നാഷണല് ഹെല്ത്ത് മിഷന് ജനറല് ഡ്യൂട്ടി അറ്റന്ഡന്റ് തസ്തികയിലേക്ക് അപേക്ഷ ക്ഷണിച്ചു. ആകെ 10 ഒഴിവുകളാണ് റിപ്പോര്ട്ട് ചെയ്തിരിക്കുന്നത്. തിരഞ്ഞെടുക്കപ്പെടുന്നവരെ തിരുവനന്തപുരത്തായിരിക്കും നിയമിക്കുക. കരാര് അടിസ്ഥാനത്തിലായിരിക്കും നിയമനം. താല്പര്യവും യോഗ്യതയും ഉള്ളവര്ക്ക് ആഗസ്റ്റ് 6 വരെ ഔദ്യോഗിക വെബ്സൈറ്റ് വഴി ഓണ്ലൈനായി അപേക്ഷിക്കാം.
അന്നേ ദിവസം വൈകീട്ട് അഞ്ച് മണി വരെ മാത്രമെ അപേക്ഷ സ്വീകരിക്കൂ. തിരഞ്ഞെടുക്കപ്പെടുന്നവര്ക്ക് പ്രതിദിനം 450 രൂപയാണ് വേതനമായി ലഭിക്കുക. യാതൊരുവിധ അപേക്ഷ ഫീസും ഉദ്യോഗാര്ത്ഥികളില് നിന്ന് ഈടാക്കുന്നില്ല. അപേക്ഷകരുടെ പ്രായപരിധി 01/07/2026 പ്രകാരം 40 വയസ് കടക്കാന് പാടുള്ളതല്ല.
അപേക്ഷിക്കേണ്ട വിധം എന് എച്ച് എം തിരുവനന്തപുരത്തിന്റെ ഔദ്യോഗിക വെബ്സൈറ്റ് (https://arogyakeralam.gov.in/2020/04/07/thiruvananthapuram-2/) വഴിയാണ് അപേക്ഷിക്കേണ്ടത്. വ്യക്തിഗത വിവരങ്ങള്, വിദ്യാഭ്യാസ യോഗ്യത, ബന്ധപ്പെടാനുള്ള വിവരങ്ങള് എന്നിവ കൃത്യമായി അപേക്ഷാ ഫോമില് പൂരിപ്പിക്കണം. ഫോട്ടോ, ഒപ്പ്, സര്ട്ടിഫിക്കറ്റുകള് തുടങ്ങിയ ആവശ്യമായ രേഖകള് നിശ്ചിത ഫോര്മാറ്റില് അപ്ലോഡ് ചെയ്യുക. ലഭിക്കുന്ന അപേക്ഷകളില് നിന്ന് നിശ്ചിത യോഗ്യത/ പരിചയം, അഭിമുഖത്തിലെ പ്രകടനം എന്നിവയുടെ അടിസ്ഥാനത്തില് മാത്രമേ ഉദ്യോഗാര്ത്ഥികളെ തിരഞ്ഞെടുക്കൂ. സൊസൈറ്റി തീരുമാനിക്കുന്ന തിരുവനന്തപുരത്തെ ജില്ലയിലെ ഏത് സ്ഥാപനത്തിലും ജോലി ചെയ്യാന് ഉദ്യോഗാര്ത്ഥി തയ്യാറായിരിക്കണം. യോഗ്യത/ പരിചയം മുതലായവയെക്കുറിച്ചുള്ള അവകാശവാദങ്ങള് പ്രസക്തമായ രേഖകളുടെ പകര്പ്പുകള് സഹിതം സമര്പ്പിക്കേണ്ടതുണ്ട്. അഭിമുഖം/ സര്ട്ടിഫിക്കറ്റ് പരിശോധന പ്രക്രിയ സമയത്ത് ഉദ്യോഗാര്ത്ഥികള് ഒറിജിനല് ഹാജരാക്കണം. അഭിമുഖത്തിന് യാത്രാപ്പടിയോ മറ്റ് അലവന്സുകളോ നല്കുന്നതല്ല. ഈ തസ്തികകള് മിഷന്റെ പ്രവര്ത്തനകാലയളവിലേക്ക് മാത്രമുള്ള താല്ക്കാലിക നിയമനങ്ങളാണ്. അതിനാല്, സ്ഥിരനിയമനത്തിനോ മറ്റ് തൊഴില്പരമായ അവകാശങ്ങള്ക്കോ വേണ്ടി ഉദ്യോഗാര്ത്ഥികള്ക്ക് അവകാശവാദം ഉന്നയിക്കാന് അര്ഹതയുണ്ടായിരിക്കുന്നതല്ല. ഏതെങ്കിലും തരത്തിലുള്ള സ്വാധീനം ചെലുത്താനുള്ള ശ്രമങ്ങള് അയോഗ്യതയ്ക്ക് കാരണമാകും. ഇത്തരം അനുചിതമായ പ്രവൃത്തികളില് നിന്ന് ഉദ്യോഗാര്ത്ഥികള് വിട്ടുനില്ക്കേണ്ടതാണ്. പ്രവൃത്തിപരിചയ സര്ട്ടിഫിക്കറ്റിന് പകരമായി നിയമന ഉത്തരവുകള്, ശമ്പള സര്ട്ടിഫിക്കറ്റ്, പേ-സ്ലിപ്പുകള് എന്നിവയുടെ പകര്പ്പുകള് സ്വീകരിക്കുന്നതല്ല. തിരഞ്ഞെടുക്കപ്പെടുന്ന ഉദ്യോഗാര്ത്ഥികള് എന് എച്ച് എമ്മിന്റെ കാലാകാലങ്ങളില് നിലവിലുള്ള ചട്ടങ്ങള്ക്കും വ്യവസ്ഥകള്ക്കും വിധേയരായിരിക്കും. അഭിമുഖം നടക്കുന്ന സ്ഥലും തിയതിയും ഓഗസ്റ്റ് 10, തിങ്കളാഴ്ച, രാവിലെ 9 മണിക്ക് ഡി പി എം. ഓഫീസ്, ഡബ്ല്യു & സി ഹോസ്പിറ്റല് കോമ്പൗണ്ട്, തൈക്കാട്, തിരുവനന്തപുരം.