മോദി ഇന്ദിരയേയും നെഹ്റുവിനേയും പോലെയോ അല്ല, ആയിരുന്നെങ്കിൽ സമരത്തെ അടിച്ചമർത്തിയേനേ'; അഖിൽ മാരാർ

കാരണം 1957 ൽ കേരളത്തിൽ ജനാധിപത്യ ബോധത്തോടുകൂടി തിരഞ്ഞെടുക്കപ്പെട്ട ഇഎംഎസ് സർക്കാരിനെ പിരിച്ചുവിട്ട ഭരണാധികാരിയുടെ പേര് ജവഹർലാൽ നെഹ്റു എന്നായിരുന്നു. രാജ്യത്തെ തെരഞ്ഞെടുക്കപ്പെട്ട നിരവധി സർക്കാരുകളെ അധികാരം ഉപയോഗിച്ചുകൊണ്ട് ഇല്ലാതാക്കിയ രാഷ്ട്രീയ പ്രസ്ഥാനത്തിന്റെ പേര് കോൺഗ്രസ് എന്നായിരുന്നു. എതിർത്തവരെയും എതിർശബ്ദങ്ങളെയും എല്ലാം ജയിലിലടച്ച് ഇല്ലാതാക്കിയ ഭരണാധികാരിയുടെ പേര് ഇന്ദിരാഗാന്ധി എന്നായിരുന്നു.

രാജീവ് ഗാന്ധിയും ഇത്തരത്തിൽ തനിക്കെതിരെ ഉയർന്നുവന്ന എല്ലാ ശബ്ദങ്ങളെയും അടിച്ചമർത്തി ഇല്ലാതാക്കാൻ ശ്രമിച്ചിട്ടുള്ള ഒരാളായിരുന്നു. 1989ൽ അതുവരെ ഉത്തർപ്രദേശിന്റെ മുഖ്യമന്ത്രിയായിരുന്ന വിപി സിംഗിനെ ഏത് രീതിയിലാണ് അദ്ദേഹം അടിച്ചമർത്തി ഇല്ലാതാക്കാൻ നോക്കിയതെന്നും പിന്നീട് അദ്ദേഹത്തിൻറെ ഓരോ ചെയ്തികളും അദ്ദേഹത്തിനെതിരെ ഉയർന്നുവന്ന ശബ്ദങ്ങളെ ഏത് രീതിയിൽ ഇല്ലാതാക്കാൻ നോക്കിയതെന്നും ഒക്കെ നിങ്ങൾക്കറിയാം.

നിങ്ങൾ ഇന്നലെ വരെ ആക്ഷേപിച്ച നരേന്ദ്രമോദിക്ക് അദ്ദേഹത്തിൻറെ ഈഗോ മാത്രം മതി ഈ രാജ്യത്ത് നിങ്ങൾ ഉയർത്തിയ പ്രക്ഷോഭത്തെ അദ്ദേഹത്തിന് കണ്ടില്ല എന്ന് വെയ്ക്കാൻ. ഡൽഹിയിൽ സമരം ചെയ്യാൻ അനുവാദം ഉണ്ടായിരുന്നില്ല. എന്നിട്ട് കൂടിയും അഭിജിത്ത് അമേരിക്കയിൽ നിന്ന് വരുന്ന സമയത്തും അവിടെ 20 ദിവസവും സമരം ചെയ്യുമ്പോഴും ഒരു പോലീസ് അക്രമവും ഉണ്ടായിട്ടില്ല, ഒരു പ്രക്ഷോഭവും ഉണ്ടായിട്ടില്ല, യാതൊരു അനിഷ്ട സംഭവങ്ങളും ഉണ്ടായിട്ടില്ല.

21 ദിവസം നിരാഹാരം അനുഷ്ഠിച്ച സോനം വാങ്ചുക്ക് അവിടെ കിടന്ന് മരിക്കാൻ വിട്ടു കൊടുക്കാൻ ഗവൺമെന്റിന് കഴിയില്ല. അതുകൊണ്ടു തന്നെ ഗവൺമെന്റിന് അയാളെ അറസ്റ്റ് ചെയ്ത് ഹോസ്പിറ്റലിലേക്ക് മാറ്റണം. അങ്ങനെ അറസ്റ്റ് ചെയ്ത് ഹോസ്പിറ്റലിലേക്ക് മാറ്റുന്ന ഒരു സ്വാഭാവിക നടപടി പോലീസ് എടുത്തപ്പോൾ ഈ രാജ്യത്ത് കലാപം ഉണ്ടാക്കണമെന്ന് ആഗ്രഹിക്കുന്ന കുറേ രാജ്യവിരുദ്ധ ശക്തികൾ എല്ലാവരും കൂടെ ചേർന്നിട്ട് ഡൽഹിയിൽ എന്തോ ഫാസിസം നടക്കുന്നു എന്ന് പറഞ്ഞുകൊണ്ട് അനാവശ്യമായി സോഷ്യൽ മീഡിയ വഴി പലവിധ കാര്യങ്ങളും പ്രചരിപ്പിക്കുന്നു. ഇന്ത്യയുടെ പല കോണുകളിൽ നിന്നും പല ആൾക്കാർ അതോടുകൂടി ഡൽഹിയിലേക്ക് ഒഴുകിയെത്തുന്നു.

