തക്കാളി കൃഷി ചെയ്യാന് ഇത്ര എളുപ്പമായിരുന്നോ..? ഇനി കാശ് കൊടുത്ത് വാങ്ങേണ്ട
തക്കാൡയുടെ വില വര്ധനവില് അന്ധാളിച്ചിരിക്കുകയാണ് എല്ലാവരും. വില പിടിവിട്ട് ഉയരാന് തുടങ്ങിയതോടെ തക്കാളി മോഷണവും തക്കാളിക്ക് ബൗണ്സര്മാരുടെ സുരക്ഷ ഏര്പ്പെടുത്തിയതും എല്ലാം ദേശീയതലത്തില് വലിയ വാര്ത്തയായി കൊണ്ടിരിക്കുകയാണ്. പൊതുവെ എല്ലാവരും സര്വസാധാരണമായി ഉപയോഗിക്കുന്ന പച്ചക്കറിയാണ് തക്കാളി. മലയാളികളുടെ കറികളില് തക്കാളിക്ക് പ്രത്യേക സ്ഥാനം തന്നെയുണ്ട്.
തക്കാളിയുടെ വില കൂടുന്ന സാഹചര്യത്തില് നമുക്ക് തന്നെ വീട്ടില് ഇവ നട്ടുവളര്ത്തിയാലെന്താ. അധികം പ്രയത്നമൊന്നുമില്ലാതെ നമുക്കാവശ്യമായ തക്കാളി വീട്ടുമുറ്റത്തോ അടുക്കളത്തോട്ടത്തിലോ ഉണ്ടാക്കാം. നല്ല ഗുണമേന്മയുള്ള തക്കാളി കൃഷി ചെയ്യാന് എന്തെല്ലാമാണ് ചെയ്യേണ്ടത് എന്ന് നമുക്ക് നോക്കാം.
നമ്മുടെ പരിസരത്തെ കാലാവസ്ഥക്ക് ഏറ്റവും അനുയോജ്യമായ തക്കാളി വേണം കൃഷി ചെയ്യാന്. എല്ലാ തക്കാളികളും നമ്മുടെ ചുറ്റുപാടില് വളരണമെന്നില്ല. ഇതിന് കൃഷിഭവനില് പോയി മാര്ഗനിര്ദേശം തേടാം. തക്കാളി വിത്ത് പാകുന്ന മണ്ണ അനുയോജ്യമാണോ എന്ന് പരിശോധിക്കുക. 6.2 നും 6.8 നും ഇടയില് പിച്ച് വാല്യു ഉള്ള ചെറുതായി അസിഡിറ്റി ഉള്ള മണ്ണാണ് തക്കാളി കൃഷിക്ക് അനുയോജ്യം.
മണ്ണിന്റെ ഗുണനിലവാരം അറിയുന്നതിന് പ്രാദേശിക മണ്ണ് ഗവേഷകരെ സമീപിക്കാം. തക്കാളി നടുന്നതിന് മുമ്പ് മണ്ണില് ആവശ്യത്തിന് വളം ചേര്ക്കണം. നടീല് സമയം മുതല് തൈ വളരുന്ന രണ്ടാഴ്ച വരെ ഫിഷ് എമല്ഷന് പോലുള്ള നൈട്രജന് അടങ്ങിയ വളം പ്രയോഗിക്കാവുന്നതാണ്. തക്കാളി തൈകള് പാകമായതിന് ശേഷം ഇവയെ കൂട്ടത്തോടെ വളരാന് അനുവദിക്കരുത്.
ശാഖകള് വളരാനുള്ള സ്ഥലം ഓരോ തൈകള്ക്കും നല്കണം. തക്കാളി ചെടികള്ക്ക് ആവശ്യത്തിന് ഇടം നല്കുന്നതിന് ദുര്ബലവും ചെറുതുമായ തൈകള് മുറിക്കുക. തിങ്ങി നിറഞ്ഞ മറ്റ് ചെടികള്ക്കിടയിലും തക്കാളി തൈ നടാന് പാടില്ല. തക്കാളി തൈകള് മുളച്ച് ആദ്യ ഇലകള് വന്നതിന് ശേഷം 4 ഇഞ്ച് വീതിയുള്ള ഒരു ചട്ടിയിലേക്ക് പറിച്ചുനടാം. മണ്ണിന്റെ താപനില 60 ഡിഗ്രിയില് കുറഞ്ഞാല് പുറത്തേക്ക് മാറ്റുന്നതാണ് ഉചിതം.
