കാരുണ്യപ്രവര്‍ത്തനങ്ങള്‍ക്ക് മലയാളി സംഘടന

അബുദാബി: കേരളത്തിന്റെ കാരുണ്യ-സാമൂഹ്യവികസനപ്രവര്‍ത്തനങ്ങള്‍ക്ക് വിദേശ മലയാളിസംഘടന രംഗത്ത്.

വിവിധ രാജ്യങ്ങളിലെ മലയാളികളുടെ കൂട്ടായ്മയായ ഗ്ലോബല്‍ കേരള ഫൗണ്ടേഷന്‍ എന്ന സന്നദ്ധസംഘടന സാമ്പത്തികമായി പിന്നോക്കം നില്‍ക്കുന്ന കുട്ടികളുടെ വിദ്യാഭ്യാസവികസനത്തിനും എയ്ഡ്സ് ബാധിച്ച കുട്ടികളുടെ ചികിത്സാസൗകര്യങ്ങള്‍ മെച്ചപ്പെടുത്തുന്നതിനുമുള്ള പ്രവര്‍ത്തനങ്ങള്‍ കേരളത്തില്‍ തുടങ്ങിക്കഴിഞ്ഞു.

തിരുവനന്തപുരത്തിനടടത്തുള്ള വെങ്ങന്നൂരിലെ ഒരു സര്‍ക്കാര്‍ സ്കൂളിലെ കുടിവെള്ളപ്രശ്നം പരിഹരിക്കാനുള്ള പ്രവര്‍ത്തനങ്ങള്‍ സംഘടന ആരംഭിച്ചതായി സസംഘടനയുടെ അബുദാബി സെക്രട്ടറി കെ. വി പ്രകാശ് അറിയിച്ചു. നോര്‍ക്കയുടെ എന്റെ ഗ്രാമം, എന്റെ സ്വപ്നം പദ്ധതിയാണ് സംഘടനക്കുവേണ്ടി പ്രവര്‍ത്തനങ്ങള്‍ നടത്തുന്നത്.

മികച്ച വിദ്യാഭ്യാസം, നാളത്തെ മികച്ച പൗരന്മാര്‍ എന്നതാണ് സംഘടനയുടെ മുഖ്യലക്ഷ്യം. സംഘടനയുടെ മദേഴ്സ് കെയര്‍ എന്ന പദ്ധതിപ്രകാരം സംസ്ഥാനത്തെ എച്ച്.ഐ.വി ബാധിതരായ 100 കുട്ടികളില്‍ 68 പേര്‍ക്ക് എല്ലാമാസവും 1000 രൂപ ഗ്രാന്റു നല്‍കും.

വിദ്യാഭ്യാസ സ്ഥാപനങ്ങളിലും നഗര,ഗ്രാമപഞ്ചായത്തുകളിലും എയ്ഡ്സിനെതിരെ ബോധവല്‍ക്കരണപരിപാടികള്‍ സംഘടിപ്പിക്കും. സംസ്ഥാനത്ത് ബ്ലഡ്ബാങ്കുകള്‍ തുറക്കുക, ടോയ്ലറ്റുകള്‍ നിര്‍മിക്കുക, ആംബുലന്‍സുകള്‍ വാങ്ങുക എന്നിവയും സംഘടനയുടെ അജന്‍ഡയിലുള്‍പ്പെടുന്നു.

സംഘടനയുടെ ആദ്യഗ്ലോബല്‍ കേരളാ മീറ്റ് 2005 ബ്രുെവരിയില്‍ ദോഹയില്‍ നടക്കും.

ദുബായിയുടെ വികസനത്തിനും ജനഹിതപരിപാടികള്‍ക്കും മുഖ്യമായ സംഭാവനകള്‍ നല്‍കിയ ഷെയ്ഖ് സയീദിന്റെ നിര്യാണത്തില്‍ ദുബായിലെ ഒട്ടേറെ ഇന്ത്യാക്കാര്‍ അനുശോചനം രേഖപ്പെടുത്തി. ദുബായിലെ ഇന്ത്യാക്കാരോടും പ്രത്യേകിച്ച് കേരളീയരോട് അങ്ങേയറ്റം കാരുണ്യം കാണിച്ച വ്യക്തിയായിരുന്നു ഷെയ്ഖ് സയീദെന്ന് ദുബായിവ് ക്ലിനിക് നടത്തുന്ന ആസാദ് പറഞ്ഞു.