ഡൽഹി പോലെ രാജ്യത്തെ ഏറ്റവും പരമപ്രധാനമായ ഒരു സ്ഥലത്ത് സുരക്ഷ ഉറപ്പാക്കേണ്ടത് ഒരു സർക്കാരിന്റെയും പോലീസിന്റെയും ഭരണകൂടത്തിന്റെയും ഒക്കെ ഉത്തരവാദിത്വമാണെന്നിരിക്കെ സ്വാഭാവികമായിട്ടും പോലീസ് അതിലേക്ക് ഇടപെടുന്നു. ഒരു കലാപം ഉണ്ടാവാതിരിക്കാൻ വേണ്ടിയിട്ട് നടത്തിയ നിയന്ത്രണങ്ങളെ ഒക്കെ തന്നെ കലാപമാക്കി മാറ്റാൻ വേണ്ടി പലരും ശ്രമിക്കുന്നു. അവിടെ നടക്കുന്ന ഓരോ ഇൻസിഡന്റുകളെയും കൃത്യമായി കേരളത്തിന്റെയും ലോകത്തിന്റെയും പല കോണുകളിലേക്ക് എത്തിച്ചുകൊണ്ട് ഭരണകൂട വേട്ടയാക്കി ചിത്രീകരിച്ചു പലരും അവിടെ വന്ന് ഈ വിഷയത്തിൽ മുതലെടുക്കാൻ ശ്രമിക്കുന്നു.

ഇന്ത്യയിൽ ഇന്നലകളിൽ സിഎഎ എന്ന സമരത്തിന് ജന്തർ മന്തറിൽ ഒത്തുകൂടിയ അതേ വിഭാഗം ജാമിയ മിലിയയിൽ പ്രതിഷേധിച്ച അതേ വിഭാഗം ലക്ഷദ്വീപ് വിഷയത്തിൽ പ്രതിഷേധിച്ച അതേ വിഭാഗം അങ്ങനെ രാജ്യത്ത് കർഷക സമരത്തിൽ പ്രതിഷേധിച്ച അതേ വിഭാഗം അതുപോലെ രാജ്യത്ത് ഇന്നലകളിൽ ഏതൊക്കെ സമയത്താണോ ഉത്തരേന്ത്യയിലും ഡൽഹിയിലും ഒക്കെ ഇത്തരം പ്രക്ഷോഭങ്ങൾ ഉയർന്നിട്ടുള്ളത് ആ സമയത്തെല്ലാം ഒത്തുകൂടിയ അതേ വിഭാഗം ആൾക്കാർ ഡൽഹിയിൽ ഒത്തുകൂടുകയും ഒരു വലിയ പ്രക്ഷോഭത്തിലേക്ക് കാര്യങ്ങൾ കൊണ്ടുപോകാൻ ശ്രമിക്കുകയും ചെയ്തപ്പോൾ ഗവൺമെന്റ് ഏറ്റവും മനോഹരമായ ഒരു തീരുമാനമെടുത്തു, വിദ്യാഭ്യാസ മന്ത്രി രാജി വെച്ചു.

ഇന്ത്യയിൽ കഴിഞ്ഞ 13 വർഷമായി ഭരിക്കുന്ന ഒരു ഗവൺമെന്റ് അത് ഫാസിസ്റ്റ് ഗവൺമെന്റ് അല്ല പകരം ജനാധിപത്യ ബോധവും മതേതര മൂല്യവുമുള്ള ഒരു ഗവൺമെന്റ് ആണ്. ഇനി വിദ്യാർത്ഥികളുടെ ഈ പ്രക്ഷോഭത്തെ കണ്ടില്ല എന്ന് വയ്ക്കാൻ പറ്റുമോ എന്ന് നിങ്ങൾ ചോദിക്കുന്നു. കേരളത്തിൽ കെഎസ്യു ഒരു സമരം നടത്തി കഴിഞ്ഞാൽ അത് വിദ്യാർത്ഥികളുടെ പ്രക്ഷോഭം അല്ലേ അത് കണ്ടു എന്ന് കേരളത്തിലെ ഏതെങ്കിലും കമ്മ്യൂണിസ്റ്റ് സർക്കാർ നടിച്ചതായി നിങ്ങൾ കണ്ടിട്ടുണ്ടോ?

