ദുബായ് കപ്പല്ശാലാഅപകടം: 20മരണം
ദുബായ്: ദുബായിലെ കപ്പല്ശാലയില് വെള്ളംകയറിയുണ്ടായ അപകടത്തില് മലയാളികളുള്പ്പെടെ 20 പേര് കൊല്ലപ്പെട്ടു. 100ല് പരം ആളുകള്ക്ക് പരിക്കേറ്റിട്ടുണ്ട്. 31 പേരെ കാണാതായി.
മരിച്ചവരെക്കുറിച്ച് വിശദവിവരങ്ങള് അറിവായിട്ടില്ല. കപ്പല്ശാലയുടെ ഗേറ്റ് തകര്ത്ത് കടല്വെള്ളം അകത്തുകയറിയാണ് അപകടം ഉണ്ടായത്. അപകടസമയത്ത് 500 തൊഴിലാളികള് പണിയെടുത്തിരുന്നു.
മരിച്ചവരില് അധികവും ഏഷ്യാക്കാരാണെന്ന് മാത്രമേ ഇപ്പോള് പറയാന് കഴിയൂ എന്ന് പൊലീസ് ബ്രിഗേഡിയര് ഷര്ഫുദ്ദീന് ഹുസൈന് പറഞ്ഞു. ബുധനാഴ്ച രാവിലെ 10.30നാണ് അപകടമുണ്ടായത്. കപ്പല്ശാലയുടെ ഗേറ്റ് തകര്ത്ത് കടല്വെള്ളം അകത്തേക്ക് കുതിച്ചുകയറുകയായിരുന്നു.
ഒരു മണിക്കൂര് നേരം അകത്തേക്ക് വെള്ളം അടിച്ചുകയറി. അഞ്ചുകപ്പലുകളില് ഒരെണ്ണത്തിനാണ് കൂടുതല് അപകടം സംഭവിച്ചത്. അപകടകാരണത്തെക്കുറിച്ച് അന്വേഷണം തുടങ്ങിയിട്ടുണ്ട്.
അപകടത്തില്പെട്ട ഇന്ത്യക്കാരുടെ വിവരങ്ങള് ലഭിക്കാന് ഇന്ത്യന് സ്ഥാനപതി കാര്യാലയം ശ്രമം നടത്തിവരികയാണ്.