Click it and Unblock the Notifications
Just In
-
-
-
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വിദേശനിക്ഷേപത്തെ സ്വാഗതം ചെയ്ത് നയപ്രസംഗം
ദില്ലി: നരേന്ദ്ര മോദി സര്‍ക്കാര്‍ അധികാരമേറ്റതിന് ശേഷമുള്ള ആദ്യ നയപ്രഖ്യാപനം രാഷ്ട്രതി പ്രണാബ് മുഖര്‍ജി നിര്‍വ്വഹിച്ചു. സാധ്യമായ എല്ലാ മേഖലകളിലും വിദേശ നിക്ഷേപത്തിന് അവസരമൊരുക്കുമെന്ന് രാഷ്ട്രപതി നയപ്രഖ്യാപന പ്രസംഗത്തില്‍ പറഞ്ഞു.
രാജ്യത്ത് ലോകോത്തര നിലവാരമുള്ള 100 നഗരങ്ങള്‍ നിര്‍മിക്കുമെന്ന് നയപ്രഖ്യാപനത്തില്‍ പറയുന്നു. അടിസ്ഥാന വികസന മേഖലയില്‍ വന്‍ മാറ്റങ്ങള്‍ കൊണ്ടുവരും. റെയില്‍വേക്കായിരിക്കും ഇതില്‍ പ്രധാന പരിഗണന നല്‍കുക. അതിവേഗ റെയില്‍വേ കോറിഡോര്‍ നിര്‍മിക്കും.
അഴിമതി തടയുന്നതിനായി ലോക്പാല്‍ ശക്തമാക്കും. പണപ്പെരുപ്പം കുറച്ച് രാജ്യത്തിന്റെ സാമ്പത്തിക പുരോഗതി ഉറപ്പ് വരുത്തും. സമഗ്ര ഊര്‍ജ്ജ നയം നടപ്പാക്കും.
ഭരണ നിര്‍വ്വഹണത്തിനായി നവമാധ്യമങ്ങളെ പരമാവധി ഉപയോഗപ്പെടുത്തും. അഞ്ച് വര്‍ഷംകൊണ്ട് എല്ലാ ഗ്രാമങ്ങളിലും ഇന്റര്‍നെറ്റ് ബ്രോഡ്ബാന്റ് ഹൈവേകള്‍ സാധ്യമാക്കും. എല്ലാ സംസ്ഥാനങ്ങളിലും ഐഐടികളും ഐഐഎമ്മുകളും തുടങ്ങും.
രാജ്യത്തിന്റെ പ്രതിരോധ സംവിധാനത്തെ മെച്ചപ്പെടുത്തും. സൈന്യത്തെ അധുനികവത്കരിക്കുമെന്നും നയപ്രസംഗത്തില്‍ രാഷ്ട്രപതി പ്രഖ്യാപിച്ചു. വണ്‍ റാങ്ക് വണ്‍ പെന്‍ഷന്‍ പദ്ധതി നടപ്പിലാക്കും.
രാജ്യത്തിന്റെ നികുതിഘടന പരിഷ്‌കരിക്കും. സുതാര്യമായ ഒരു പരസ്ഥിതി നയം രൂപീകരിക്കും. കാര്‍ഷിക മേഖലക്ക് പ്രാധാന്യം നല്‍കും. കര്‍ഷക ആത്മഹത്യകള്‍ ഇനി രാജ്യത്ത് ഉണ്ടാവുകയില്ലെന്നും നയപ്രഖ്യാപന പ്രസംഗത്തില്‍ രാഷ്ട്രപതി ഉറപ്പ് നല്‍കി.
നിയമനിര്‍മാണ സഭകളില്‍ വനിതകള്‍ക്ക് 33 ശതമാനം സംവരണം ഉറപ്പാക്കും. സ്ത്രീകള്‍ക്ക് നേരെയുള്ള അതിക്രമങ്ങള്‍ തടയും. ബേട്ടീ ബച്ചാവോ ബേട്ടീ പഠാവോ എന്ന പേരില്‍ പെണ്‍കുട്ടികള്‍ക്ക് വേണ്ടി പദ്ധതി ആവിഷ്‌കരിക്കും.
