ഏപ്രിൽ മാസം ഈ നാളുകാർക്ക് രാശിവീഥിയില്‍ സൗഭാഗ്യം, പുതിയ ജോലി, ജീവിതത്തില്‍ സുപ്രധാന മാറ്റങ്ങളുടെ കാലം

ഏപ്രിൽ മാസം നിങ്ങളുടെ ജീവിതത്തിൽ എന്തൊക്കെ സംഭവിക്കാം? പ്രമുഖ ജ്യോത്സ്യൻ അനിൽ പെരുന്ന തയ്യാറാക്കിയ ഏപ്രിൽ മാസഫലം വായിക്കാം.

മേടക്കൂറ് (അശ്വതി, ഭരണി, കാര്‍ത്തിക 1/4)

പൊതുവെ ഗുണദോഷ സമ്മിശ്രമായിരിക്കും. പുതിയ ജോലിയില്‍ പ്രവേശിക്കും. സ്വന്തമായി തൊഴില്‍ ചെയ്യുന്നവര്‍ക്ക് അത്ര അനുകൂലമായിരിക്കുകയില്ല. വിദ്യാര്‍ത്ഥികള്‍ക്ക് ഉദ്ദേശിച്ചത്ര പുരോഗതി ഉണ്ടായെന്നു വരില്ല. ഔദ്യോഗിക രംഗത്തുള്ളവര്‍ക്കും ചില പ്രതികൂല സാഹചര്യങ്ങള്‍ ഉണ്ടായെന്നു വരാം. വിവാഹാലോചനകളില്‍ ഒരു മന്ദഗതിയനുഭവപ്പെടാം. സാമ്പത്തിക ഇടപാടുകള്‍ സൂക്ഷിച്ചു നടത്തുക. ഒരു നൂതന സുഹൃത്ബന്ധം ഉടലെടുക്കും. സന്താനങ്ങളുടെ വിവാഹത്തിന് തീരുമാനമാകും. നല്ല കാര്യങ്ങള്‍ക്കായി പണം ചെലവഴിക്കും. സന്താനങ്ങള്‍ക്ക് രോഗസാധ്യത. യാത്രാഗുണം ഉണ്ടാകും.

ഇടവക്കൂറ് (കാര്‍ത്തിക 1/2, രോഹിണി, മകയിരം 3/4)

അനുകൂലമായ ചില മാറ്റങ്ങളൊക്കെ ഉണ്ടായേക്കും. തൊഴില്‍രംഗത്ത് ഗുണകരമായ ചില മാറ്റങ്ങള്‍ പ്രതീക്ഷിക്കാം. നൂതനമായ ചില സംരംഭങ്ങള്‍ക്ക് തുടക്കം കുറിക്കാനിടയുണ്ട്. സ്വന്തമായി തൊഴില്‍ ചെയ്യുന്നവര്‍ക്കും നേട്ടങ്ങളുണ്ടാകാം. വിദ്യാര്‍ത്ഥികള്‍ക്ക് വളരെ പുരോഗതിയുണ്ടാകുന്നതാണ്. കച്ചവട രംഗത്തുള്ളവര്‍ക്ക് ചില പ്രതികൂലസ്ഥിതി ഉണ്ടായേക്കാം. ഗൃഹ നിര്‍മ്മാണം നടത്തുന്നവര്‍ അതിവ്യയമുണ്ടാകാതെ സൂക്ഷിക്കുക. നിങ്ങളുടെ ജീവിതത്തില്‍ സുപ്രധാന മാറ്റങ്ങളുടെ കാലമാണ് വരാന്‍ പോകുന്നത്. നിസ്സാര കാര്യങ്ങളെ മുന്‍നിര്‍ത്തി വാദപ്രതിവാദങ്ങളിലേര്‍പ്പെടും. സഹോദര ഗുണം ഉണ്ടാകും. തൊഴില്‍പരമായി വളരെ ശ്രദ്ധിക്കണം.

