• search

നവംബര്‍ 1 മുതല്‍ 15 വരെയുള്ള നിങ്ങളുടെ പ്രണയജ്യോതിഷം എങ്ങനെയെന്ന് അറിയൂ...

  • By അനില്‍ പെരുന്ന - 9847531232
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    ജീവിതത്തിൽ ഒരിക്കലെങ്കിലും പ്രണയിക്കാത്തവരുണ്ടോ? നിങ്ങളുടെ പ്രണയജ്യോതിഷഫലം അറിയാന്‍ ആഗ്രഹമുണ്ടോ? ഈ മാസത്തെ (നവംബര്‍ 1 മുതല്‍ 15)  പ്രണയജ്യോതിഷഫലം നിങ്ങള്‍ക്ക് എങ്ങനെയാണെന്ന് അറിയാന്‍ തുടര്‍ന്ന് വായിക്കൂ.....

    മേടം (അശ്വതി, ഭരണി, കാര്‍ത്തിക ¼)

    മേടം (അശ്വതി, ഭരണി, കാര്‍ത്തിക ¼)

    ഉദ്ദേശിക്കുന്ന വിധത്തില്‍ പ്രേമപുരോഗതി യുണ്ടാകും. മനസ്സിന്റെ മോഹങ്ങള്‍ പൂവണിയും. ആനന്ദനിമിഷങ്ങള്‍ നിങ്ങളെ തേടിയെത്തും. ദീര്‍ഘനാളായുള്ള ഹൃദയഭാരം മാറിക്കിട്ടും. നിങ്ങളില്‍ ചിലര്‍ക്ക് നൂതന പ്രണയബന്ധങ്ങള്‍ ഉടലെടുക്കുന്നതിനും സാധ്യതയുണ്ട്. പ്രണയത്തിന് പ്രായഭേദമില്ല. മേടം രാശിക്കാരില്‍, മധ്യവയസ്സിലെത്തിയവരില്‍പോലും പ്രണയം തളിരിടാവുന്ന കാലമാണിത്. അസാധാരണവും വശ്യമനോഹരവുമായ ഒരു വ്യക്തിത്വമാണ് നിങ്ങളുടേത്. എന്നാല്‍ നിഗൂഢമായ ചില ദോഷഭാവങ്ങള്‍ നിങ്ങളുടെ പ്രണയ സൗഭാഗ്യത്തെ തടയുന്നതായി കാണുന്നു. ശരിയായ രാശിചിന്ത നടത്തി ഉചിത പരിഹാരം ചെയ്യേണ്ടതാണ്.

    ഇടവം (കാര്‍ത്തിക ¾, രോഹിണി, മകയിരം ½)

    ഇടവം (കാര്‍ത്തിക ¾, രോഹിണി, മകയിരം ½)

    നിങ്ങളുടെ പ്രണയ കാര്യങ്ങളില്‍ അപ്രതീക്ഷിത തടസ്സങ്ങള്‍ വരാം. ഒരു ചെറിയ തെറ്റിദ്ധാരണയോ ആലോചിക്കാതെ യുള്ള സംസാരമോ വിഷമങ്ങള്‍ സൃഷ്ടിച്ചേക്കാം. സംസാരത്തില്‍ മിതത്വവും കരുതലും പുലര്‍ത്തുക. പ്രണയ കല അദ്വിതീയമാണ്. അതില്‍ പ്രാഗത്ഭ്യം നേടിയാല്‍ വിഷമങ്ങളുണ്ടാവാതെ ബന്ധം മുന്നോട്ടു കൊണ്ടുപോകാന്‍ കഴിയും. നിങ്ങളില്‍ ചിലര്‍ക്ക് പുതിയ ബന്ധങ്ങള്‍ ഉണ്ടാകാന്‍ സാധ്യത. നന്നായി കരുതലെടുക്കണം. സൂക്ഷ്മനിരീക്ഷണം വളരെ ആവശ്യമാണ്. അപ്രതീക്ഷിതമായ തിരിച്ചടികല്‍ ഉണ്ടായേക്കാം. പ്രണയം, തര്‍ക്കങ്ങളോ കലഹങ്ങളോ കൂടാതെ സുഗമമായി മുമ്പോട്ടു കൊണ്ടു പോകുന്നതിന് ശാസ്ത്രീയമായി വശീകരണകല (അൃ േീള ടലറൗരശേീി) പഠിക്കുന്നതു നന്നായിരിക്കും. തല്‍ക്കാല ദോഷശാന്തിക്കായി രാജഗോപാല പൂജ നടത്തുക.

