ഔട്ട് പാസ്: അപേക്ഷ മാര്ച്ച് 31 വരെ
അബുദാബി: യുഎഇയില് അനധികൃതമായി താമസിക്കുന്ന ഇന്ത്യക്കാര്ക്ക് ഔട്ട്പാസിന് മാര്ച്ച് 31വരെ അപേക്ഷ നല്കാമെന്ന് ഇന്ത്യന് എംബസി. യുഎഇയില് താമസിക്കാന് നിയമപരമായ രേഖയില്ലാത്ത എല്ലാ ഇന്ത്യക്കാരും എത്രയും വേഗം രാജ്യം വിടണമെന്ന് ഇന്ത്യന് സ്ഥാനപതി കെ.സി. സിങ് അറിയിച്ചു.
രാജ്യംവിടാന് ആവശ്യമായ രേഖകള് എംബസിയില് നിന്ന് സമ്പാദിക്കണം. പൊതുമാപ്പിലൂടെ രാജ്യംവിടുന്നവര്ക്ക് എന്നെന്നേക്കുമായി ഗള്ഫിന്റെ വാതില് അടയില്ല. ക്രിമിനല് കേസുകളില് പ്രതിയല്ലെങ്കില് അവര്ക്ക് ഭാവിയിലും യുഎഇയില് വരാവുന്നതാണ്. - കെ.സി. സിങ് പറഞ്ഞു.
രാജ്യം വിടാനുള്ള എമര്ജന്സി സര്ട്ടിഫിക്കറ്റുകള് (ഇ.സി)ക്ക് ഇതിനകം 405 അപേക്ഷകള് ലഭിച്ചുകഴിഞ്ഞു. കോണ്സുലേറ്റില് 563 അപേക്ഷകള് ലഭിച്ചിട്ടുണ്ട്. എംബസികളില് നിന്ന് നിയമാനുസൃത രേഖയായ ഔട്ട്പാസ് ലഭിച്ചുകഴിഞ്ഞാല് അനധികൃത താമസക്കാര് 14 ദിവസങ്ങള്ക്കുള്ളില് രാജ്യം വിടണമെന്നും കെ.സി. സിങ് പറഞ്ഞു.