കേരള സെന്റര്‍ ഏഴ് പേരെ ആദരിക്കും

ന്യൂയോര്‍ക്ക്: തങ്ങളുടെ മേഖലകളിലും സാമൂഹ്യ സേവനത്തിലും വേറിട്ട സംഭാവനകള്‍ നല്‍കിയ അമേരിക്കയിലെ ഏഴ് ഇന്ത്യക്കാരെ ഇന്ത്യന്‍ അമേരിക്കന്‍ കേരള കള്‍ച്ചറല്‍ ആന്റ് സിവിക് സെന്റര്‍ ആദരിക്കും.

കവിതാ മേനോന്‍ (മാധ്യമപ്രവര്‍ത്തനം), ഗോപാലന്‍ നായര്‍ (മാനേജ്മെന്റ്), ടോണി ദേവസി (കാരുണ്യപ്രവര്‍ത്തനം), ഡോ. തോമസ് തുണ്ടത്ത് (അപ്ലൈഡ് സയന്‍സ്), ഡോ. ജേക്കബ് ഈപ്പന്‍ (വൈദ്യ-ആരോഗ്യ സേവനം), രോഹന്‍ കൃഷ്ണമൂര്‍ത്തി (നാട്യകല), രാജേശ്വര്‍ പ്രസാദ് (സമൂഹത്തിനും കേരള സെന്ററിനുമുള്ള സേവനം) എന്നിവര്‍ക്കാണ് പുരസ്കാരങ്ങള്‍ നല്‍കുന്നത്.

നവംബര്‍ 16ന് വൈകീട്ട് 6.30ന് എല്‍മോണ്ടിലെ കേരള സെന്ററില്‍ നടക്കുന്ന കേരള സെന്ററിന്റെ വാര്‍ഷികാഘോഷ ചടങ്ങിലാണ് അവാര്‍ഡുകള്‍ സമ്മാനിക്കുക.

ഇന്ത്യന്‍ കൗണ്‍സില്‍ ജനറല്‍ പ്രമാതേഷ് രാത് ആണ് മുഖ്യാതിഥി. കൊളംബിയ യൂണിവേഴ്സിറ്റിയിലെ പ്രൊഫ. പി. സോമസുന്ദരം മുഖ്യപ്രഭാഷണം നടത്തും. ശാസ്ത്ര സാങ്കേതികവിദ്യയുടെ മുന്‍പന്തിയില്‍ കേരളത്തെ എത്തിക്കുക എന്ന വിഷയത്തിലായിരിക്കും പ്രഭാഷണം.

നവംബര്‍ 16ന് വൈകീട്ട് അഞ്ച് മണിക്ക് കേരളത്തിന്റെ വികസനം- നമുക്ക് സഹായിക്കാനാവുമോ? എന്ന വിഷയത്തെ ആസ്പദമാക്കി ഒരു പാനല്‍ ചര്‍ച്ച നടക്കും. ചര്‍ച്ചയില്‍ സൗജന്യമായി പങ്കെടുക്കാം.

വാര്‍ഷിക സമ്മേളനത്തില്‍ പങ്കെടുക്കുന്നതിന് ടിക്കറ്റുകള്‍ നേരത്തെ റിസര്‍വ് ചെയ്യണം. 516-358-2000 എന്ന വിലാസത്തിലോ ടഠറടദടബളദമബടളഃസടദമമ.ഡമബ എന്ന വിലാസത്തിലോ ബന്ധപ്പെട്ടാല്‍ ടിക്കറ്റുകള്‍ ബുക്ക് ചെയ്യാം.