മിഥുനക്കൂറ് (മകയിരം 3/4, തിരുവാതിര, പുണര്‍തം 1/2)

നിങ്ങള്‍ക്ക് ഗുണവും ദോഷവും ഇടകലര്‍ന്ന സമയമാണ് ഇത്. പുതിയ ജോലിയില്‍ പ്രവേശിക്കും. നൂതനമായ സംരംഭങ്ങള്‍ തുടങ്ങുന്നതാണ്. ഏതു കാര്യത്തിലും വളരെ ശ്രദ്ധ ആവശ്യമാണ്. കാര്യ തടസ്സങ്ങള്‍ പലപ്പോഴും അനുഭവപ്പെട്ടേക്കാം. ജീവിതത്തില്‍ സുപ്രധാനമായ പല മാറ്റങ്ങളും അനുഭവപ്പെടാവുന്ന കാലഘട്ടമാണ് ഇത്. ദീര്‍ഘകാലമായുള്ള ചില ലക്ഷ്യങ്ങള്‍ സാധിക്കാവുന്നതായി കാണുന്നു. നിങ്ങളുടെ രാശിമണ്ഡലത്തിലെ വിവിധ പരിവര്‍ത്തനങ്ങള്‍ സമ്പൂര്‍ണ്ണ സൂര്യരാശി ചിന്തയിലൂടെ അറിഞ്ഞ് വേണ്ട പരിഹാരം ചെയ്യുക. സുഹൃത്തുക്കളുമായുള്ള യാത്രകള്‍ ഉല്ലാസകരമാകും. പെട്ടന്നു ക്ഷുഭിതരാകുകയും കര്‍ക്കശമായി പെരുമാറുകയും ചെയ്യും.

കര്‍ക്കടകക്കൂറ് (പുണര്‍തം 1/4, പൂയം, ആയില്യം)

പലവിധ മാറ്റങ്ങളും കര്‍മ്മരംഗത്ത് ഉണ്ടാകുന്നതാണ്. പുതിയ പ്രവര്‍ത്തി മേഖലയില്‍ പ്രവേശിക്കുന്നതാണ്. വിദ്യാര്‍ത്ഥികള്‍ക്ക് നല്ല പഠന നേട്ടങ്ങള്‍ ഉണ്ടാകും. ഔദ്യോഗികരംഗത്തുള്ളവര്‍ക്ക് വളരെ ശ്രദ്ധ ആവശ്യമുള്ള സമയമാണ്. പല പ്രതികൂല സാഹചര്യങ്ങളുമുണ്ടാകാം. കുടുംബത്തിലും ചില വിഷമതകള്‍ക്കു സാധ്യത. സംഭാഷണത്തില്‍ വേണ്ടത്ര കരുതലും മിതത്വവും ശീലിക്കുക. ആരോഗ്യകാര്യങ്ങളില്‍ കൂടുതലായി ശ്രദ്ധിക്കുക. വിവാഹ ആലോചനകളില്‍ തീരുമാനമുണ്ടാകും. ദീര്‍ഘനാളായി ചിന്തിക്കുന്ന പല ലക്ഷ്യങ്ങളും സാധിക്കും. നിങ്ങളുടെ സൂക്ഷ്മമായ രാശി വിചിന്തനം ചെയ്ത് പ്രതിവിധി കാണുക.

ചിങ്ങക്കൂറ് (മകം, പൂരം, ഉത്രം 1/4)

പൊതുവെ അനുകൂലമായ പല മാറ്റങ്ങളും ഉണ്ടാകുന്നതാണ്. സന്താനങ്ങളുടെ ഉയര്‍ച്ചയില്‍ സന്തോഷിക്കുന്നതിനു സാധിക്കും. ഏതു കാര്യത്തിലും ഗുണാത്മകമായ പല പരിവര്‍ത്തനങ്ങളും ഉണ്ടാകുന്നതാണ്. നൂതനമായ പ്രവര്‍ത്തന മണ്ഡലത്തില്‍ പ്രവേശിക്കുന്നതിന് അവസരമുണ്ടാകുന്നതാണ്. ഗൃഹനിര്‍മ്മാണം പൂര്‍ത്തീകരിച്ച് താമസം തുടങ്ങും. പുതിയ ഗൃഹോപകരണങ്ങള്‍ നേടിയെടുക്കും. കുട്ടികള്‍ക്ക് പഠനകാര്യങ്ങളില്‍ നേട്ടമുണ്ടാകും. ജീവിതത്തില്‍ നിര്‍ണ്ണായകമായ പല മാറ്റങ്ങളും ഉണ്ടാകുന്നതായി കാണുന്നു. വിദ്യാര്‍ത്ഥികള്‍ പഠനത്തില്‍ അലസത കാണിക്കും. തൊഴില്‍പരമായി വളരെ ശ്രദ്ധിക്കം. ഗൃഹനിര്‍മ്മാണത്തിന് തടസ്സങ്ങള്‍ ഉണ്ടാകും.

