ദീര്‍ഘകാല ലക്ഷ്യങ്ങള്‍ പലതും സാധിക്കും, യാത്രകൾ കൊണ്ടു പ്രയോജനമുണ്ടാകും, കച്ചവടക്കാര്‍ക്ക് നഷ്ടസാധ്യത, മാസഫലം

മേടക്കൂറ് (അശ്വതി, ഭരണി, കാര്‍ത്തിക 1/4)
പൊതുവെ അനുകൂല സമയമാണ്. ഏതുകാര്യത്തിലും ഗുണമുള്ള മാറ്റങ്ങള്‍ ഉണ്ടാകും. കുട്ടികള്‍ക്ക് പഠനത്തില്‍ നേട്ടങ്ങള്‍ ഉണ്ടാകുന്നതാണ്. കച്ചവടങ്ങള്‍ ചെയ്യുന്നവര്‍ക്ക് വളരെ നേട്ടങ്ങള്‍ ലഭിക്കും. ഔദ്യോഗിക രംഗത്തുള്ളവര്‍ക്കും ഗുണമുള്ളതാണ്.

ഇടവക്കൂറ് (കാര്‍ത്തിക 3/4, രോഹിണി, മകയിരം 1/2)
അനുകൂലമായ സന്ദര്‍ഭമാകുന്നു. വിവിധ മേഖലകളില്‍ തൊഴില്‍ ചെയ്യുന്നവര്‍ക്ക് വളരെ അനുകൂലം. ബിസിനസ്സുകാര്‍ക്ക് നല്ല പ്രയോജനം ലഭിക്കുന്നതാണ്. ജീവിതത്തില്‍ അപ്രതീക്ഷിതമായ ചില നേട്ടങ്ങള്‍ക്കു സാധ്യത കാണുന്നു. സാമ്പത്തികമായും വളരെ അനുകൂല സന്ദര്‍ഭമാണ്.

മിഥുനക്കൂറ് (മകയിരം 1/2, തിരുവാതിര, പുണര്‍തം 3/4)
പൊതുവെ ഗുണമുള്ള സന്ദര്‍ഭമായി കാണാം. സാമ്പത്തിക നേട്ടങ്ങള്‍ പലതുമുണ്ടാകുന്നതാണ്. യാത്രകള്‍കൊണ്ടു പ്രയോജനമുണ്ടാകും. ദീര്‍ഘകാലലക്ഷ്യങ്ങള്‍ പലതും സാധിക്കും. കുട്ടികള്‍ക്ക് പഠനപരമായ നേട്ടങ്ങള്‍ ഉണ്ടാകുന്നതാണ്. പൊതുവെ പല കാര്യത്തിലും ഗുണമുണ്ടാകാം.

കര്‍ക്കിടകക്കൂറ് (പുണര്‍തം 1/4, പൂയം, ആയില്യം)
അനുകൂലമല്ലാത്ത സാഹചര്യം ചിലതൊക്കെ ഉണ്ടാകുന്നതാണ്. വിവിധ മേഖലകളില്‍ ജോലി ചെയ്യുന്നവര്‍ക്ക് അനുകൂലമല്ലാത്ത സ്ഥിതി വരാം. സാമ്പത്തിക നഷ്ടങ്ങള്‍ ഉണ്ടാകാതെ ശ്രദ്ധിക്കുക. ആരോഗ്യകാര്യങ്ങളിലും പൊതുവെ സൂക്ഷ്മത വേണം.

ചിങ്ങക്കൂറ് (മകം, പൂരം, ഉത്രം 1/4)
സാമ്പത്തികമായി വളരെ പുരോഗതി ഉണ്ടാകാന്‍ സാധ്യത. വിവിധ മേഖലകളില്‍ ജോലി ചെയ്യുന്നവര്‍ക്ക് നേട്ടങ്ങള്‍ ഉണ്ടാകാം. കുട്ടികള്‍ക്ക് സാമ്പത്തിക ചിലവ് വര്‍ദ്ധിച്ചേക്കാം. എന്നാല്‍ പഠനനേട്ടങ്ങള്‍ ഉണ്ടാകും. ഗൃഹവാഹനാദികള്‍ നേടുന്നതിന് നിങ്ങള്‍ക്ക് അവസരം ലഭിക്കും. പൊതുവെ ഗുണാത്മകമായ മാറ്റങ്ങള്‍ കാണുന്നു.

കന്നിക്കൂറ് (ഉത്രം 3/4, അത്തം, ചിത്തിര 1/2)
ജീവിതത്തില്‍ ശ്രദ്ധിക്കേണ്ട സമയത്ത് ഏതു കാര്യത്തിലും വളരെ സൂക്ഷ്മത പാലിക്കുക. വിദ്യാര്‍ത്ഥികള്‍ക്ക് പഠനത്തില്‍ വളരെ ജാഗ്രതയില്ലെങ്കില്‍ പ്രതികൂല സ്ഥിതി വരാം. കച്ചവടക്കാര്‍ക്ക് നഷ്ടസാധ്യതയുള്ളതിനാല്‍ ശ്രദ്ധിക്കുക.