    മിഥുനം (മകയിരം ½, തിരുവാതിര, പുണര്‍തം ¾)

    മിഥുനം (മകയിരം ½, തിരുവാതിര, പുണര്‍തം ¾)

    മനസ്സിനിണങ്ങിയ ജീവിത പങ്കാളിയെ ലഭിക്കും. ആനന്ദകരമായ ദിനങ്ങളായിരിക്കും മുമ്പില്‍. നിങ്ങളുടെ ജീവിതത്തില്‍ വഴിത്തിരിവാകുന്നതിനു സാധ്യതയുള്ള ഒരു പുതിയ പ്രണയബന്ധം ഉടലെടുക്കുന്നതിനു സാധ്യത കാണുന്നു. ഇതിനു പ്രായഭേദമുണ്ടാകില്ല. മധ്യപ്രായമെത്തിയവരുടെ ജീവിതത്തിലും ഇതു സംഭവിക്കാം. യാത്രാവസരങ്ങളില്‍ ചിലരെ പരിചയപ്പെടുന്നത് പ്രണയമായിത്തീര്‍ന്നേക്കാം. പ്രവര്‍ത്തന മണ്ഡലത്തിലോ വിദ്യാലയങ്ങളിലോ ഇതു സംഭവിക്കുന്നതിനു സാധ്യത. സകലവിധ സൗഭാഗ്യങ്ങളും അനുകൂലമാകുന്ന തിനും പ്രണയസാഫല്യപ്രാപ്തിക്കുമായി മോഹനഗൗരീ പൂജ നടത്തുകയും വെണ്‍ പത്മരാഗക്കല്ല് ലോക്കറ്റായി ധരിക്കുകയും ചെയ്യുക.

    കര്‍ക്കടകം (പുണര്‍തം ¼, പൂയം, ആയില്യം)

    കര്‍ക്കടകം (പുണര്‍തം ¼, പൂയം, ആയില്യം)

    പൊതുവെ പ്രണയകാര്യങ്ങളില്‍ മന്ദത ഉണ്ടാകും. ധനനഷ്ടങ്ങളും ഇച്ഛാഭംഗവും യാത്രാക്ലേശവും പ്രേമകാര്യങ്ങളില്‍ വന്നു ചേരും. നിങ്ങളുടെ പല ചിന്തകളും തെറ്റായിരുന്നുവെന്നു തെളിയും. സംസാരത്തില്‍ മിതത്വവും കരുതലും ഉണ്ടായിരിയ്ക്കുക. പ്രേമബന്ധങ്ങളില്‍ തെറ്റിദ്ധാരണയും അഭിപ്രായഭിന്നതകളും അകല്‍ച്ചയും ഉണ്ടായേക്കാം. നിങ്ങളുടെ രാശിവീഥിയില്‍ തികച്ചും ദോഷാത്മകമായ ഒരു സ്വാധീനമാണു കാണുന്നത്. ഇത് ശരിയായ രാശി ചിന്തയിലൂടെ കണ്ടെത്തി ഉചിത പരിഹാരം ചെയ്യേണ്ടതാണ്. കൂടാതെ നീലവൗഡൂര്യം എന്ന കല്ല് ധരിക്കുക. മറ്റു വിശ്വാസികള്‍ പ്രേമഹൃദയധ്യാനം (അൃ േീള ഘീ്‌ല ങലറശമേശേീി) ശീലിക്കുക.

