മനാമയില്‍ എഴുത്തിനിരുത്ത്

മനാമ: ബഹറിനിലെ കേരളീയ സമാജം ഒക്ടോബര്‍ 15ന് വിദ്യാരംഭ ദിനം ആഘോഷിയ്ക്കും. മനാമയിലെ സമാജത്തില്‍ അന്ന് രാവിലെ 4.30 മുതല്‍ വിദ്യാരംഭ ചടങ്ങ് നടക്കും.

പ്രശസ്തരായ സാഹിത്യകാരന്മാരാണ് കുട്ടികളെ എഴുത്തിനിരുത്തുന്നത്. ടി പത്മനാഭന്‍, ടി എന്‍ പ്രകാശം എന്നിവരാണ് ഇതിനായി ഗള്‍ഫിലെത്തുന്നത്. ഇവര്‍ക്കായി ഒക്ടോബര്‍ 13 ന് സ്വീകരണ ചടങ്ങും ഏര്‍പ്പെടുത്തിയിട്ടുണ്ട്. കുട്ടികളെ എഴുത്തിനിരുത്തേണ്ട രക്ഷാകര്‍ത്താക്കള്‍ ഒക്ടോബര്‍ പത്തിന് മുമ്പ് കുട്ടികളുടെ പേര് രജിസ്റര്‍ ചെയ്യണം.

എഴുത്തുകാരുമായി സംവാദം നടത്താനുള്ള അവസരവും സമാജം ഒരുക്കിയിട്ടുണ്ട്. ഇത് 14 ാം തീയതിയാണ്.

കൂടുതല്‍ വിവരങ്ങല്‍ക്ക് എം ഇ അനില്‍ കുമാര്‍ (ഫോണ്‍ 9677190) ഇ വി രാജീവന്‍ (ഫോണ്‍ 9814637) എന്നിവരെ ബന്ധപ്പെട്ടാല്‍ മതിയാവും.

ഒക്ടോബര്‍ രണ്ടിന് സമാജത്തിന്റെ കുട്ടികളുടെ വിഭാഗവും മലയാളം സ്കൂളും സംയുക്തമായി ഗാന്ധി ജയന്തിയും ആഘോഷിയ്ക്കുന്നുണ്ട്. മനാമയിലെ സമാജം ഓഫീസില്‍ തന്നെയാണിത്. രാത്രി എട്ട് മണിയ്ക്കാണ് ആഘോഷങ്ങള്‍ തുടങ്ങുന്നത്. പാട്ട്, ചെറുനാടകങ്ങള്‍, ക്വസ് എന്നിവ ആഘോഷങ്ങളുടെ ഭാഗമായി ഉണ്ടാവും.