തക്കാളി തൈകള്ക്ക് നേരിട്ടുള്ള വെളിച്ചം ആവശ്യമാണ്. അതിനാല് തന്നെ സൂര്യപ്രകാശം ശരിയായി ലഭിക്കുന്ന സ്ഥലത്ത് വേണം തക്കാളി തൈ നടാന്. തക്കാളി ചെടിയില് കായകള് വന്ന് തുടങ്ങിയാല് പതിവില് കൂടുതല് വെള്ളം ഒഴിച്ച് കൊടുക്കണം. ചൂടുള്ളതും കാലാവസ്ഥയില് അവക്ക് കൂടുതല് വെള്ളം ആവശ്യമായി വന്നേക്കാം. ഇലകള് വാടിയത് പോലെ കാണപ്പെടുന്നത് വെള്ളത്തിന്റെ അഭാവം കാരണമാണെന്ന് മനസിലാക്കുക.
കായകള് പാകമായി തുടങ്ങിയാല് നനയ്ക്കലിന്റെ അളവ് കുറക്കാം. തക്കാളി ചെടികളുടെ തണ്ടിന് ബലമുണ്ടാകാന് അവ കാറ്റ് കൊള്ളുന്ന തരത്തില് ആയിരിക്കണം നടേണ്ടത്. മണ്ണ് നന്നായി ചൂടാകുന്ന സാഹടചര്യത്തില് ചെടിക്ക് ചുറ്റും പുതയിടുന്നത് നല്ലതാണ്. ഇത് ജലാംശത്തെ സംരക്ഷിക്കുകയും മണ്ണില് നിന്ന് വരുന്ന രോഗങ്ങളെ ചെറുക്കുകയും ചെയ്യും.
തക്കാളി ചെടികള് 10 മുതല് 12 ഇഞ്ച് വരെ ഉയരത്തിലെത്തിയാല് കമ്പ് കൊണ്ട് ഒരു താങ്ങ് കൊടുക്കണം. ചെടിയില് താഴെ ഭാഗങ്ങളില് പഴുത്ത ഇലകള് വളര്ന്നിട്ടുണ്ടെങ്കില് അവ നീക്കം ചെയ്യുക. ഏറ്റവും പഴക്കം ചെന്ന ഇലകള് ആണ് സാധാരണയായി ഫംഗസ് പ്രശ്നങ്ങള് ഉണ്ടാക്കുന്നത്.
-
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ? -
പാകിസ്ഥാനിലെ യുഎസ്-ഇറാൻ ചർച്ച പരാജയം; പിന്നാലെ റഷ്യയുടെ എൻട്രി, മധ്യസ്ഥത്തിന് സന്നദ്ധത അറിയിച്ച് പുടിൻ -
'കവലച്ചട്ടമ്പികൾക്ക്’ സഭയുടെ മറുപടി; ‘കലിപ്പ് തീരാതെ’ ഫാരിസ് അബൂബക്കറിന്റെ വാപ്പാക്ക് വിളിച്ച് പിസി ജോർജ് -
50 ഉറപ്പ്, 22 കൂടി നേടി തുടർ ഭരണമെന്ന് കണക്കുകൂട്ടൽ- സിറ്റിങ് സീറ്റുകൾ പോകുമെന്ന് പ്രാഥമിക വിലയിരുത്തലും -
എത്ര വില കൂടിയാലും ഇന്ത്യക്കാര് സ്വര്ണം വാങ്ങും? കാരണമെന്താണെന്നറിയാമോ? -
വിജയ്ക്ക് വീണ്ടും തിരിച്ചടി; മുസ്ലിം മക്കള് കഴകം പിന്തുണ പിന്വലിച്ചു, ആരും വോട്ട് ചെയ്യരുത് എന്ന് ആവശ്യം -
യുഎഇ നിവാസികൾ ജാഗ്രത പാലിക്കണം; അബുദാബിയിലും ദുബായിലും കനത്ത മഴയ്ക്ക് സാധ്യത, യെല്ലോ അലർട്ട് -
യുദ്ധം വീണ്ടും തുടങ്ങുമോ? പാകിസ്ഥാനിലെ ചര്ച്ചകള് പരാജയമെന്ന് വാന്സ് -
കുംഭമേള താരത്തിന്റെ വിവാഹം; പോലീസ് റിപ്പോര്ട്ട് ഇങ്ങനെ, സിപിഎം നേതാക്കള്ക്കെതിരെ പരാതി
Click it and Unblock the Notifications
Sign in with Google