    ചിങ്ങം (മകം, പൂരം, ഉത്രം ¼)

    ചിങ്ങം (മകം, പൂരം, ഉത്രം ¼)

    ഉദ്ദേശിക്കുന്ന കാര്യങ്ങളില്‍ തടസ്സമുണ്ടാകാം. സകല പ്രേമങ്ങളിലും അസ്വസ്ഥതകള്‍ ജനിപ്പിക്കുക പലപ്പോഴും അതിഭാഷണമാണ്. ആലോചിക്കാതെ സംസാരിക്കുന്ന ശീലം കുറയ്ക്കുക. മനഃക്ലേശം സൃഷ്ടിക്കുന്ന അനുഭവങ്ങള്‍ ഉണ്ടാകുന്നതിനു സാധ്യത കാണുന്നു. പ്രണയ വിഷയങ്ങളില്‍ പ്രതികൂലാന്തരീക്ഷ ങ്ങള്‍ ഉടലെടുക്കാനിടയുണ്ട്. ക്ഷമയോടെ കാത്തിരിക്കുക. നിങ്ങളുടെ രാശിവീഥിയില്‍ വളരെ ദോഷാത്മകമായ ചില സ്വാധീനങ്ങള്‍ വന്നുഭവിക്കുന്നതായി കാണുന്നു. ഇത് നിങ്ങളുടെ സ്‌നേഹബന്ധങ്ങളെ ദോഷകരമായി ബാധിച്ചേക്കാം. ശരിയായ രാശിചിന്ത യിലൂടെ ഇത് കണ്ടെത്തി പരിഹരിക്കാനായാല്‍ പ്രണയകാര്യങ്ങളില്‍ വലിയ തടസ്സമുണ്ടാവില്ല.

    കന്നി (ഉത്രം ¾, അത്തം, ചിത്തിര ½)

    കന്നി (ഉത്രം ¾, അത്തം, ചിത്തിര ½)

    നിങ്ങളുടെ പ്രണയാകാശത്തില്‍ നൂതന നക്ഷത്രങ്ങള്‍ ഉദിക്കുന്ന കാലമാണിത്. അതായത് തികച്ചും ആനന്ദകരമായ പുതിയ പ്രേമബന്ധങ്ങള്‍ ഉടലെടുക്കുന്നതിനു സാധ്യത കാണുന്നു. കര്‍മ്മമേഖലയിലോ, വിദ്യാലയങ്ങളിലോവച്ച് നിങ്ങള്‍ ഒരു പുതിയ വ്യക്തിയെ കണ്ടുമുട്ടിയേക്കാം. ഇതിന് പ്രായഭേദം കാണുന്നില്ല. മധ്യപ്രായമെത്തിയവര്‍ക്കും ഇങ്ങിനെയൊരനുഭവം ഉണ്ടാകാം. നിങ്ങളുടെ ജീവിതത്തില്‍ വഴിത്തിരിവിനു കാരണമായേക്കാവുന്ന ഒരു പുതിയ ആത്മ ബന്ധമോ ആചാര്യബന്ധമോ ഉടലെടുക്കുന്നതിനു സാധ്യത കാണുന്നു. നിങ്ങളുടെ സമ്പൂര്‍ണ്ണമായ രാശിചിന്ത ചെയ്ത് ഉചിതമായ പരിഹാരം ചെയ്യുക. വെണ്‍പവിഴക്കല്ല് ധരിക്കുക. മറ്റു വിശ്വാസികള്‍ പ്രണയഹൃദയധ്യാനം (അൃ േീള ഘീ്‌ല ങലറശമേശേീി) ശീലിക്കുക.

    തുലാം (ചിത്തിര ½, ചോതി, വിശാഖം ¾)

    തുലാം (ചിത്തിര ½, ചോതി, വിശാഖം ¾)

    നിങ്ങളുടെ രാശിയില്‍ തടസ്സങ്ങള്‍ കാണുന്നുണ്ട്. ഉദ്ദേശിക്കുന്ന കാര്യങ്ങളില്‍ അപ്രതീക്ഷിത പ്രതിബന്ധങ്ങള്‍ വരാം. പ്രേമകാര്യങ്ങളില്‍ ചില ആശയക്കുഴപ്പം കാണുന്നു. നിങ്ങള്‍ ഇഷ്ടപ്പെടുന്ന വ്യക്തി യോട് അതിനാല്‍ തന്നെ ഇംഗിതം തുറന്നു പറയുക. ശരിയായ രീതിയില്‍ ആകര്‍ഷകമായി സംസാരിച്ചു ശീലിക്കണം നിങ്ങളുടെ രാശിമണ്ഡലത്തില്‍ വളരെ ദോഷകരമായ ഒരു യോഗസ്ഥിതി കാണുന്നു. ഇത് നിങ്ങളുടെ സ്‌നേഹബന്ധങ്ങളെ പ്രതികൂല മായി ബാധിച്ചേക്കാം. ശരിയായ രാശിചിന്തയിലൂടെ നിങ്ങളുടെ ദോഷാവസ്ഥകള്‍ കണ്ടറിഞ്ഞ് ഉചിതമായ പ്രതിവിധികള്‍ ചെയ്യുക. സമുദ്രനീലക്കല്ല് ലോക്കറ്റായി ധരിക്കുന്നത് ഗുണം ചെയ്യും.