കന്നിക്കൂറ് (ഉത്രം 1/2, അത്തം, ചിത്തിര 3/4)

ഗുണദോഷ സമമായ സ്ഥിതി അനുഭവപ്പെടുന്നതായി കാണുന്നു. തൊഴില്‍ രംഗത്ത് പ്രതികൂലമായ സാഹചര്യസ്ഥിതി നിലനില്‍ക്കും. വിദ്യാര്‍ത്ഥികള്‍ക്ക് പഠനകാര്യങ്ങളില്‍ ഉദ്ദേശിക്കുന്നതു പോലെ നേട്ടമുണ്ടായെന്നു വരില്ല. കച്ചവടക്കാര്‍ക്ക് അപ്രതീക്ഷിത നഷ്ടങ്ങള്‍ ഉണ്ടാകുന്നതിനു സാധ്യത. വീടുപണി നടത്തുന്നവര്‍ അമിത വ്യയമുണ്ടാകാതെ ശ്രദ്ധിയ്ക്കുക. കുടുംബത്തില്‍ ചില പ്രയാസങ്ങള്‍ ഉടലെടുക്കാവുന്ന സമയമാണ്. സംഭാഷണത്തില്‍ നല്ല കരുതലും മിതത്വവും ശീലിക്കുക. സമ്പൂര്‍ണ്ണമായ സൂര്യരാശി ചിന്തയിലൂടെ ഉചിത പ്രതിവിധി കാണുന്നത് ഉത്തമം. പുതിയ തൊഴില്‍ ചെയ്യുവാനുള്ള താല്‍പര്യം വര്‍ദ്ധിക്കും. ബുദ്ധിപരമായി പല സന്ദര്‍ഭങ്ങളും കൈകാര്യം ചെയ്യാന്‍ ശ്രമിക്കണം.

തുലാക്കൂറ് (ചിത്തിര 3/4, ചോതി, വിശാഖം 1/2)

പൊതുവെ അനുകൂലമായ മാറ്റങ്ങള്‍ പലതും ഉണ്ടാകുന്നതാണ്. പുതിയ കര്‍മ്മമേഖലയില്‍ പ്രവേശിക്കുന്നതിനു സാധിക്കും. സുപ്രധാനമായ നേട്ടങ്ങള്‍ ഉണ്ടാകും. വിദ്യാര്‍ത്ഥികള്‍ക്ക് നല്ല പഠന പുരോഗതി നേടാനാകുന്നതാണ്. ഔദ്യോഗിക രംഗത്തുള്ളവര്‍ക്കും ഗുണകരമായ മാറ്റങ്ങള്‍ പ്രതീക്ഷിക്കാം. വീടുപണി പൂര്‍ത്തീകരിച്ച് താമസം തുടങ്ങുന്നതാണ്. വളരെ കാലമായി ഉദ്ദേശിക്കുന്ന ചില കാര്യങ്ങള്‍ നേടിയെടുക്കുവാന്‍ കഴിയും. നിങ്ങളുടെ രാശിവീഥിയില്‍ ഗുണാത്മകമായ സൗഭാഗ്യകലകള്‍ തെളിയുന്ന കാലമാണ്. ചിലര്‍ മനസ്സില്‍ ഇഷ്ടപ്പെടാത്ത രീതിയില്‍ പെരുമാറും. കുടുംബപരമായി കൂടുതല്‍ ഉത്തരവാദിത്തരങ്ങള്‍ ഏറ്റെടുക്കേണ്ടിവരും.

