും സര്‍വീസുകള്‍ റദ്ദാക്കുകയാണ്. കരിപ്പൂര്‍-ഗോവ വഴി മുംബൈയ്ക്കുള്ള രണ്ടു സര്‍വീസുകളും റദ്ദാക്കും. കോഴിക്കോട് നിന്നും തിരിച്ചു കരിപ്പൂര്‍-ഗോവ വഴി മുംബൈയ്ക്കുള്ള ഒരു സര്‍വീസും റദ്ദാക്കും. കരിപ്പൂര്‍ നിന്നും ചെന്നൈയിലേക്കുള്ള ഒരു സര്‍വീസും റദ്ദാക്കി.

ഇതോടെ ദൂരയാത്രക്കാര്‍ക്കും കണക്ഷന്‍ ഫ്ലൈറ്റുകള്‍ കിട്ടാന്‍ ബുദ്ധിമുട്ടായിരിക്കും. ആഭ്യന്തരയാത്രക്കാരെയും ഈ സര്‍വീസ് റദ്ദാക്കല്‍ പ്രഖ്യാപനം പ്രതികൂലമായി ബാധിക്കും. കോഴിക്കോട് നിന്നും മുംബൈയ്ക്കുള്ള ഐസി 594, 596, 599 എന്നീ വിമാനങ്ങള്‍ റദ്ദാക്കരുതെന്ന് ട്രാവല്‍ ഏജന്‍സികള്‍ അഭ്യര്‍ത്ഥിച്ചിട്ടുണ്ട്. ജിദ്ദ, റിയാദ് എന്നിവിടങ്ങളിലേക്കുള്ള കണക്ഷന്‍ ഫ്ലൈറ്റുകളായി യാത്രക്കാര്‍ ഉപയോഗിക്കുന്ന സര്‍വീസുകളാണ് ഇപ്പോള്‍ ഇന്ത്യന്‍ എയര്‍ലൈന്‍സ് പിന്‍വലിക്കുന്നത്.

ചെന്നൈയിലേക്കുള്ള വിമാനസര്‍വീസ് കുറച്ചത് ബാംഗ്ലൂര്‍, സിംഗപ്പൂര്‍, ശ്രീലങ്ക എന്നീ രാജ്യങ്ങളിലേക്കുള്ള യാത്രക്കാര്‍ക്ക് ബുദ്ധിമുട്ടാകും. ഷാര്‍ജയില്‍ നിന്നും കരിപ്പൂരിലെത്തേണ്ട രണ്ട് വിമാനങ്ങളുടെ സമയത്തില്‍ മാറ്റവും വരുത്തിയിട്ടുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more