കേരളത്തിലെ എസ്എഫ്ഐ ഒരു പ്രക്ഷോഭം ഉയർത്തി കഴിഞ്ഞാൽ അതും വിദ്യാർത്ഥികൾ ഉയർത്തുന്ന പ്രക്ഷോഭമേല്ലേ? അതിനെ പൂർണ്ണ അർത്ഥത്തിൽ ഏതെങ്കിലും കോൺഗ്രസ് സർക്കാർ അംഗീകരിച്ചിട്ടുണ്ടോ? ഇനി ജനാധിപത്യപരമായി ഉയർന്നു കേൾക്കുന്ന ശബ്ദങ്ങളെയൊക്കെ അടിച്ചമർത്താൻ നോക്കിയിട്ടുള്ള സർക്കാരുകളുടെ കാര്യങ്ങൾ നമ്മൾ പരിശോധിച്ചു കഴിഞ്ഞാൽ ഇന്ത്യയിൽ അത്തരത്തിലെ ഏറ്റവും നീചമായ ഗവൺമെന്റ് ആരുടെ ആണെന്ന് ചോദിച്ചാൽ അത് കമ്മ്യൂണിസ്റ്റ് പാർട്ടി ഭരിക്കുന്ന ഗവൺമെൻറ് ആയിരുന്നു.

തങ്ങളുടെ ഭൂമി ടാറ്റ പിടിച്ചു കൊണ്ടുപോകാൻ ശ്രമിച്ച സമയത്ത് അല്ലെങ്കിൽ സർക്കാർ അതിന് ഒത്താശ ചെയ്തു കൊടുത്ത സമയത്ത് കർഷകർ ബംഗാളിൽ പ്രതിഷേധിച്ചില്ലേ? പ്രതിഷേധിച്ച കർഷകരെ വെടിവെച്ച് കൊന്ന സർക്കാരിന്റെ പേര് കമ്മ്യൂണിസ്റ്റ് സർക്കാർ എന്നല്ലേ? ആ വെടിവെച്ച് കൊല്ലനെ തുടർന്ന് കേരളത്തിലും ബംഗാളിൽ നിന്ന് പരിപൂർണ്ണമായും ജനം ആട്ടിയോടിച്ച ഗവൺമെന്റിന്റെ പേര് കമ്മ്യൂണിസ്റ്റ് സർക്കാർ എന്നല്ലേ? ഇന്ത്യയിലെ എല്ലാ പ്രദേശത്തു നിന്നും ജനങ്ങൾ ആട്ടിയോടിച്ച രാഷ്ട്രീയ പ്രസ്ഥാനത്തിന്റെ പേര് കമ്മ്യൂണിസ്റ്റ് പ്രസ്ഥാനം എന്നല്ലേ? ഇന്ത്യയിലെ ജനങ്ങളൊക്കെ എന്തുകൊണ്ടാണ് ബിജെപിയെ സ്വീകരിച്ചത്? ബിജെപി മുന്നോട്ടു വെച്ചിട്ടുള്ള വികസന കാഴ്ചപ്പാടുകൾ കൊണ്ടാണ്. അവർ ഉയർത്തിപ്പിടിക്കുന്നത് വർഗീയതയാണെന്നുണ്ടെങ്കിൽ മ്യാന്മാറിൽ നിന്ന് മുസ്ലീങ്ങൾ ഇന്ത്യയിലേക്ക് പാലായനം ചെയ്ത് വരുമോ? ഇന്തോനേഷ്യയിൽ നിന്ന് മുസ്ലിങ്ങൾ പാലായനം ചെയ്തു വന്നത് ഇന്ത്യയിലേക്കാണ്.