വൃശ്ചികം (വിശാഖം 1/4, അനിഴം, തൃക്കേട്ട)

ഗുണദോഷ സമ്മിശ്രമായ സാഹചര്യ ങ്ങള്‍ ഉണ്ടാകുന്നതാണ്. തൊഴില്‍ രംഗത്ത് ഗുണകരമായ മാറ്റങ്ങള്‍ ചിലതൊക്കെ വരാം. കുട്ടികളുടെ പഠനകാര്യങ്ങളില്‍ വേണ്ടത്ര പുരോഗതിയുണ്ടായെന്നു വരില്ല. കച്ചവട രംഗത്തുള്ളവര്‍ക്ക് ധനനഷ്ടങ്ങള്‍ക്കു സാധ്യതയുണ്ട്. കുടുംബത്തില്‍ ചില അസ്വസ്ഥ തകള്‍ അനുഭവപ്പെട്ടേക്കാം. സംഭാഷണത്തില്‍ സൂക്ഷ്മത പാലിക്കുക. നിങ്ങളുടെ രാശി മണ്ഡലത്തില്‍ പൊതുവെ ദോഷാത്മകമായ ലക്ഷണങ്ങള്‍ കാണുന്നു. സമഗ്രമായ സൂര്യരാശി വിചിന്തനം ചെയ്ത് ഉചിത പരിഹാരം കാണുക. ഉദ്യോഗത്തില്‍ കൂടുതല്‍ ഉത്തരവാദിത്തങ്ങള്‍ ഏറ്റെടുക്കേണ്ടിവരും. സാമൂഹിക സാഹിത്യരംഗത്തുള്ളവര്‍ക്ക് അംഗീകാരവും പ്രശസ്തിയും ലഭിക്കും.

ധനുക്കൂറ് (മൂലം, പൂരാടം, ഉത്രാടം 1/4)

ഗുണകരമായ പല മാറ്റങ്ങളും ഉണ്ടാകുന്നതായി കാണുന്നുണ്ട്. തൊഴില്‍രംഗത്ത് നേട്ടങ്ങള്‍ ഉണ്ടാകും. നൂതന സംരംഭങ്ങള്‍ക്കത് തുടക്കം കുറിക്കും. ഏതു കാര്യത്തിലും അനുകൂല പരിവര്‍ത്തനങ്ങള്‍ ഉണ്ടാകുന്നതിനു സാധ്യത. കുട്ടികള്‍ക്ക് പഠന പുരോഗതിയുണ്ടാകും. ഉദ്യോഗസ്ഥ വിഭാഗത്തിലുള്ളവ ര്‍ക്കും നേട്ടങ്ങള്‍ വന്നു ചേരും. ജീവിതത്തില്‍ വളരെ ഗുണകരമായ നല്ല മാറ്റങ്ങള്‍ ഉണ്ടാകാവുന്നതായ കാലഘട്ടമാണിത്. വിവാഹാലോചനകളില്‍ തീരുമാനമാകും. ഗൃഹനിര്‍മ്മാണം പൂര്‍ത്തീകരിച്ച് താമസം തുടങ്ങുന്നതാണ്. ഭാവികാര്യങ്ങളില്‍ ഉറച്ച തീരുമാനമെടുക്കും. ഈശ്വരാ ധീനത്താല്‍ ആപത്തുകള്‍ ഒഴിഞ്ഞുപോകും. ദമ്പതികള്‍ തമ്മില്‍ ഐക്യത്തോടെ കഴിയും.

മകരക്കൂറ് (ഉത്രാടം 1/2, തിരുവോണം, അവിട്ടം 3/4)

