ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
  • search

ദുബായ് ഫ്രീ സോണ്‍ നഗരങ്ങള്‍ വലുതാക്കും

  • By Staff
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    അബുദാബി: ദുബായ് നഗരത്തിന്റെ ഏറ്റവും വലിയ ആകര്‍ഷണങ്ങളിലൊന്നായ ദുബായ് ഇന്റര്‍നെറ്റ്സിറ്റിയുടെയും ദുബായ് മീഡിയ സിറ്റിയുടെയും വലിപ്പം കൂട്ടുന്നു. ദുബായ് ഫ്രീസോണിലെ ഏറ്റവും പ്രധാനപ്പെട്ട രണ്ട് നഗരങ്ങളായാണ് ദുബായ് ഇന്റര്‍നെറ്റ് സിറ്റിയും ദുബായ് മീഡിയ സിറ്റിയും അറിയപ്പെടുന്നത്.

    ഈ രണ്ട് കെട്ടിടസമുച്ചയങ്ങളുടെയും ചുമതലയുള്ള ദുബായ് ടെക്നോളജി ഇ-കോമേഴ്സ് ആന്റ് മീഡിയ ഫ്രീ സോണ്‍(ടെകോം) വാര്‍ത്താക്കുറിപ്പില്‍ അറിയിച്ചതാണ് ഈ വിവരം.

    ഇപ്പോള്‍ ഈ രണ്ട് നഗരങ്ങളും കൂടി 15ലക്ഷം ചതുരശ്ര അടി വിസ്തീര്‍ണ്ണത്തിലാണ് സ്ഥിതിചെയ്യുന്നത്. എന്നാല്‍ ഇത് രണ്ടും കൂടി 50 ലക്ഷം ചതുരശ്ര അടിയിലേക്ക് വിപുലീകരിക്കാനാണ് തീരുമാനം. ഈ കെട്ടിടസമുച്ചയങ്ങളില്‍ ഓഫീസ് തുറക്കാന്‍ കൂടുതല്‍ ആവശ്യക്കാര്‍ മുന്നോട്ട് വരുന്നതിനാലാണ് ദുബായ് ഇന്റര്‍നെറ്റ് സിറ്റിയും ദുബായ് മീഡിയ സിറ്റിയും വിപുലീകരിക്കുന്നത്.

    രണ്ട് വര്‍ഷം മാത്രം മുമ്പാണ് ഈ രണ്ട് കെട്ടിടസമുച്ചയങ്ങളും പ്രവര്‍ത്തനക്ഷമമായത്. ഇതിനകം തന്നെ ദുബായ് മീഡിയാ സിറ്റിയില്‍ 335 ഓഫീസുകളും ദുബായ് ഇന്റര്‍നെറ്റ് സിറ്റിയില്‍ 315 ഓഫീസുകളും പ്രവര്‍ത്തിക്കുന്നു.

    ദുബായ് സര്‍ക്കാര്‍ ആരംഭിച്ച വിജ്ഞാന സമ്പദ്രംഗത്തെ സംരംഭങ്ങളുടെ വിജയമാണ് ഇപ്പോഴത്തെ ഈ വിപുലീകരണത്തിന് പ്രേരണയായതെന്ന് ടെകോം ഡയറക്ടര്‍ ജനറല്‍ മുഹമ്മദ് അല്‍ ഗെര്‍ഗാവി പറഞ്ഞു. ദുബായ് സര്‍ക്കാരിന്റെ ഈ സംരംഭം വാര്‍ത്താവിനിമയ സാങ്കേതിക വിദ്യയുടെയും മാധ്യമവ്യവസായങ്ങളുടെയും വളര്‍ച്ചയ്ക്ക് ആക്കം കൂട്ടിയെന്നും അദ്ദേഹം പറഞ്ഞു.

    ലോകത്തെ വന്‍കിട കമ്പനികളായ മൈക്രോസോഫ്റ്റ്, ഒറക്കിള്‍, ഐബിഎം, എച്ച്പി, എംബിസി, റോയിട്ടേഴ്സ്, സിഎന്‍എന്‍, സിഎന്‍ബിസി എന്നീ കമ്പനികള്‍ ഇവിടെ പ്രവര്‍ത്തിക്കുന്നു. ഈ ഫ്രീസോണില്‍ ഇന്ത്യയിലെ പ്രമുഖ സോഫ്റ്റ്വെയര്‍ കമ്പനികളും പ്രവര്‍ത്തിക്കുന്നു. ഇവിടെ ഒട്ടാകെ 5000 ജീവനക്കാര്‍ ജോലി ചെയ്യുന്നു.

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more