ലോക്സഭയിലും നിയമസഭയിലും ഒക്കെ തന്നെ അപ്രമാദിത്യത്തോടു കൂടിയിട്ട് ഒരു സർക്കാർ അധികാരം കയ്യാളുമ്പോൾ അവർക്ക് അവരുടേതായ രീതിയിൽ എന്തും ചെയ്യാമെന്നിരിക്കെ ഇന്ത്യ മഹാരാജ്യത്തു നിന്നും ഏതെങ്കിലും ഒരു പ്രദേശത്ത് നടക്കുന്ന പ്രാദേശിക പ്രശ്നങ്ങൾ മാറ്റി നിർത്തി കഴിഞ്ഞാൽ ഭരണകൂടത്തിന്റെ വേട്ടയെ തുടർന്ന് ഒരു മനുഷ്യന് പോലും ഇന്ത്യയിൽ നിന്ന് പാലായനം ചെയ്തു പോകേണ്ട ഒരു സാഹചര്യവും ഉണ്ടായിട്ടില്ല. എന്നാൽ കമ്മ്യൂണിസ്റ്റ് പാർട്ടി ഭരിച്ചിട്ടുള്ള പ്രദേശങ്ങളിൽ എന്താണ് സംഭവിച്ചത്? എന്തുകൊണ്ടാണ് ബംഗാളും ത്രിപുരിയും ഒക്കെ കമ്മ്യൂണിസ്റ്റ് പാർട്ടി ഇല്ലാതായി പോയത്? എന്തുകൊണ്ടാണ് 30 വർഷത്തിൽ അധികമായി ഒരേ സംസ്ഥാനത്ത് തുടർച്ചയായിട്ട് ബിജെപിക്ക് ഭരിക്കാൻ കഴിയുന്നത്? എന്തുകൊണ്ടാണ് ഇന്ത്യയിലെ പല സംസ്ഥാനത്തു നിന്നും കോൺഗ്രസ് ഇല്ലാതായി പോയത്? ചെയ്യുന്ന പ്രവർത്തിയുടെ ഫലമാണ് കർമ്മം എന്ന് ഭഗവത്ഗീതയിൽ ശ്രീകൃഷ്ണൻ പറഞ്ഞതുപോലെ ചെയ്യുന്ന കർമ്മമാണ് ഇവരെയൊക്കെ വളർത്തിയതും ചെയ്യുന്ന കർമ്മമാണ് ഇവരെയൊക്കെ നശിപ്പിച്ചതും.

ഇതേസമയം തന്നെ ഇവിടുത്തെ രാജ്യവിരുധ ശക്തികൾ ഈ രാജ്യം നശിക്കണമെന്ന് ആഗ്രഹിക്കുന്നവർ ഈ രാജ്യത്ത് വിഘടനവാദം ഉണ്ടാകണമെന്നും ഈ രാജ്യത്ത് കലാപം ഉണ്ടാകണമെന്നും ഈ രാജ്യത്തെ ജനങ്ങൾ അങ്ങോട്ടുമിങ്ങോട്ടും തമ്മിൽ തല്ലി മരിക്കണമെന്നും ഈ രാജ്യത്തിന്റെ വളർച്ച പറയണമെന്നും ആഗ്രഹിക്കുന്ന വിദേശ ശക്തികളും മറ്റുള്ളവരുടെ മെക്ക സഹായത്തോടു കൂടിയിട്ട് തന്നെ മതം തലക്ക് പിടിച്ച ഒരു വിഭാഗം പേരും മതേതര മൂല്യമില്ലാത്ത എന്നാൽ മതേതരവാദികളാണെന്ന് പറഞ്ഞു നടക്കുന്ന കുറെ കപട പുരോഗമനവാദികളും ഒക്കെ ചേർന്ന് ഈ രാജ്യത്തെ ഇല്ലാതാക്കാൻ നോക്കുന്ന നീക്കത്തെ നമുക്ക് ചേർക്കണ്ടേ?

ഹിന്ദുവും മുസ്ലിമും ക്രിസ്ത്യാനിയും ഒക്കെ സമാധാനത്തോടുകൂടി കഴിയുന്നത് കാണുമ്പോൾ അവരെ തമ്മിലടിപ്പിച്ച് ചോര കുടിക്കുന്ന ചെന്നായ്ക്കളെ തിരിച്ചറിയണ്ടേ? ഈ തിരിച്ചറിവ് കൂടി നിങ്ങൾക്ക് എല്ലാവർക്കും ഉണ്ടാവണം. മോദി സർക്കാർ സമരത്തെ സ്വീകരിച്ചതിനെ അഭിനന്ദിക്കാനുള്ള മനസ്സ് കാണിക്കണം.

അതിനുശേഷം പ്രധാനമന്ത്രിയെ വ്യക്തിപരമായി ആക്ഷേപിക്കുന്ന നിരവധി വീഡിയോകളും നിരവധി പോസ്റ്റുകളും കണ്ടു. അദ്ദേഹത്തിൻറെ പല്ലിന്റെ പല്ലിനിടയിൽ കറുപ്പ് ഉണ്ട് എന്ന് പറഞ്ഞുകൊണ്ട് അദ്ദേഹത്തെ ആക്ഷേപിച്ചു, അതിനെതിരെ വീഡിയോ ചെയ്യുന്നതുമായിട്ടുള്ള പലരെയും ഞാൻ കണ്ടു.ഒരു 75 വയസ്സു കഴിഞ്ഞ ഒരു മനുഷ്യനെ ഏതെല്ലാം രീതിയിൽ ആക്ഷേപിക്കാമോ ആ രീതിയിലെല്ലാം ആക്ഷേപിച്ചുകൊണ്ട് നിങ്ങൾ സംസാരിക്കുമ്പോൾ നിങ്ങൾ അതിലൂടെ എന്ത് മാറ്റമാണ് കൊണ്ടുവരാൻ ആഗ്രഹിക്കുന്നത്?'