    വൃശ്ചികം (വിശാഖം ¼, അനിഴം, തൃക്കേട്ട)

    വൃശ്ചികം (വിശാഖം ¼, അനിഴം, തൃക്കേട്ട)

    നിങ്ങളുടെ പ്രേമകാര്യങ്ങളില്‍ പലവിധ തടസ്സങ്ങള്‍ ഉണ്ടാകും. അപ്രതീക്ഷിതമായ അഭിപ്രായ ഭിനന്നതയോ തെറ്റിദ്ധാരണയോ അകല്‍ച്ചയ്ക്കു വഴിതെളിക്കാതെ സൂക്ഷിക്കുക. പുതിയ പ്രണയങ്ങളില്‍ ഏര്‍പ്പെട്ടിരിക്കുന്നവര്‍ കൂടുതല്‍ ശ്രദ്ധിക്കുക. ആലോചനയില്ലാതെയുള്ള സംഭാഷണം ഒഴിവാക്കുക. മനസ്സിന്റെ വ്യാകുലതകളെ നിയന്ത്രിക്കുവാന്‍ ശ്രമിക്കുക. അനാവശ്യമായ ഈഗോ വച്ചു പുലര്‍ത്തുന്നതും പ്രേമ വിഷയങ്ങളില്‍ കുഴപ്പങ്ങള്‍ സൃഷ്ടിച്ചേക്കുന്നതിനു സാധ്യതയുണ്ട്. നിങ്ങളുടെ രാശിവീഥിയില്‍ തികച്ചും ദോഷാത്മകമായ ഒരു സാന്നിധ്യം കാണുന്നു. സമ്പൂര്‍ണ്ണ രാശിഫലം ചിന്തിച്ച് വേണ്ടതു ചെയ്യുക.

    ധനു (മൂലം, പൂരാടം, ഉത്രാടം ¼)

    ധനു (മൂലം, പൂരാടം, ഉത്രാടം ¼)

    മനസ്സില്‍ സന്തോഷം നിറയും. ദീര്‍ഘനാളത്തെ പ്രേമാഭിലാഷങ്ങള്‍ പൂവണിയും. വരാനിരിക്കുന്നത് സുന്ദരദിനങ്ങള്‍ തന്നെ. നിങ്ങളില്‍ ചിലരുടെ പ്രണയം വിവാഹത്തിലെത്തുന്നതിനു സാധ്യത കാണുന്നു. പ്രണയം പ്രായത്തിനും കാലത്തിനും അതീതമാണ്. മധ്യപ്രായമെത്തിയവരിലും പ്രണയാങ്കുരങ്ങള്‍ മുളയ്ക്കുന്നതിന് അനുകൂലമാണിപ്പോള്‍ രാശിഫലം. ആകര്‍ഷകമായ വ്യക്തിത്വവും മനോഹരമായ സംഭാഷണശൈലിയും സുന്ദരമായ പെരുമാറ്റവും വളര്‍ത്തിയെടുക്കുന്നതിന് നിങ്ങള്‍ക്കു സാധിക്കുന്നതാണ്. മോഹനഗൗരീപൂജ നടത്തുകയും മുക്താഫല രത്‌നം ധരിക്കുകയും ചെയ്യുക. മറ്റു വിശ്വാസികള്‍ ആര്‍ട്ട് ഓഫ് ലൗ മെഡിറ്റേഷന്‍ ശീലിക്കുക.