തുലാക്കൂറ് (ചിത്തിര 1/2, ചോതി, വിശാഖം 3/4)
അനുകൂലമല്ലാത്ത ആ സാഹചര്യം വന്നേക്കാം. വിവിധ മേഖലകളില്‍ സ്വയംതൊഴില്‍ ചെയ്യുന്നവര്‍ക്ക് വളരെ പ്രതികൂലസ്ഥിതി വരാം. വിദ്യാര്‍ത്ഥികള്‍ പഠനത്തില്‍ അതീവശ്രദ്ധ കാണിക്കണം. ഔദ്യോഗികരംഗത്തുള്ളവര്‍ തീരുമാനങ്ങള്‍ എടുക്കുമ്പോള്‍ വളരെ ശ്രദ്ധിക്കുക.

വൃശ്ചികക്കൂറ് (വിശാഖം 1/4, അനിഴം, തൃകേട്ട)
പൊതുവെ ഗുണദോഷസമ്മിശ്രഫലങ്ങള്‍ക്കു സാധ്യത. സാമ്പത്തിക നഷ്ടങ്ങള്‍ വരാം. കച്ചവടക്കാര്‍ പണമിടപാടുകളില്‍ വളരെയധികം ശ്രദ്ധ കാണിക്കുക. കുട്ടികള്‍ക്ക് ചില പ്രതികൂലാന്തരീക്ഷങ്ങള്‍ ഉണ്ടാകാന്‍ സാധ്യത. ആരോഗ്യകാര്യങ്ങളില്‍ പൊതുവെ ശ്രദ്ധ വേണം.

ധനുക്കൂറ് (മൂലം, പൂരാടം, ഉത്രാടം 1/4)
അനുകൂലമായ മാറ്റങ്ങള്‍ ഉണ്ടാകും. വിവിധ മേഖലകളില്‍ ജോലി ചെയ്യുന്നവര്‍ക്ക് നേട്ടങ്ങള്‍ വരും. കുട്ടികള്‍ക്ക് പഠനപുരോഗതി ലഭിക്കും. കച്ചവടക്കാര്‍ക്ക് സാമ്പത്തിക നേട്ടങ്ങള്‍ ഉണ്ടാകും. അനുകൂലമായി വരാം.

മകരക്കൂറ് (ഉത്രാടം 3/4, തിരുവോണം, അവിട്ടം 1/2)
അനുകൂലമായ സാഹചര്യങ്ങള്‍ ഉണ്ടാകും. സാമ്പത്തികമായ നേട്ടങ്ങള്‍ ഉണ്ടാകാം. കുട്ടികള്‍ക്ക് നല്ല പഠനപുരോഗതി ലഭിച്ചേക്കാം. ഏതു കാര്യത്തിലും ഗുണാത്മക ഫലങ്ങള്‍ക്കു സാധ്യത. ഗൃഹനിര്‍മ്മാണം തുടങ്ങുന്നതിനവസരം.

കുംഭക്കൂറ് (അവിട്ടം 1/2, ചതയം, പൂരൂരുട്ടാതി 3/4)
പൊതുവെ തടസ്സങ്ങള്‍ പലതുമുണ്ടാകാം. വിവിധ മേഖലകളില്‍ ജോലി ചെയ്യുന്നവര്‍ക്ക് സാമ്പത്തിക നഷ്ടങ്ങള്‍ ഉണ്ടാകുന്നതിനു സാധ്യത. കുട്ടികള്‍ക്ക് ഉദ്ദേശിച്ച രീതിയില്‍ പഠനപുരോഗതി ഉണ്ടായെന്നു വരില്ല. ഔദ്യോഗിക രംഗത്തുള്ളവരും എല്ലാ കാര്യത്തിലും ശ്രദ്ധ പാലിക്കണം.

മീനക്കൂറ് (പൂരൂരുട്ടാതി 1/4, ഉതൃട്ടാതി, രേവതി)
പൊതുവെ അനുകൂല സന്ദര്‍ഭമാണ്. വിവിധ രംഗത്തു ജോലി ചെയ്യുന്നവര്‍ക്ക് ഗുണമുണ്ടാകും. സാമ്പത്തിക പുരോഗതി ലഭിക്കും. നൂതന സംരംഭങ്ങള്‍ തുടങ്ങുന്നതിനു സാധ്യത. വിദ്യാര്‍ത്ഥികള്‍ക്കും പുരോഗതി നേടുവാന്‍ സാധിക്കും.