Get Updates
Get notified of breaking news, exclusive insights, and must-see stories!

മമ്മൂട്ടിയുടെ യുഎസ് വിശേഷങ്ങള്‍

ന്യൂയോര്‍ക്ക്: സിനിമാതാരങ്ങള്‍ വിദേശങ്ങളിലെത്തുന്നത് സാധാരണ രണ്ടു കാര്യങ്ങള്‍ക്കാണ്- സിനിമാഷൂട്ടിംഗിന്, അതുമല്ലെങ്കില്‍ ഏതെങ്കിലും കലാപരിപാടികള്‍ അവതരിപ്പിക്കാന്‍.

പക്ഷെ കേരളത്തിന്റെ സൂപ്പര്‍താരം മമ്മൂട്ടി ഇക്കുറി കുടുംബസമേതം അമേരിക്കയിലെത്തിയത് ഈ രണ്ടു കാര്യങ്ങള്‍ക്കുമല്ല. അല്പം നൊമ്പരത്തോടെ, ഒരു സിനിമാഡയലോഗ് പോലെ തന്നെ മമ്മൂട്ടി അക്കാര്യം സദസ്സിനോട് പറഞ്ഞു: ഏഴുകടലിനുമപ്പുറത്ത് എന്റെ മകനെ തനിച്ച് വിടാനാണ് ഞാന്‍ വന്നത്. എന്റെ മകള്‍ സുറുമിയും അധികം താമസിയാതെ ഇവിടെയെത്തും. ഇത്രയും പറയുമ്പോള്‍ മമ്മൂട്ടിയുടെ ശബ്ദത്തില്‍ അല്പം കണ്ണീരും കലര്‍ന്നിരുന്നു.

മമ്മൂട്ടി രണ്ടാഴ്ചയായി യുഎസില്‍ ഓഹയോയിലുണ്ടായിരുന്നു. തന്റെ മകന്‍ ഡല്‍ക്വാര്‍ സല്‍മാനെ ഓഹയോയിലെ പെര്‍ഡ്യൂ സര്‍വകലാശാലയില്‍ ചേര്‍ക്കാനാണ് മമ്മൂട്ടിയെത്തിയത്. ബിസിനസ്സ് സ്റഡീസാണ് സല്‍മാന്റെ വിഷയം. മകള്‍ സുറുമിയും സല്‍മാനും ഭാര്യ സുലുവും കൂടെയുണ്ടായിരുന്നു.

ചെന്നൈയില്‍ സ്റെല്ലാമേരീസ് കോളെജില്‍ നിന്നും ഫൈന്‍ ആര്‍ട്സ് ബിരുദം നേടിയ സുറുമി അധികം വൈകാതെ വിവാഹിതയാകുമെന്ന കാര്യവും മമ്മൂട്ടി സൂചിപ്പിച്ചു. സുറുമിയുടെ വരന്‍ അമേരിക്കയിലെ ഒരു മലയാളിയായിരിക്കും.

അഭിഭാഷകനായ സ്റാന്‍ലി ക്വീന്‍സില്‍ തുറക്കുന്ന പുതിയ ഓഫീസിന്റെ ഉദ്ഘാടനച്ചടങ്ങിനിടയിലാണ് മമ്മൂട്ടി തന്റെ സ്വകാര്യദു:ഖം പങ്കിട്ടത്. മമ്മൂട്ടിയുടെ പഴയ കോളെജ് സഹപാഠിയായിരുന്നു സ്റാന്‍ലി. ഇന്തോ-അമേരിക്കന്‍ ഡമോക്രാറ്റിക് കമ്മിറ്റി ചെയര്‍മാനായ സ്റാന്‍ലി എമ്പയര്‍ സ്റേറ്റ് ബില്‍ഡിംഗിലുള്ള തന്റെ ഓഫീസിനു പുറമെയാണ് പുതിയൊരെണ്ണം ക്വീന്‍സില്‍ തുറന്നത്. മലയാളി സമൂഹത്തിനോട് കൂടുതല്‍ അടുത്തിടപഴകാനാണത്രെ സ്റാന്‍ലി പുതിയ ഓഫീസ് ക്വീന്‍സില്‍ തുറന്നത്.

സിനിമയിലില്ലായിരുന്നുവെങ്കില്‍ താനും സ്റാന്‍ലിയെപ്പോലെ വക്കീലാകുമായിരുന്നു. കോളേജ് കാലത്ത് സ്റാന്‍ലി തന്റെ ഗുരുവും വഴികാട്ടിയും സ്നേഹിതനും എല്ലാമായിരുന്നുവെന്ന് മമ്മൂട്ടി പറഞ്ഞു.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+