    മകരം (ഉത്രാടം ¾, തിരുവോണം, അവിട്ടം ½)

    മകരം (ഉത്രാടം ¾, തിരുവോണം, അവിട്ടം ½)

    പൊതുവെ പ്രേമകാര്യങ്ങളില്‍ തടസ്സങ്ങള്‍ ഉണ്ടാകാം. വിചാരിക്കുന്ന രീതിയില്‍ കാര്യങ്ങള്‍ നടക്കണമെന്നില്ല. പലവിധ പ്രയാസങ്ങളും വിവാദങ്ങളും ഉണ്ടായെന്നു വരാം. പ്രേമിക്കുന്നവര്‍ക്ക് വീട്ടുകാരുടെ എതിര്‍പ്പ് നേരിടേണ്ടി വന്നേക്കും. സംഭാഷണത്തിലെ പിഴവുകള്‍ നിങ്ങളുടെ പ്രണയ സാഫല്യത്തിന് തടസ്സം സൃഷ്ടിക്കാതെ നോക്കണം. പ്രേമ വിഷയത്തിനു യാത്രാക്ലേശം, ഇച്ഛാഭംഗം, മനോമാദ്യം ഇവയെല്ലാം സഹിക്കേണ്ടതായി വരാനിടയുണ്ട്. ദോഷ പരിഹാരമായി ഒരു മംഗളഗൗരീപൂജ നടത്തുക. വെണ്‍പത്മരാഗക്കല്ല് ധരിക്കുക.

    കുംഭം (അവിട്ടം ½, ചതയം, പൂരുരുട്ടാതി ¾)

    കുംഭം (അവിട്ടം ½, ചതയം, പൂരുരുട്ടാതി ¾)

    പ്രേമകാര്യങ്ങളില്‍ സാഫല്യം കാണുന്നു. നൂതന പ്രണയത്തിനുവേണ്ടി ശ്രമിക്കുന്നവര്‍ക്ക് അതു സാധ്യമായിത്തീരുന്നതാണ്. നിങ്ങളുടെ ഏകാന്തതയിലേക്ക് ഇമ്പമാര്‍ന്ന ഒരു പ്രേമസംഗീതം കടന്നുവരാന്‍ പോകുന്നു. കര്‍മ്മമണ്ഡലത്തിലോ, യാത്രാവേളയിലോ വച്ച് അപ്രതീക്ഷിതമായി കണ്ടുമുട്ടുന്ന ഒരു വ്യക്തിയെ ആയിരിയ്ക്കും നിങ്ങള്‍ ഇഷ്ടപ്പെടുക. ജീവിതത്തില്‍ വഴിത്തിരിവിനു കാരണമാകാവുന്ന ഒരു ആത്മബന്ധമോ ആചാര്യബന്ധമോ ഉണ്ടാകുന്നതിനു സാധ്യത കാണുന്നു. സര്‍വ്വാഭീഷ്ടസിദ്ധിക്കായി ഒരു ശ്രീചക്രപൂജ നടത്തുക. നീലപവിഴം ധരിക്കുന്നതും പൊതുവെ ഉത്തമമാകുന്നു.

    മീനം (പൂരുരുട്ടാതി ¼, ഉതൃട്ടാതി, രേവതി)

    മീനം (പൂരുരുട്ടാതി ¼, ഉതൃട്ടാതി, രേവതി)

    പ്രേമകാര്യങ്ങളില്‍ വളരെ തടസ്സങ്ങളോ പരീക്ഷണങ്ങളോ വരാം. പ്രണയിക്കുന്ന ആളുമായി അകല്‍ച്ച ഉണ്ടാകുന്നതിനു സാധ്യത കാണുന്നതിനാല്‍ ശ്രദ്ധിക്കുക. സംസാരത്തില്‍ മിതത്വവും കരുതലും ശീലിക്കുക. അനാവശ്യകാര്യങ്ങളില്‍ ഇടപെടാതെയിരിക്കുക. നിങ്ങളുടെ മീനം രാശി മണ്ഡലത്തില്‍ പൊതുവെ ദോഷാത്മകമായ ഒരു സാന്നിധ്യം തെളിയുന്നതായി കാണുന്നു. കുടുംബക്ഷേത്രങ്ങളുള്ളവര്‍ അതിന്റെ സ്ഥിതി വിശേഷാല്‍ ചെയ്യേണ്ടതാണ്. ദോഷപരിഹാരമായി ഒരു സത്യാനാരായണപൂജ നടത്തി സമുദ്രനീലം ധരിക്കുന്നത് ഉത്തമം.

    English summary
    love predictions from november 1 to 15

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more