കടം ബാക്കിയാക്കി ഗോർവാഡേ മടങ്ങി: കർഷക സമരത്തിനിടെ കണ്ണീരോടെ മടക്കം, അംബേദ്കർ ഭവനിൽ അന്ന് നടന്നത്
ദില്ലി: കർഷക സമരത്തിനെത്തിയ കർഷകൻ ദില്ലിയിൽ മരിച്ചു. കർഷക മാർച്ചും കഴിഞ്ഞ് അംബേദ്കർ ഭവനിലെത്തിയ ശേഷമാണ് കിരൺ ശാന്തപ്പ ഗോർവാഡേ മരിച്ചത്. ശനിയാഴ്ച പുലർച്ചെ 3.15ഓടെയാണ് പോലീസിന് ഫോൺ കോൾ ലഭിക്കുന്നത്. മഹാരാഷ്ട്രയിലെ കോലാപ്പൂർ സ്വദേശിയാണ് കർഷക മാർച്ചിൽ പങ്കെടുക്കാനെത്തിയ ഗോർവാഡെ. കാർഷിക ഉൽപ്പന്നങ്ങൾക്ക് ഉണ്ടായ വിലത്തകർച്ചയും വിപണിയിൽ നിന്ന് നേരിട്ട തിരിച്ചടിയും കാരണം ആറ് ലക്ഷത്തോളം രൂപയുടെ കടമാണ് ഗോർവാഡെയ്ക്ക് ഉണ്ടായിരുന്നത്.
കോ ഓപ്പറേറ്റീവ് ബാങ്കിന് പുറമേ ക്രെഡിറ്റ് സൊസൈറ്റിയിലും ഇദ്ദഹത്തിന് കടമുണ്ടായിരുന്നു. ദില്ലിയിലെ ജണ്ഡേവാലനിലെ അംബേദ്കർ ഭവന്റെ മൂന്നാം നിലയിൽ നിന്ന് വീണാണ് മരിക്കുന്നത്. ഉടൻ തന്നെ ലേഡി ഹാർഡ് ലൈൻ മെഡിക്കൽ കോളേജിൽ പ്രവേശിപ്പിച്ചെങ്കിലും ജീവൻ രക്ഷിക്കാൻ കഴിഞ്ഞിരുന്നില്ല. അപ്രതീക്ഷിതമായി കാൽ തെന്നി വീഴുകയായിരുന്നുവെന്നാണ് പ്രാഥമിക നിഗമനം. തറയിൽ വീണ് കിടക്കുന്ന നിലയിലാണ് ഗാർവാഡെയെ കണ്ടെത്തിയത്.
പോസ്റ്റ്മോർട്ടത്തിന് ശേഷം മൃതദേഹം സ്വാഭിമാനി ഷെഠ്കാരി സംഘടനക്ക് വിട്ടുനൽകി. 2002 മുതൽ കർഷക രാഷ്ട്രീയത്തിൽ സജീവമായി പ്രവർത്തിച്ചിരുന്ന ആളാണ് ഇദ്ദേഹം. കരിമ്പിന് മികച്ച വില ലഭിക്കുന്നതിന് ഉൾപ്പെടെ നിരവധി കർഷക സമരങ്ങളിൽ പങ്കെടുത്തിട്ടുള്ള ആളാണ് ഇദ്ദേഹം. 600 ഓളം കർഷകരുമായാണ് കോലാപ്പൂരിൽ നിന്ന് പ്രസ്തുുത സംഘടന ദില്ലിയിലെത്തിയത്.
നാല് എക്രയോളം ഭൂമിയാണ് ഗോർവാഡെ കരിമ്പ് കൃഷിക്കായി മാറ്റിവെച്ചിരുന്നത്. അവശേഷിക്കുന്ന ഭൂമി ഗോതമ്പ്, സോയാബീൻ ഉൾപ്പെടെയുള്ള വിളകൾക്കായി മാറ്റിവെച്ചിരുന്നു. എന്നാൽ കാലംതെറ്റി പെയ്ത മഴയിലും കീടാക്രമണത്തിലും നശിച്ച് പോകുകയായിരുന്നു. ഇത് നഷ്ടമാണെന്ന് കണ്ടതോടെ ഇവ പിഴുതുമാറ്റിയ ശേഷം നവംബറിൽ കരിമ്പ് കൃഷി ആരംഭിച്ചിരുന്നു. കഴിഞ്ഞ പത്ത് വർഷത്തോളമായി തിരിച്ചടവ് ഇല്ലാതെ കിടക്കുന്ന വായ്പയെക്കുറിച്ചുള്ള ടെൻഷനുകൾ ഇദ്ദേഹത്തെ അലട്ടിയിരുന്നതായും സമീപവാസികൾ പറയുന്നു. കോലാപ്പൂർ ജില്ലാ കോ ഓപ്പറേറ്റീവ് ബാങ്കിൽ മൂന്ന് ലക്ഷം രൂപയുടെ കടമുണ്ട്. കൂടാതെ സാഹു കോ ഓപ്പറേറ്റീവ് ക്രെഡിറ്റ് സൊസൈറ്റിയിൽ നിന്ന് മൂന്ന് ലക്ഷം രൂപയും വായ്പയെടുത്തിരുന്നു. സമീപത്തെ കരിമ്പ് മില്ലുകൾക്കാണ് ഗോർവാഡേ പ്രധാനമായും കരിമ്പ് വിറ്റുവന്നിരുന്നത്. എന്നാൽ കർഷിയിൽ നഷ്ടം സംഭവിച്ചതോടെ വായ്പാ തിരിച്ചടവ് മുടങ്ങുകയായിരുന്നു. ഇതോടെയാണ് കർഷക പ്രതിഷേധത്തിൽ പങ്കെടുക്കുന്നതിനായി ദില്ലിയിലേക്ക് പോകുന്നത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google