Array
ജന്മസംഖ്യ 8
ശനിയുടെ ആധിപത്യമുളള സംഖ്യയുടെ എട്ട്. 8, 17, 26 എന്നീ തിയ്യതികളില് ജനിച്ചവരെല്ലാം 8 ജന്മസംഖ്യയായുളളവരാണ്. വളരെയധികം നന്മകളും തത്തുല്യമായ തിന്മകളുമുളള വിചിത്രമായ സംഖ്യയാണ് എട്ട്.
ഈ സംഖ്യാജാതര് തികഞ്ഞ വ്യക്തിത്വം പുലര്ത്തുന്നവരായിരിക്കും. സ്വാഭിപ്രായ സമര്ഥനത്തിന് എതിര്വാദങ്ങളേയും വിപരീതശക്തികളേയും ബുദ്ധിപൂര്വ്വം ഖണ്ഡിച്ച് ശത്രുക്കളെ സൃഷ്ടിക്കാറുണ്ട്.
ഇവര് ജീവിതത്തില് ഒന്നുകില് ഉയര്ന്ന വിജയത്തിലെത്തും. അല്ലെങ്കില് പരമപരാജിതരായിരിക്കും. ഒരു മദ്ധ്യനില ഉളളതായി കാണുന്നില്ല. സര്വ്വസംഗപരിത്യാഗികളില് പലരും എട്ട് ജന്മസംഖ്യയായുളളവരാണ്.
ഇവര് മറ്റുളളവര്ക്ക് മനസിലാകാത്ത സ്വഭാവമുളളവരും ഏകാന്തത ഇഷ്ടപ്പെടുന്നവരുമായിരിക്കും. ക്രൂരന്മാരും കഠിനഹൃദയരുമായി തോന്നുമെങ്കിലും യഥാര്ഥത്തില് ഇവര് ആര്ദ്രഹൃദയമുളളവരും ആരേയും സഹായിക്കാന് സന്നദ്ധരുമായിരിക്കും. എല്ലാവര്ക്കും ഇവരെ മനസിലാക്കാന് സാധിക്കുകയില്ല.
ഭാഗ്യദിനങ്ങള്:
8, 17, 26 എന്നീ തിയ്യതികള് അത്യന്തം ശുഭകരമാണ്. 1, 10, 19, 28 എന്നീ തിയ്യതികളില് നന്മ ചെയ്യും. 4, 13 22, 31 എന്നിവയും അനുകൂലമായ ഫലം തരുന്നതാണ്.
ഭാഗ്യവാരങ്ങള്: ശനി, ഞായര്, തിങ്കള്
ഭാഗ്യരത്നം: ഇന്ദ്രനീലം
ഭാഗ്യനിറങ്ങള്: കടുംനീല, കടുംപച്ച, മഞ്ഞ
F, R എന്നീ ഇംഗ്ലീഷ് അക്ഷരങ്ങള് ഇവരുടെ പേരില് വരുന്നത് ഉത്തമമാണ്.