വളരെ ഗുണാത്മകമായ ചില മാറ്റങ്ങള്‍ ഉണ്ടാകും. പുതിയ പ്രവര്‍ത്തന രംഗത്തു പ്രവേശിക്കും. തൊഴില്‍പരിമായി പല നേട്ടങ്ങളും ഉണ്ടാകും. സ്വന്തം തൊഴില്‍ ചെയ്യുന്നവര്‍ക്കും പുരോഗതി കൈവരുന്നതാണ്. ഔദ്യോഗിക രംഗത്തുള്ളവര്‍ക്കും പല നേട്ടങ്ങളും ഉണ്ടാകുന്നതിനു സാധ്യത. വിദ്യാര്‍ത്ഥികള്‍ക്ക് പഠന കാര്യങ്ങളില്‍ ഉദ്ദേശിക്കുന്നതുപോലെ നേട്ടങ്ങള്‍ ഉണ്ടായെന്നു വരില്ല. ഗൃഹനിര്‍മ്മാണം നടത്തുന്നവര്‍ അതിവ്യയമുണ്ടാകാതെ സൂക്ഷിക്കുക. സമഗ്ര മായ സൂര്യരാശിചിന്തയിലൂടെ ഉചിത പരിഹാരം കാണുക. കാര്‍ഷികമേഖലയില്‍ പ്രവര്‍ത്തിക്കുന്നവര്‍ക്ക് സാമ്പത്തികനേട്ടം ഉണ്ടാകും. ശത്രുശല്യം വര്‍ദ്ധിക്കും. യാത്രാഗുണം ഉണ്ടാകും.

കുംഭക്കൂറ് (അവിട്ടം 3/4, ചതയം, പൂരുരുട്ടാതി 1/2)

ഗുണദോഷ സമമായ കാലമാണ്. പുതിയതായി ജോലിയില്‍ പ്രവേശിക്കുന്നതിന് അല്പം കാലതാമസമുണ്ടാകാം. സ്വയം തൊഴില്‍ ചെയ്യുന്നവര്‍ക്ക് ചില നേട്ടങ്ങള്‍ ഉണ്ടാകും. വിദ്യാര്‍ത്ഥികള്‍ക്ക് കൂടുതല്‍ ശ്രദ്ധ ആവശ്യമുള്ള കാലമാണ്. ഔദ്യോഗിക രംഗത്തുള്ളവര്‍ക്കും പൊതുവെ പ്രതികൂല മായ ചില സാഹചര്യങ്ങള്‍ ഉണ്ടാകുന്നതിനു സാധ്യത. കച്ചവടക്കാര്‍ക്ക് നഷ്ടങ്ങള്‍ ഉണ്ടാകുന്നതിനു സാധ്യതയുള്ള സമയമാകയാല്‍ ശ്രദ്ധിക്കുക. ശരിയായ സൂര്യരാശി ചിന്തയിലൂടെ പ്രതിവിധി കാണുക. ജീവിതപങ്കാളിയുടെ പെരുമാറ്റം മനസ്സിനെ വേദനിപ്പിക്കും. സഹോദരസ്ഥാനീയരില്‍ നിന്നും സഹായസഹകരണങ്ങള്‍ ലഭിക്കും.

മീനക്കൂറ് (പൂരുരുട്ടാതി 1/4, ഉതൃട്ടാതി, രേവതി)

അനുകൂലമായ പല മാറ്റങ്ങളും ഉണ്ടാകുന്നതാണ്. പുതിയ പ്രവര്‍ത്തന മേഖലയില്‍ പ്രവേശിക്കുന്നതിലൂടെ നേട്ടങ്ങള്‍ ഉണ്ടാകും. കച്ചവടക്കാര്‍ക്ക് വളരെ സാമ്പത്തിക നേട്ടങ്ങള്‍ ഉണ്ടാകുന്നതിനു സാധ്യത. ഗൃഹനിര്‍മ്മാണം പൂര്‍ത്തീകരിച്ച് താമസം തുടങ്ങുന്നതിനു കഴിയും. നൂതന ഗൃഹോപകരണങ്ങള്‍ നേടിയെടുക്കുന്നതിനും കഴിയും. വിവാഹാലോചനകളില്‍ തീരുമാനമാകും. ജീവിതത്തില്‍ സുപ്രധാന മാറ്റങ്ങളുടെ കാലമാണ് വരുന്നത്. ധനനഷ്ടത്തിന് സാധ്യതയുള്ളതിനല്‍ വളരെ ശ്രദ്ധിക്കണം. ഉദ്യോഗസംബന്ധമായ യാത്രകള്‍ വേണ്ടിവരും..