തൊഴിലുറപ്പ് ദിനങ്ങള് 100ല് നിന്നും 150 ആക്കും
മഴക്കുറവ്, വരള്ച്ച എന്നീ പ്രകൃതി ദുരന്തങ്ങളുടെ പശ്ചാത്തലത്തിലാണ് തൊഴിലുറപ്പ് ദിനങ്ങള് നൂറില് നിന്നും 150 ആക്കി ഉയര്ത്താന് തീരുമാനിച്ചിരിക്കുന്നത്. ഇക്കാര്യം സംബന്ധിച്ച് തീരുമാനമെടുക്കാന് രാജ്യത്ത് അനുഭവപ്പെടുന്നവരള്ച്ചയെ കുറിച്ച് മന്ത്രിതല സമിതി അടുത്താഴ്ച ചേരുമ്പോള് പരിഗണിക്കും.
കൃഷിമന്ത്രി ശരത് പവാറാണ് സമിതിയുടെ തലവന്. ഈ വര്ഷത്തെ വരള്ച്ചയ്ക്ക് പ്രത്യേക പരിഗണന നല്കി കൃഷിയെ ആശ്രയിച്ചു കഴിയുന്നവര്ക്ക് സഹായകമാക്കുക എന്ന ലക്ഷ്യത്തോടെയാണ് തൊഴിലുറപ്പ് ദിനങ്ങള് 100ല് നിന്നും 150 ആക്കി ഉയര്ത്താന് തീരുമാനിച്ചിരിക്കുന്നത്.
കൃഷിയില്ലാത്ത സമയങ്ങളില് വര്ഷത്തില് 100 തൊഴിലുറപ്പ് ദിനങ്ങളാണ് ഇതുവരെ ഉണ്ടായിരുന്നത്. എന്നാല് ഇത്തവണത്തെ വരള്ച്ചയും മഴക്കുറവും പരിഗണിച്ച് കൂടുതല് ദിനങ്ങള് അനുവദിക്കാനാണ് ആലോചന.
കഴിഞ്ഞ തവണത്തെ 31,000 കോടിയെ അപേക്ഷിച്ച് ഇത്തവണ 33,000 കോടിയാണ് മഹാത്മാഗാന്ധി ദേശീയ തൊഴിലുറപ്പ് പദ്ധതിക്കായി വകയിരുത്തിയിരിക്കുന്നത്.
Click it and Unblock the Notifications
Sign in with Google