ദുബായില്‍ മലയാളി മരിച്ചു

ദുബായ്: മലയാളി ദുബായ് തുറമുഖത്ത് അപകടത്തില്‍ മരിച്ചു. അങ്കമാലിക്കാരനായ ദേവസ്സി ചെറിയാനാണ് അപകടത്തില്‍ മരിച്ചത്.

ഒരു കര്‍ണാടകക്കാരനും മറ്റൊരു പാകിസ്ഥാന്‍ കാരനും ഈ അപകടത്തില്‍ മരിച്ചു. ഇവര്‍ ജോലി ചെയ്തിരുന്ന ക്രെയിനിന് തകരാറ് പറ്റിയായിരുന്നു അപകടം.

നവംബര്‍ നാല് തിങ്കളാഴ്ച ഇവര്‍ തുറമുഖത്ത് ഒരു കപ്പല്‍ പെയിന്റ് ചെയ്യുകയായിരുന്നു. ഈ ജോലിയ്ക്കായി ഇവര്‍ നിന്ന ക്രെയിനിന് പറ്റിയ തകരാറാണ് അപകടത്തിന് കാരണമായത്.