ഫാക്ടിന് പുതിയ ജൈവവളം: ഫാക്ട് പ്രോം വിപണിയിലിറക്കി, ജൈവവളത്തില് 7.9 ശതമാനം ജൈവ കാർബണ്
കളമശേരി: കേന്ദ്ര പൊതുമേഖലാ സ്ഥാപനമായ ഫാക്ട് വികസിപ്പിച്ചെടുത്ത ഫോസ്ഫേറ്റ് സമ്പുഷ്ടമായ ജൈവവളം 'ഫാക്ട് പ്രോം' ചെയർമാൻ ആൻഡ് മാനേജിംഗ് ഡയറക്ടർ മനോജ് മിശ്ര വിപണിയിലിറക്കി. ആദ്യ വിൽപന ജേക്കബ് പുന്നൂസ്, ഫ്രാൻസിസ് ഡൊമിനിക് എന്നിവർക്ക് നൽകിയാണ് നിർവഹിച്ചത്.
കേന്ദ്ര വളം മന്ത്രാലയവുമായുള്ള 2018-19 വർഷത്തെ ധാരണാപത്രത്തിന്റെ അടിസ്ഥാനത്തിൽ ഫോസ്ഫേറ്റ് സമ്പുഷ്ട ജൈവ വള ഉൽപാദനം കമ്പനിയുടെ പ്രവർത്തന മികവിനുള്ള മാനദണ്ഡമാണ്. കേന്ദ്ര സർക്കാരിന്റെ ഫെർട്ടിലൈസർ കൺട്രോൾ ഓർഡർ നിഷ്കർഷിക്കുന്ന ഗുണനിലവാരമുള്ളവയാണ്. ഇതിൽ 7.9 ശതമാനം ജൈവ കാർബണും 10.4 ശതമാനം ഫോസ്ഫേറ്റും അടങ്ങിയിട്ടുണ്ട്.
ജൈവവള ഉൽപ്പാദന പ്രക്രിയയ്ക്ക് മുൻകൈയെടുത്ത ഫാക്ട് ഉദ്യോഗസ്ഥരായ വി.പ്രദീപ്, വി.ബിനു, സി.എം.കരുത്തപാണ്ടി, ഡോ.മോഹൻ വർഗീസ് എന്നിവരെ ഫാക്ട് സിഎംഡി അനുമോദിച്ചു. ഫാക്ട് ഉദ്യോഗമണ്ഡൽ ക്ലബിൽ നടന്ന ചടങ്ങിൽ മാർക്കറ്റിങ് ആൻഡ് ടെക്നിക്കൽ ഡയറക്ടർ ടി.നന്ദകുമാർ ഫിനാൻസ് ഡയറക്ടർ സഞ്ജയ് മഹേശ്വരി, ഡയറക്ടർമാരായ കെ.പി.എസ് നായർ, ഡോ.മുരളി, മാർക്കറ്റിംഗ് ജനറൽ മാനേജർ അനിൽ രാഘവൻ, രജനി മോഹൻ, മുരളീകൃഷ്ണൻ തുടങ്ങിയവർ സംസാരിച്ചു.
ചിത്രം: ഫാക്ട് വികസിപ്പിച്ചെടുത്ത ഫോസ്ഫേറ്റ് സമ്പുഷ്ടമായ ജൈവവളം ചെയർമാൻ ആൻഡ് മാനേജിംഗ് ഡയറക്ടർ മനോജ് മിശ്ര ആദ്യ വിൽപന നിർവഹിക്കുന്നു
Click it and Unblock the Notifications
Sign in with Google